Hikayat MoU Helsinki

Menyambut Hari Ulang Tahun Kemerdekaan Republik Indonesia Ke- 72
****************************************************************
Kamis, 17 Agustus 2017

KRU SEUMANGAT!
ACEH KA DAME

-Tajaga Beurame!

Disusun Oleh :
T. A. Sakti
Mhd. Kalam Daud

* ****************************************************************

Bismillahirrahmanirrahim

Peuneuphon Haba

Assalamu’alaikom kawom syeedara
Dosun ngon kuta baroh ngon tunong
Lon keuneuk suson saboh calitra
Bak peunyum hamba sang sang meukeunong

Kisah keu nanggroe nyang that lon cinta
Nyang katrep masa hudep lam khem-khom
Sabe lam karu hana tom reuda
Jan-jan di kuta kadang di gunong

Teudoh lam pasi ganti lam desa
Rakyat seungsara hana peue tanyong
Aman di gampong tutong blang raya
Ureueng seumula bak plueng beukah thong

Peue-peue tapubuet jeuet keubuet hana
Hate lam liya teumakot keunong
‘Oh tam tum beude kuntak seunjata
Plueng ngon meutaga peusiblah nyawong

Kadang bak plueng-plueng jeuet salah sangka
Ka ‘ohnan kada mesiu tamong
Meunan keuh nasib rakyat jeulata
Bandum meurana baroh ngon tunong

Nyang pula capli Tuwi Lampoh Ja
Campli ka raya meudan meubungong
Hanjeuetle saweue karu meubura
Campli meukeuba jeut eumpeuen sidom

– 1 –

– 2 –

Nyang pula bawang dalam Blang Kula
Beungoh ngon sinja sibu ngon ie mon
‘Oh karu sinan soe peutoe hana
Bawang ka raya bandum habeh kom

Nyang jak u Kanto hate pih goga
Geutakot teuka sweping keunong
Tuwo KTP karoh lam bala
Sayang teuh raya teubingong-bingong

Nyang buet bak CV Toke swasta
Nyan pih leupah jra meuseumong-seumong
Sabab digobnyan lethat beulanja
Beungoh ngon sinja gob tanyong-tanyong

Guru ngon Teungku bandua lam jra
Sabab beulanja nyang phon na tamong
Teuma di Teungku beulanja hana
Wab na wibawa punca jeuet bingong

Meujan yum barang meuhai meutaga
Sabab armada hana ji tamong
Barang di Medan tan trok u Banda
Jitakot bala Muto jeuet runggong

Hubungan putoih Sembako hana
Habeh meurana agam ngon inong
Teuma di rakyat tan putoih asa
Geumita cara jalan nyang keunong

– 3 –

Ban teuka isu laju siaga
Biasa teuka bak ureueng inong
Jak borong barang bak keude subra
Geupeuwoe sigra di rumoh tamon

Meujan roh teulah dikawom hawa
Isu baroesa hanya bohongan
Nyang keuh akibat nanggroe lam bala
Got that dit laba rugo meutamon

Nyang leupah sayang tutong sikula
Mulai kuta trok dalam gunong
Meuribee murid putoh sikula
Ladom na tenda LSM peudong

Leupah le rugoe ureueng seumuga
Kumpoi beulanja geu peubloe umong
Saboh nihet gle nilam geupula
Geuharap laba minyeuk meuton-ton

Ban karu bacut di bineh rimba
Larangan teuka bek ek u gunong
Nilam ka watee ujong usaha
Rugoe meujuta ureueng po bingong

Dum keubon kupi pineung ngon pala
Jeuet uteuen raya seumak meujuhom
Sabab hanjeuetle ureueng po teuka
Jeuet sia-sia pangkai nyang geulhom

– 4 –

Bak nanggroe karu cit meunan rupa
Rata peukara udep tan keunong
Ban saboh donya tan jeuoh bida
Got di Indonesia atau di Hongkong

Meunan di Aceh saheh calitra
Ka 30 thon ka meuseumong-seumong
Rakyat meupiret bit phet meutaga
Rusak areuta kadang cit nyawong

Uroe ngon malam do’a tan reuda
Ubak Ta’ala sabe geumuhon
Aceh beuaman E Ya Rabbana
Beudame sigra pihak meuceungom

Do’a goh teudoh kiroh goh reuda
Teuka lom bala soe rasa hantom
Geumpa meuguncang tsunami teuka
Habeh teubungka peue-peue nyang teudong

Aceh teupuro hanco meuleu-a
Sang-sang sirasa keunong bom atom
Meureutoh ribee ureueng binasa
Hareuta beunda han ek tahitong

Rasa Kiamat ka dinab mata
Peue lom ngon geumpa meuseumong-seumong
Ureueng meurateb galet meudo’a
Beujeuoh bala geumpa beuteudong

-5-

Aceh habeh phak luyak ban sira
Mulai kuta sampe u gunong
Rata dum ureueng lam meundeurita
Rab rata-rata bala na keunong

Hana teupeh droe keunong syeedara
Dum kawom lingka ka habeh nyawong
Uleh seubab nyan tanle teunaga
Aceh geupuga hanle soe tanyong

Musibah di Aceh jeuet keu beurita
Ban saboh donya meudeungong-deungong
Tivi ngon Koran meulumba-lumba
Bak layeue kaca ureueng meutamon

Donya teukeujot jipot beurita
Ban sigom donya teuceungong-ceungong
Turki Arab kajab ngon duka
Jeupang Amerika trok Sirra Leon

Di dalam nanggroe meutampoe haba
Aceh lam bala naf’ah dum teudong
Presiden SBY geutanggap sigra
Aceh bencana tingkat nasional

Trokle bantuan meumacam rupa
Ban saboh donya u Aceh meujrom
Peunoh Blang Bintang peusawat teuka
Rot darat pihna ladom jitamong

– 6 –

Allahu Rabbi Ilahon Ahad
Aceh meularat leupah that sayang
Donya jiba-E timu ngon barat
Sang aneuk jasad udep lam malang

Bantuan ile curam meudrap-drap
Siat tan seungap siang dan malam
Nyang ba makanan pakaian leungkap
Ladom ba jasad sukarelawan

Peusaho manyet keureuja leugat
Ladom geukarat bak peugleh jalan
Dum ureueng luwa keunoe meusapat
Ngon Aceh akrab sang-sang saboh Nang

Peumimpin asing rame jak lihat
Nyang paleng hibat trok Kofi Annan
Sekjen PBB digobnyan pangkat
Aceh nyang kajab hate lom keumang

Di konflik Aceh ka seungap meukhab
Seunjata meukap pih jeuet takheun tan
Sabab watee nyan ka saho hadap
Aceh beusihat beupuleh pansan

Hikmah tsunami bayang rab meupat
Rahmat Hadlarat gohlom jeuet tapham
Pihak berkonflik hate reuloh that
Geukalon rakyat rame that korban

– 7 –

Gob luwa bantu, ureueng po meukap
Sang hana cakap waras pikiran
Digob ji sayang Aceh beusihat
Tanyoe ta meukap lagee kon insan

Bantuan teuka teurseundat-seundat
Meunyo bak teumpat mantong karu prang
Dum ureueng luwa hati-hati that
Geutakot silap salah sasaran

Meunyo lagee nyan teuntee susah that
Bagi dum rakyat di peudalaman
Hanya di kota bantuan dapat
Bak teumpat-teumpat resiko ringan

Jaminan keuamanan teuka beuleugat
Got that geuharap nyang po bantuan
Meunyo ka aman pikeran mantap
Hoho geuhadap tanle rintangan

Nibak saat nyan timoh peundapat
Aceh nyang kajab beuteuka aman
Seruan teuka timu ngon barat
Aceh beusihat lajule keumang

Ka grak teukeudi nibak Hadlarat
Konflik beuseungap bekle beurkeumbang
Dalam ngon luwa ka sapeue pakat
Tanggai ka meuhat uroe ka meujan

– 8 –

Grang-gring telepon laju siat-at
Geutanyoe rakyat teuntee tathee tan
Bandua pihak dame geuhajat
Peuwoe martabat Aceh nyang guncang

Hikmah Ie Beuna kameuri sipat
Bak tanyoe rakyat ka mulai trang
Alhamdulillah rahmat le that-that
Aceh beuteutap aman beurijang

RI – GAM Beurundeng Lom

“Pat ujeuen nyang han pirang
Pane prang nyang han reuda”
Meunan geupeugahle entu moyang
Nyan peungalaman jameun dilee ka

Geumpa Ie Beuna Aceh that guncang
Lagee nyum sang-sang Kiamat donya
Mungken bala nyan Tambo bak Tuhan
Kajeuet piyoh prang bekle meudawa

Bandum farikah keubah beulakang
Jak mita jalan ukeue bahgia
Seb ube nyangka peusak angkatan
Boeh keutimbangan hate lam dada

Peusak kreueh ceubeueh kalheueh tajalan
Meubacut pihtan teuka sijahtra
Nyang na cit paloe rugoe meukuyan
Nyawong meulayang ngon harta beunda

– 9 –

Blah noe pih rusak blah deh pih karam
Nyang leupah sayang ureueng tan deesya
Karoh meubalot lam seupot hitam
Gobnyan koreuban that sia-sia

Tunong ngon baroh dum jatoh korban
Yatim nyang malang rame lagoina
Hansoe hirole bu peundidikan
Hilang harapan dum aneuk bangsa

Geumpa tsunami Tuhan peh canang
Puta haluwan mita sijahtra
26 Desember 2004 jeuet peringatan
Sebka berjuang ngon ta peusak kha

Jakarta – Stockkholm kuntakle rijang
Telepon geumgam haloih suara
Geutanyoe rakyat gohlom ta tuban
Sabab wate nyan mantong rahsia

Ulon nyang tuleh boeh peurkiraan
Nyang thee beunaran nyang po keureuja
Indonesia – “Swedia” maken sipaham
Aceh nyang karam bangun bersama

Pakat ka jadeh saheh ikhlasan
Mita titian peunghubong haha
Martti Ahtisaari jatoh pilihan
Le peungalaman bak publa dawa

– 10 –

Yoh masa karu wilayah Balkan
Gobnyan cit padan jadeh prang reuda
Presiden Finlandia Martti ka mantan
Jinoe pimpinan saboh lembaga

Crisis Management Initiative Ketua gobnyan
Ka meusyuhu nan sabab le jasa
Kuta Helsinki teumpat rundengan
Ka keumah padan pihak ban tiga

Bak tanyoe awam gohna bocoran
Di dalam Koran jisiar hana
Wakil Presiden nyang phon umumkan
Akan na rundengan di Finlandia

Bak phon tadeungo sang haba wayang
Aceh baro ban Ie Beuna timpa
Maken siuroe laju maken trang
Gigeh kon wayang Pak Jusuf Kalla

Hamid Awaluddin pimpinan utusan
Gobnyan Menteri HAM Hukom seureuta
Sofyan Jalil Meunteri “khabaran”
Asai digobnyan Peureulak – Langsa

Delegasi Indonesia beurangkat rijang
Keudeh tujuan u Finlandia
Januari 2005 watee masa nyan
Deungon harapan Aceh sijahtra

– 11 –

Jinoe tapeugah tim perunding GAM
Nibak Gerakan Aceh Merdeka
Phon Malek Mahmud PM dalam GAM
Zaini Abdullah teuman nyan Meuntroe Luwa

Bachtiar Abdullah bri peuneurangan
Jikheun lam Koran juru bicara
Beudoh di Swedia laju teureubang
Deungon tujuan cit Finlandia

Trok u Helsinki dua rombongan
Ka geupeutimangle panitia
Awak CMI ka siap sinan
Crisis Management Initiative nama nyang leungka

Rombongan piyoh yoh bantroh sinan
Hek perjalanan teureubang lama
Ngon musem sijuek dijuthuek badan
Ureueng ban datang leupah geurasa

Lheueh puleh payah glah ngon pikiran
Peusiap bahan rundengan mula
Rotnoe ngon rotdeh pakat sipadan
Lam perundingan geumaju sigra

Martti Ahtisaari gabhuek kon wayang
Ngon staf gobnyanpeuhase dumna
Nyan juru dame lagee jeumbatan
Peulancar jalan pihak meudakwa

-12-

Meunyo kong tutue liwat meunyeubrang
Selamat jalan aman seuntausa
Meung titi tan kong patah meutihang
Ureueng meunyeubrang kadang patah pha

Do’a talake bak sidroe Tuhan
Tutue CMI nyan beukong lagoina
Beubit-bit dame RI deungon GAM
Aceh beuaman adil seujahtra

Bacut taceukot kawom wartawan
Meuhimpon keunan dalam ngon luwa
Wartawan tivi tabloid koran
Dum ka troh keunan liput beurita

Tsunami di Aceh cit baroesa ban
Manyet lam kubang mantong sa-dua
Jinoe beurundeng RI deungon GAM
Nyankeuh wartawan rame that teuka

Subhanallah Wal hamdulillah
Bandum peurintah nibak Ilahy
Dua rombongan ka puleh payah
Seureuta sudah turi-meuturi

Jinoe CMI laju meulangkah
Lagee peurintah Martti Ahtisaari
Hameh Jum’at Sabtu lhee sudah
Ka geugrak langkah le Ahtisaari

27 Januari tanggai nyang ceudah
Ka sibuleuen paih ohlheueh tsunami
Kota Helsinki sang leubeh indah
Ban geucok langkah rundeng GAM – RI

– 13 –

Geunap lhee uroe meutulak kisah
Bandum geubahasle delagasi
Pat-pat nyang sangkot rijang geupeuglah
Mangat bek beukah ceulah geulisi

Bit juru dame cangklak sileupah
Carong bri ilah ngon diplomasi
Buet Ahtisaari seureuta staf
Phon-phon geulangkah Tuhan bri rasi

Hase nyang bulat cit gohlom leumah
Tapi deuh ramah nyang dakwa-dakwi
Peurundingan phon Alhamdulillah
Lheueh nyan geupeugah bak Februari

Gohlom deuh hase hanjeuet keu teulah
Buet katrep leupah payah atasi
Kana 30 thon lam meufarikah
Pakri beu-ek glah lam tiga hari ?

Jinoele leugat ta sambat kisah
Rundingan teuhah lom Februari
Helsinki satu kalheueh lon peugah
Gohlom got teuhah pinto meugunci

– 14 –

Delegrasi RI katrok lom langkah
Laju geusinggah kuta Helsinki
Hana geuhiro keu hek ngon payah
Meunan dua blah lagee meujanji

Keu juru rundeng hanpeue lon kisah
Mantong nyang sudah cit bandua si
Fasilitator hana cit ubah
Lembaga meugah nama CMI

Seulanyan Lasa Rabu ka sudah
Dua ploh sa paih buleuen Februari
Musem seu-uem phon yohnyan Eropah
Meunan ji peugahle televisi

Geunap lhee uroe ploh masaalah
Nyang meucuet peuglah ngon hati-hati
Rotnoe na geujok rotdeh na geuseurah
Punca farikah laju geulisi

Rotdeh geulakee rotnoe geutadah
Le masaalah caye geulayi
Baroekon beuku ban batu cadas
‘Oh watee bicah bee minyeuk wangi

Bandua pihak hate ka teuhah
Sabab musibah teuka tsunami
Aceh nyang phang-phoe meupinyo reubah
Beurijang bagah BANGKET KEUMBALI

– 15 –

Bacut sapat treuk punca goh teuhah
Nyan masaalah nyang inti-inti
Giliran ukeue teuma geubahas
Lanja berpisah dua delegasi

Le keumajuan meunan geupeugah
Tapi nyang jeulah goh teupeurinci
Rakyat di Aceh seunang sileupah
Geuteunyum bit sah dame terjadi

Helsinki keu lhee laju ta peugah
Tanggai 12 April mulai
Babak nyang keu peuet buleuen Mei geuprah
Hase meulimpah meutamah meuri

Bandua pihak sipakat sudah
Geutoeb farikah kisah nyang lawi
Dawa nyang dilee geuseubee bagah
Martabat marwah geujunjong tinggi

Keupala teugak tan pihak kalah
Meunang tan siblah, talo tan sasi
Pakat ka bulat tekad ka geusah
Punca kabeh glah rujuek keumbali

Keudeh Helsinki ukeue geubahas
Watee ka geusah bak buleuen Juli
12 – 17 tanggai meutuwah
Le masaalah nyang brat teurjadi

– 16 –

Dalam watee nyan rencana paraf
Tanda ka sudah geuikat janji
Oleh seubab nyan dumpeue beujeulas
Supaya singoh bek dakwa-dakwi

Bak babak limong kheundak Potallah
Saboh seujarah sinan mulai
Tuntut merdeka buet GAM geukeubah
Geuakui sah nyan NKRI

Utusan RI geumbira leupah
Alhamdulillah that geusyukuri
Sang-sang hanale rintangan langkah
Tinggai geuparaf tanda kong janji

Tapi mantong na nyang brat sileupah
Pihak dua blah meuglong-glong gaki
Bhah Partai Lokal tarohan tuwah
Hantem meungalah rusak geulayi

Martti Ahtisaari yohnyan seuleuah
Yue piyoh payah dum delegasi
Bandua pihak kuntakle bagah
Maseng-maseng “Yah” pimpinan tinggi

Helsinki – Jakarta saleng bri hujjah
Meunan cit ulah Stockholm – Helsinki
Dudoe nibak nyan sipakat sudah
Laju geupeusah le Ahtisaari

– 17 –

Reuncana Sabtu bak Minggu sudah
Yohnyan geuparaf geuikat janji
Seukali-kali hanle meu-ubah
Perundingan sah ka geuakhiri

Tapi na janji nyang kuat leupah
Bek peugah-peugah bah barang kakri
Yoh goh geutiken ngon daweuet basah
Asoe naskah MoU rahsia mati

15 Agustus 2005 pakat ka sudah
Teken naskah Pemerintah RI
Rundingan informal geubri istilah
Baroekon gohsah gohlom reseumi

‘Oh lheueh geuteken tanggai 15
Nyan baro keuh sah kajeuet resmi
Geutanyoe awam payah tapilah
Nyang peunteng bagah dame mulai

Utusan RI pikeran teuhah
‘Ohlheueh geuparaf janji Helsinki
Di dalam nanggroe s ‘eh-s’ oh sileupah
Sabab goh jeulas asoe dum janji

Pro deungon kontra laju meusanggah
Raya beurakah bak televisi
Elit Jakarta takalon bicah
Ladom kheun salah, ladom kheun asi

Di ureueng Aceh nyang troe musibah
Lakee bak Allah rahmat beuneubri
Keu gob meudawa bah kuwut babah
Nyang peunteng bagah aman Tuhan bri

– 18 –

Teken MoU Dame

Astaghfirullah deesya beumeulhak
Talakee ubak Tuhanku Rabbi
Kisah Helsinki laju talacak
Jinoe katrok bak nyang paleng inti

Kalheueh beurundeng trok limong babak
Bandua pihak ngon hate suci
Na tujoh buleuen wate nyang dijak
Sagai hana glak dua delegasi

Sabab geuharap hase nyang bijak
Aceh beuramphak bangket keumbali
Seumangat dame timoh meugrak-grak
Meurinthak-rinthak seumaken tinggi

RI deungon GAM sang kayee sibak
Cabeueng jih ramphak reului han sakri
Di rakyat Aceh hate that galak
Baja geutambak do’a bak Rabbi

Di Jakarta na cit ureueng glak
Aceh tan galak dame keulayi
Meumacam cara geuguyak-guyak
Aceh beulom phak beude meunari

Ladom alasan RI tan bijak
Le that geubri hak Aceh mandiri
Nyang ladom geukheun ka tipee lantak
Mie-ong nyang gob sak di dalam guni

– 19 –

Memang yoh rundeng bak limong babak
Bandua pihak ka geumeujanji
Asoe MoU bungkoih dalam pak
Han jeuet meusikrak ureueng keutahui

‘Ohlheueh getiken resmi meusigak
Kajeuet ploh kutak geubuka isi
Uleh seubab nyan na elit palak
Meutamah layak nibak geucaci

Watee tasidek talacak-lacak
Na nyang deuh utak nafsu pribadi
Gobnyan keu Aceh sayang tan sikrak
Haba geuh beuhak cinta neugeri

Teuma lagi lom geuduek pih jarak
Su beude lantak hantom geuturi
Di Jakareuta gobnyan geulikak
Aceh phak luyak tantom geusaksi

Nyankeuh jeuet hate inseuh tan jijak
Gohlom Neu kheundak uleh Ilahy
Ateuh manyet gob geunari likak
Nyang leubeh nampak keupentingan pribadi

Tanyoe meudo’a hate bek palak
Tuhan beuneugrak insaf keumbali
Umu beupanyang pangkat beuramphak
Mangat treb bijak udep berbakti

– 20 –

Kisah ta puwoe bak uboe nyang bak
Delegasi jak lom u Helsinki
Teken MoU nyang mantong lam pak
Geupreh meusigrakle Ahtisaari

Arti MoU hai Teungku Bapak
Pakat nyang kahak kelheueh geujanji
Kaseb mupakat bandua pihak
Tanle meusikrak lam hate sangsi

Kisah lon singkat neubaca bek glak
Rombongan nyang jak trok u Helsinki
Deungon wartawan dum meusak-garak
Media cetak dan televisi

Kru televise sigra bergerak
Alat geupacak di sana-sini
Siaran langsong acara puncak
Cukob meusigak DAME GAM-RI

Memang kali nyoe leubeh meusigak
Rombongan nyang jak meuriti-riti
DPRD Aceh saheh na geujak
Padum droe Bapak PEMDA seundiri

Majelis Mufakat ulama bijak
Tamah seumarak tokoh adat lagi
DPR Pusat peutamah ramphak
Utusan nibak padum boh Fraksi

– 21 –

Dum rumeh-rumeh pakaian lagak
Lagee ureueng jak pesta khanduri
Trok geujak ampeung Dame mustahak
Kon ban ureueng jak bak dakwa-dakwi

15 Agustus ramphak seumarak
Dum rata sawak meunanti-nanti
Di Tanoh Aceh sang-sang meugrak-grak
Ureueng hana jak keu sana-sini

Di Banda Aceh meubulak-bulak
Meuribee geujak bak Rumoh Suci
Mesjid Baiturrahman dum meusak-garak
Tamah meusigak na Menteri-Menteri

Rab poh 12 jeum di nanggroe jeh
Gla-glo dum habeh geu peusiap droe
200 wartawan teumpat ka meuceh
Geuliput habeh kirem u nanggroe

Balai Pertemuan Finlandia teumpat geupileh
Bak ruwang nyang gleh timang meusagoe
Bandum nyang hadir geudong meulapeh
Teuseungeh-seungeh geu peuseungap droe

Duek bak kurusi ureueng teupileh
Lhee droe tan leubeh meja sinan toe
Hamid Awaluddin nyang phon hai wareh
Di teungoh meuceh diplomat usoe

– 22 –

Nan Martti Ahtisaari gob turi habeh
Keunoe ngon keudeh peudame nanggroe
Teuma sidroe teuk lontuan tuleh
Malik Mahmud Haytar rame gob tusoe

Staf CMI beudoh di sideh
Naskah meutuleh ka geujok sampoe
Naskah MoU hai Teungku Puteh
Tujoh on lipeh peunteng that asoe

RI deungon GAM sipakat habeh
Sinan geutuleh yoh buleuen baroe
Hanle geumeuprang rotnoe ngon rotdeh
Aceh geugaseh bekle lam phang – phoe

Bak poh 12 watee nanggroe jeh
Geuteken urehle ureueng lhee droe
Hamid Awaluddin rot RI pileh
Malek Mahmud Haytar rot GAM peujaroe

Martti Ahtasaari sidroe treuk kabeh
Ureueng nyang areh peudame nanggroe
Maka sudah sah MoU meutuleh
Meusoe nyang langgeh jadeh meupaloe

‘Ohlheuh geu teken pulpen sak lam keh
Beudoh sibareh geumumat jaroe
Ban lhee droe ureueng jaroe meutindeh
Tanda bit khaleh pake seuleusoe

Asoe MoU RI-GAM

Meupeuekeuh hase dalam duek pakat
Le waki rakyat di kuta Helsinki
Nota kesepahaman MoU geusingkat
Hase duek rapat awak GAM ngon RI

Na nam pokok inti geusurat
Tujoh-ploh-sa ayat meunyo tarinci
Nyang nam pokok nyoe dilee tacatat
Nam krek kalimat dilee lon rawi

Nyang pertama phon beuna taingat
Pemerintahan rakyat atoran geubri
Peuekeuh Undang-undang cara ngon ikat
Partisipasi siasat politek geuungki

Meunan cit ekonomi geubri hak rakyat
Bek sampe khianat teuka ngon deungki
Atoran Undang -undang alat ngon tambat
Bek sampe meuilat hukum ngon janji

Teuma kedua haba lon sambat
Disinoe geupeutupat keu hak asasi
Teuma nyang keulhee ureueng teulibat
Beujibri leugat meu’ah amnesti

Laen nibak nyan jibri amanat
Keu ureueng teulibat beuwoe keumbali
Beugeutem meunyatu geuwoe bak teumpat
Deungon masyarakat kawom family

– 23 –

– 24 –

Teuma nyang keupeuet kisah lonradat
Keuamanan beukuwat atoran beukawi
Disinoe geuato keupada aparat
Keu ureueng teulibat teuntra-polisi

Teuma nyang keulimong wahe e sahbat
Monitoring nyang sehat geubentuk misi
Nanggroe geutunyok meunurut hemat
Bek saleng meuhujat peureulee keu saksi

Akhe nyang keunam inti loncatat
Keu hase lam rapat beda areuti
Meutohkeuh jalan rot ueh geuliwat
Bek saleng meugugat dawa ngon dawi

Han ek tarawi tujoh-ploh-sa ayat
Meusikrak sapat loncok keupati
Keu rakyat Aceh geubri hak deelat
Tapi bek lewat ngon Konstitusi

Geubri hak ato keudroe di rakyat
Legislatif keu pusat sinan duek waki
Dewan hukom nyoe pilihan rakyat
Geutanggong amanat peukara geukaji

Geuato Undang-undang teumpat tamumat
Qanun ngon adat sampe bak Wali
Keu Wali Nanggroe deungon peurangkat
Leungkap ngon pangkat laqab reuseumi

– 25 –

Laen nibak nyan hai putik langsat
Atoran tamumat lam ekonomi
Hase di Aceh bek abeh u Pusat
Keudroele leugat jeumba ngon bagi

Hase lam nanggroe laot ngon darat
Lam tanoh padat mandum geuungki
Geutanyoe meudagang bek sampe jiceugat
Bek sampe dihunyat deungon jitaki

Luwa ngon dalam beujeuet tameukat
Beujeuet tabeurangkat nanggroe beurangri
Meunancit pajak bekle keudeh ta intat
Beutarasa nikmat di Aceh sendiri

Sampoe bak kayee lam uteuen leubat
Bek gob peusapat rot laot ji ili
Tujoh-ploh persen beugot ta ingat
Takuasale leugat keudroe keumbali

Keukuasaan hukom nyang ka muktamat
Tauko tasipat ban lhee teori
Tatarek rambu ban lhee beuteupat
Bek sampe meulumpat deungon meulhanglhi

Peuradilan di Aceh bek sampe meuriwat
Bek lagee teulhat angen peunari
Tapi beuteudong sulu ngon teupat
Gaki beukuwat deungon mandiri

– 26 –

Keupala Polisi miseue jiangkat
Sabe cit meuhat ngon Jaksa Tinggi
Ngon Wali Nanggroe beuna sipakat
Ngon cara mangat rot ueh jilisi

Teuma hak udep beujitem horeumat
Istilah ka jimat ngon hak asasi
Geuato hak insan pat-pat nyang hajat
Miseue siasat ngon ekonomi

Di Aceh geubeuntuk lam watee singkat
Pengadilan peunghujat leungkap bukeuti
Geubeuntuk komisi tugaih cukop brat
Tapreh troh saat aleh cit pakri

Teuma keu meu’ah ureueng teulibat
Lam laen loghat geukheun amnesti
Nyang lam peunjara geupeutubiet leugat
U dalam masyarakat geupuwoe keumbali

Geulakee tanoh keu nyang meularat
Sibagoe teumpat mita raseuki
Geulakee beujitueng tamasok aparat
Bak cukop syarat teuntra-polisi

Beujitem bantu meunurot hemat
Keu peutunyok alamat KTP beujibri
Bak mita keurija bek sampe jihambat
Bek sampe jiceugat hana jiasi

– 27 –

Jinoe keuamanan laju lonsurat
Keupada aparat teuntra polisi
Peuekeuh awak GAM walee tan mupat
Atawa aparat siblah rot RI

Bandua pihak bek saleng takat
Bek teuka seumangat bak buet ka basi
Jinoe beudame jaroe tamumat
Meu’ah le leugat saleng meuturi

Teuntra awak GAM bek pakek pangkat
Ngon bandum peurangkat tasom bak sunyi
Taseurah seunjata lagee lam pakat
Tapi ngon syarat monitor keu saksi

Aparat organik teutap bak teumpat
Nyang jaga rakyat dame lestari
Sedang di teuntra tugaih bek sapat
Ella jigugat le musoh RI

Nyang non organik tatarek beuceupat
Leungkap ngon alat tawoe le lanti
Tatarek bandum lagee lam rapat
Bek sampe teulambat taubah janji

Teuma keu saksi beumeusoe ngon mupat
Ladom awak Barat nyang tem padoli
Ladom di ASEAN jiran sahabat
Geuduek lam pakat geubeuntuk misi

– 28 –

Misi monitoring jibri ngon mandat
U Aceh beurangkat jijak teuliti
Jijak pareksa lagee lam rapat
Meusoe meuilat u keue jikaji

Miseue seunjata teuntra peusapat
Jipeusaksi le leugat keudeh bak misi
Seunjata jipeuanco lam koran jicatat
Rot laen peusawat pasoe lam tivi

Sampe jiato keu anggota jiangkat
Meusoekeuh rawat bila jih seu-i
Meutoh layanan medis darurat
Geubeban amanat keu pihak RI

Teuma keu seuliseh hase duek pakat
Bek meutulak-takat bak boh areuti
Masaalah geuproh cara meutingkat
Jalan nyang teupat dilee geucari

Meunyo han seuleusoe keureuna meukarat
Masaalah jiangkat bak keupala misi
Meunyo cit parah keureuna cukop brat
Geupeu-ek lom leugat bak dewan tinggi

Dewan Direktur nama lonsingkat
Masalah nyang brat geupike ngon jeuli
Bak geucok keuputosan teuntee kon mangat
Tapi mengikat keudua posisi

– 29 –

Nota kesepahaman kasep lonsurat
Bah bacut sapat makna lonrawi
Teuma ‘oh lheueh nyan geutuleh nan teumpat
Di nanggroe Barat kuta Helsinki

Ukeue nibak nyan tanggai geucatat
Duaribee-limong geusurat lam thon Masehi
Bak uroe limong-blah geucok beureukat
Buleuen lapan ka lewat habeh tsunami

Malik Mahmud rot GAM ka meuhat
Awaluddin meusoe that siblah rot RI
Keudua pihak geuteken le leugat
Jaroe geupumat le Ahtisaari

Faedah Nanggroe Dame

Geutanyoe Aceh wahe Teungku droe
Beudame jeuep sagoe taboh keunira
Masyarakat geutanyoe lapesan meubagoe
Bandum tahiro aman sijahtra

Masyarakat umum rakyat lam nanggroe
Tamse ban unoe rame leupah na
Inong ngon agam lakoe ngon binoe
Aneuk sinaroe lam rumoh tangga

Bandum na keurija meunyo tamuproe
Ella ka usoe umu ka tuha
Ella aneuk miet umu goh sampoe
Nyankeuh e adoe nyang tan keurija

Rame nyang keurija nibak buet meugoe
Tanaman meubagoe geulhom geupula
Ladom bak bot geupeutimang keumudoe
Laot geulangoe eungkot geumita

Teuma nyang laen peugawe nanggroe
U kanto tiep uroe geuduek bak meja
Laen nibak nyan ureueng peureunoe
Aneuk miet meugumoe di rumoh sikula

Meunancit ulama ileumee geupakoe
Ureueng nyang hiro bak buet agama
Teuma peumimpin ureueng po sagoe
Geupeutimang nanggroe gampong ngon kuta

– 30 –

– 31 –

Nyankeuh lapesan masyarakat geutanyoe
Meumacam bagoe meunurot keurija
Meunyo ka dame wahe samlakoe
Adak lam duroe pih teuka laba

Tiep-tiep lapesan lonkisah jinoe
Tabaca e adoe tapham ngon makna
Meunyo ka dame geumumat jaroe
Akibat jeuep sagoe pakri keuh rupa

Keu peutani dilee haba lon peutrang
Nyang meugoe lam blang dilee loncae
Bila nanggroe ka dame wahe e Cut bang
Hana teuhalang meuho geusambe

Miseue geumeu’ue sideh dalam blang
Lam luhop meugeunang geupula pade
Hingga ka kuneng geukoh le rijang
Hana soe hadang jak lake wase

Meunyo nanggroe karu hate meulanglang
Ureueng seumula lam blang hate meusuwe
Geudeungo su beude lagee teuka prang
Langkah geulinggang geuplueng ngon cre-bre

Miseue geupula campli ngon kacang
Timon ngon bawang kajeuet cok hase
Hana teuka ureueng ka jime parang
Bak lheueh binatang peunula jirabe

– 32 –

Hana soe peukaru ureueng meuladang
Hana soe tantang gop nyan jiuse
Geupula tanaman luhu kon wayang
Tansoe ba parang jicang ngon reule

Ureueng ek u gle pih hana teuhalang
Hana soe tantang ureueng meu-awe
Ureueng pot kupi geuharong jurang
Hate geuh teunang hana meusuwe

Ureueng ek pala langkah geutimphang
Ngon reunong geugawang geuchot bak tangke
Pala geupuliek pasoe lam eumpang
Tanna soe seurang jime ngon beude

Ureueng meuneuh’eun geupeuron deungon jang
Eungkot meukandang dalam ie caye
Geusawok ngon reuleue raga geupasang
Tan soe meuayang raga jiruge

Ureueng meulaot geujak ngon pawang
Pukat geureuntang kadang ngon kawe
Eungkot geuteumeung geupuwoe le rijang
Hana soe hadang dibineh pante

Ureueng meusira geucreueh le lancang
Dalam uroe trang anoe geuruge
Ie geutaguen geusayong ulang
Geupubuet ngon teunang hate tan dige

– 33 –

Keu aneuk sikula jinoe tameuproe
Dame lam nanggroe meupeukeuh laba
Aneuk sikula jijak ngon jiwoe
Hana soe goe-goe bak jalan raya

Jitamong lam glah teumpat meureunoe
Tan meudeh meunoe lapang lam dada
Keureuna bak jalan hate tan soe-moe
Keureuna hana soe tupuek ngon tampa

Meunyo lam karu di jalan meupaloe
Na ureueng tan meusoe dipreh meucula
Laju jitanyong meudeh ngon meunoe
Jahila bak jaroe jipoh hana bla

Jijak sikula rata tiep uroe
Kadang jimeubloe soe peung’eut hana
Kadang jimeu-en sabe keudroe-droe
Hana soe peuceukoe jime peusuna

Meunancit Guru sagai tan laloe
Ureueng peureunoe aneuk sikula
Aman bak geujak seulamat bak geuwoe
Tan jimat bak jaroe jicok keureta

Hana soe ancam meumacam bagoe
Hana soe kiloe deungon jipaksa
Peng seulamat lam taih geupasoe
Tan balek-baloe hate lam dada

– 34 –

Meunyo tan dame teuka tan meusoe
Bak keupala jipeutoe jilakee beulanja
Sikula jitot meunyoe tan geuhiroe
Gop nyan jitampoe hana jitaba

Jirampaih ngon gaji sideh ngon sinoe
Tan peue geupuwoe u rumoh tangga
Aneuk peurumoh kadang ka jimoe
Ngon peue tameubloe sapeue teuh hana

Meunyo dame d idalam nanggroe
Teumpat meureunoe aman sijahtra
Aneuk teuh carong pikeran hana dhoe
Bak Ujian jiujoe luloih ube na

Meunyo ka dame maju le jinoe
Rata jeuep sagoe rahmat jiteuka
Geutanyoe pih ako sabe keudroe-droe
Tan saleng meukiloe sabe syeedara

Meunyoe jamee luwa jiteuka keunoe
Jitem pakoe deungon peucaya
Jitem bantu pat nyang rugoe
Jitem gantoe pat nyang cupa

Meunancit peugawe meunyo tapeutrang
Geuwoe-riwang geujak keurija
Meunyo lam dame naf’ah geuh teunang
Dada pih lapang geuduek bak meja

– 35 –

Tapi lam karu jiwa geuh teugang
Ureueng tan geuundang teuka jak ronda
Teuka ancanam bak tan geubayang
Kadang bak geulinggang di dalam kuta

Jilakee dompet jicok meutayang
Jisuet dileukang aleh peue jimita
Jilakee KTP aleh keu wayang
Ka jicok e Cutbang barang meuhareuga

Kadang bak geujak gob nyan jihadang
Jilakee rijang meupeue nyang geuba
Kadang bak geuwoe ka meutang-ilang
Keureuna meuhalang kontak seunjata

Kadang swiping ‘oh troh bak simpang
Ladom teuceungang hana geuduga
Kadang kajimat Honda bak seutang
Moto jihalang jilakee deunda

Kadang dikanto gob nyan jitantang
Beude jigawang u ateueh muka
Meunyo hana peng nyawong teureubang
Ngon su jih garang mirah ngon mata

Meunyo keupala pangkat ka manyang
Ngon peng pih kadang kon le meujuta
Teuka le ureueng nyang tan geuundang
Seunapan jigoyang jilakee jeumba

– 36 –

Sampoe bak Hakim udep tan gampang
Ulee geuh mumang keu sidang peukara
Kadang jipaksa supaya curang
Kadang jihadang jime seunjata

Meunyo nanggroe dame ngon aman
Mudah cit jalan bagi ulama
Geuseumeubeuet di Bale hana halangan
Kitab geuh sajan mudah geubuka

Mudah geutafse ayat Quruan
Hadih pih saban bak geuboh makna
Kitab geupeubeuet syarah ngon matan
Bak cukop alasan meusoe jak sangga

Geujak bak dakwah geupeugah surohan
Geuteugah larangan amanah agama
Meusoe jak bantah hujjah geuh sajan
Curiga geuh pih tan musoh pih hana

Aneuk-beuet geuh rame deungon ikotan
Geupeutroh ajaran salah ngon beuna
Hana soe tudoh peugot komplotan
Ka salah jalan nibak negara

– 37 –

Kadang di Meuseujid geumat peuranan
Jama’ah geuh sajan limong kutika
Dalam geuibadat hana gangguan
Dame ngon aman khusyuek lam dada

Ngon Popeurintah ulama pih rakan
Keureuna sijalan ban kheun agama
Hana soe fetnah jiba tudohan
Sehingga awak nyan saleng curiga

Dalam agama dame ngon aman
Cit peurintah Tuhan keupada hamba
Maka le Nabi geupeutroh fireuman
Hai ureueng meuiman beudame sijahtra

Wajeb tajunjong keumaslahatan
Tatulak keumeularatan leubeh utama
Bak buet suroh gata beusajan
Bak buet larangan sipakat bekna

Meunyo nanggroe dame wahe e taulan
Pane keuseumpatan musoh peucuca
Hana rot jilob jime tudohan
Teutop saloran jih ba peusuna

Beusaleng tawasiet tapeutroh peusan
Ubak keubeunaran tabah ngon saba
Bak hukom peureulee saboh peugangan
Bak sunat han saban hate beurela

– 38 –

Meunyo rakyat dame hai bungong Asan
Bak adat pakriban jinoe lonrika
Bacut sapat loncok tamselan
Supaya bek bosan wahe peumbaca

Tamse tacok nanggroe tan aman
Miseue undangan nibak keurija
Teungoh troh jamee ato hidangan
Ka su seunapan geuplueng meubura

Geuintat Linto seureuta arakan
Malam masa nyan ka meunan biasa
Tapi bak watee le that rintangan
Uroe e taulan undangan geumaba

Meunan cit bagoe macam peasan
Meumacam tarian malam geupuga
Ka meunan dilee mandum tontonan
Geucok rancangan malam geupeuna

Miseue rapa-i seudati saman
Peunoh lapangan ureueng jiteuka
Simalam beungoh hana gangguan
Dame ngon aman bah seupot buta

Pidato molod meunan cit saban
Malam masanyan sampoe ‘oh jula
Lam masa karu le that cobaan
T ’am-t ’um seunapan ureueng ka subra

– 39 –

Yoh masa dame idin pih tan
Tan le rintangan acara tapeuna
Tapi yoh karu pakri tapaban
Le that urusan bacut acara

Meunyo nanggroe dame laen nibak nyan
Tapeugot urosan mudah han sakri
Keu Popeurintah pucok pimpinan
Bak peugot bangunan miseue tarawi

Tanoh ka mupat lengkap rancangan
Geuangkot le bahan keunan meuantri
Semen ngon bata kayee lom teuman
Aman di sinan hana soe deungki

Tamse geujak bak teumpat kunjongan
Tan payah angkatan geuato meuriti
Keureuna di sinan hana ancaman
Teumpat pih aman hana nyang anti

Hase mupakat miseue geusahkan
Tabaca lam koran ta-eu lam tivi
Hana soe caci teuka rongrongan
Paleng na kritikan bak nyang teuliti

Hana soe demon peugot baresan
Hana tantangan cukop jikaji
Meupat hana paih geujak le padan
Geulakee tanggapan dalam diskusi

– 40 –

Meunyo acara jijok undangan
Geujak le keunan hate tan sangsi
Watee geupidato hana halangan
Musoh cit katan hate hana gli

Bila tajak meuhadap ragu geuh pih han
Got that sambotan geutem padoli
Mudah geuteurimong peue na masokan
Geutimang ngon pemikeran le staf ahli

Surat meunyurat mudah hana ban
Beucukop alas an sireuta bukeuti
Hana soe tiree peutron tekenan
Hana sogokan rot yup kurusi

Meunyo nanggroe dame ngon aman
Bandum lapesan udep sirasi
Tapi meunyo karu le that tantangan
Le that ancaman jipreh meuantri

Peuneutop haba

Awai ngon akhe kabeh meusurat
tinggai amanat jinoe meurawe
Awak GAM ngon RI jaroe ka mumat
Aceh meugah that jinoe ka dame

Bekle tahayon deungon tahunyat
Tragedi ka liwat bekle tacungke
Pat nyang taduek bekle taupat
Tuto sipakat bekle ta seunde

Karu ka dame bekle tagugat
Keubit teuh bangsat meunyo taruge
Bekle tatroh deundam keuseumat
Bekle tacupat weueh lam hate

Ie mata nyang karo bekle tasukat
Bekle ta sipat lhok-dheue teukeuse
Bekle ta timang sosah meularat
Be le taintat kumeun bak bangke

Narit nyang ka rhot bekle taradat
Bekle tapeusapat tarangkai cae
Meunyo han tapateh haba peuingat
Peunyaket pih kumat lidah pih singke

Tuboh teuh reugeh gaki keurawat
Keuieng meulipat hana mustahe
Meunankeuh e Teungku lonboh ibarat
Meunyo teusirat makna neupike

– 41 –

– 42 –

Beudoh e Poma katroh bak sa’at
Ureueng ka sipakat nanggroe ka dame
Aneuk teuh tinggai cit na siurat
Nyang laen tan mupat tsunami peuhile

Beutajok Sikula sampe bak tamat
Beuteupat harakat jibeuet tapheuse
Nanggroe tawareh kuasa beujimat
Beujicok manfa’at jiniekmat ngon hase

Beudoh e Teungku ka troh bak sa’at
Ureueng ka sipakat nanggroe ka dame
Lampoh na tinggai nyankeuh cit sipat
Nyang laen ka lumat tsunami peureule

Lampoh tauko rambu beuteupat
Bataih ka mupat bek jeuet keu pake
Jambo tapeudong sinan le leugat
Tapula le tomat watee lheueh pade

Beudoh e aneuk katroh bak sa’at
Ureueng ka sipakat nanggroe ka dame
Gata cit sidroe syeedara tan mupat
Hana ngon jeurat ka ie peucaye

Gata bek beuo jaroe meulipat
Bek teuka buet jahat nibak niet jahe
Peue nyang tapubuet bek sampe meuilat
Bek carong meuupat tabi’at teuh bakhe

– 43 –

Gata bek teungeut lam lumpoe mangat
Bek sampe ladat nibak buet ganje
Gata beujeumot carong ngon hebat
Beuteuka horeumat bak ureueng rame

Geutanyoe ban-bandum ukeue taingat
Langkah taangkat sireuntak ngon sare
Bandum beuna buet reoh tacupat
Makmu tatingkat rata ngon ade

Aceh beumaju beujeumot hareukat
Udep beusehat beugleh ngon hate
Geutanyoe beugleh bek teuka lalat
Bek sampe jiluwat walee le kaphe

Geutanyoe bek tuwo bak buet ibadat
Syuko Hadharat sigolom mate
Akhlak teuh beugot deesya ta taubat
Akan Geubri Syafa’at di Uroe Page

Geutanyoe bersatu timu ngon barat
Laot ngon darat makmu ngon dame
Saban ngon beda sabe lam pakat
Tapeudong Syari’at beu-ek meusampe

Meu’ah meulakee kisah ka tamat
Rela meuralat pat na teukeuse
Wahe ya Allah Neulimpah rahmat
Beujicok manfa’at le ureueng rame

Amin . . . ya Rabb!

Tamat

– 44 –

*Sumber Bacaan Calitra Hikayat ini ialah :

– Hr. Serambi Indonesia, Selasa 18 Januari 2005
– Hr. Serambi Indonesia, 7 Juli 2005
– Hr. Serambi Indonesia, Kamis, 14 Juli 2005
– Hr. Serambi Indonesia, 16 Agustus 2005
– Hr. Serambi Indonesia, 17 Agustus 2005
– Media NAD, 12-18 September 2005
– Hr. Media Indonesia, 23 Agustus 2005
– Koran Tempo, 16 Agustus 2005
– Hr. Republika, 16 Agustus 2005
– Hr. Kompas, 17 Juli 2005
– Hr. Kompas, 18 Juli 2005
– Hr. Kompas, 16 Agustus 2005
– Hr. Kompas, 23 Agustus 2005
– Metro TV, Jakarta
– dan dari berbagai sumber lainnya.

– 45 –

Biodata Penyusun Hikayat :

– T. A. sakti, yang bernama lengkap Drs. Teuku Abdullah, SH.,MA
Lahir di Pidie, 13 September 1954.
Sejak Tahun 1992 telah memfokuskan diri di bidang sastra
Aceh, khususnya Hikayat Aceh. Tiga judul hikayat berjiwa/
nuansa lingkungan hidup telah diterbitkannya, yaitu :
1. Lingkongan udep wajeb tajaga (1999), 2. Wajeb tasayang
Binatang Langka (2001). 3. Binatang Ubit Kadit Lam
Donya (2001). Selain itu juga telah me-latinkan ( transliterasi )
36 judul Hikayat/Tambeh/Nazam Aceh, (semula berhuruf Arab
Jawoe ); yang sebagian teramat sedikit telah diterbitkan.

Penghargaan : 7 Maret 2001 “Berprestasi Unggulan Peraih
KEHATI Award 2001” dari Yayasan KEHATI (Keanekaragaman
Hayati Indonesia), Jakarta. Yayasan ini dipimpin
Prof. Dr. Emil Salim.

Tanggal 14 Agustus 2003 memperoleh Bintang Budaya Parama
Bharma, yang disematkan Presiden Megawati Soekarnoputri
di Istana Negara Jakarta .
Tanggai 19 September 2003 memperoleh Penghargaan Sebagai
“Penulis Karya Terbaik Sastra Aceh 2003” dari Dinas
Kebudayaan Provinsi Nanggroe Aceh Darussalam.
Selasa, tanggal 10 Agustus 2009 menerima Anugerah Budaya
“TAJUL ALAM” dalam rangka Pekan Kebudayaan Aceh (PKA V)
dari Pemerintah Aceh di Anjong Mon Mata, Banda Aceh.

Historiografi Lokal Di Aceh Studi Terhadap Hikayat Malem Dagang

ABSTRAK

Judul Tesis : Historiografi Lokal Di Aceh Studi Terhadap Hikayat Malem Dagang
Nama Penulis/NIM : T. Abdullah / 25131881-2
Kata Kunci (Keywords) : Historiografi Lokal, Aceh, Hikayat Malem Dagang.

Hikayat Malem Dagang (HMD) merupakan salah satu bentuk dari historiografi tradisional. HMD menceritakan peristiwa perjalanan Iskandar Muda bersama para panglima dan pasukan Aceh dalam melakukan penyerangan ke negeri Johor. Untuk mendapatkan bagaimana sebenarnya peristiwa sejarah tersebut yang digambarkan dalam hikayat ini, maka penulis membuat penelitian dengan judul “Historiografi Lokal Di Aceh, Studi Terhadap Hikayat Malem Dagang”. Tujuan penelitian ini untuk mendapatkan gambaran tentang perkembangan peristiwa sejarah dan historiografi lokal di Aceh dari HMD dan keakuratan peristiwa sejarah yang terdapat dalam HMD.
Metode yang digunakan dalam penelitian ini yaitu metode sejarah kritis, dimana pada tahap awal dilakukan penentuan sumber primer dan pengumpulan sumber sekunder, melakukan pemilahan data baik secara intern dan ekstern, kemudian menganalisa sumber data dan pada tahap akhir membuat kesimpulan dalam bentuk penulisan sejarah.
Hasil penelitian menunjukkan bahwa di samping mengandung unsur-unsur mitos, HMD juga memuat informasi sejarah yang dapat dibuktikan secara ilmiah. Ekpansi Aceh ke Johor benar-benar telah terjadi pada tahun 1613 dan 1615. Armada pasukan Aceh menyeberangi laut Selat Melaka menuju Johor dengan menumpangi kapal-kapal layar yang dikomandoi kapal induk “Cakra Donya”. Tokoh-tokoh yang tercantum dalam HMD yang menggunakan nama samaran seperti Raja Raden, Raja Si Ujud, Ja Pakeh, Malem Dagang, dan Panglima Pidie; kesemuanya adalah tokoh sejarah. Sebagian mereka masih dikenali nama asli yaitu Raja Abdullah dengan gelar Sultan Abdullah Mu’ayat Syah sebagai Raja Raden dan Raja Mansur dengan gelar Sultan Alauddin Ri’ayat Syah III bagi Raja Si Ujud. Begitu pula perkawinan Sultan Iskandar Muda dengan Putroe Phang, Peran Putroe Phang sebagai salah satu tokoh penting dalam hubungan Aceh dengan negeri Pahang juga sesuai dengan fakta sejarah. Tempat-tempat yang disebutkan dalam HMD adalah benar adanya, di antaranya seperti Melaka, Johor, Pahang, Johor Lama, Guha, Ladong, Krueng Raya, Meureudu, Jambo Aye, dan lain-lain.

Local Historiography, Aceh, Hikayat Malem Dagang

ABSTRACT

Judul Tesis : Historiografi Lokal Di Aceh Studi Terhadap Hikayat Malem Dagang
Nama Penulis/NIM : T. Abdullah / 25131881-2
Kata Kunci (Keywords) : Local Historiography, Aceh, Hikayat Malem Dagang

Hikayat Malem Dagang is one of traditional historiographies. Hikayat Malem Dagang (HMD) tells about the journey of Iskandar Muda with the commanders and Aceh army in attacking the Kingdom of Johor. To get the real history of the tale, the writer conducted a study entitled “Local Historiography in Aceh, A Study of Hikayat Malem Dagang”. The purpose of this study was to get a description about the historical development and local historiography in Aceh from HMD and the accuracy of the histories stated in HMD.
The method used in this study was historical-critical method, where the first step conducted was determining primary sources and collecting secondary sources, separating data internally and externally, then analyzing data sources, and finally making conclusion in a form of historical writing.
The result of the study showed that besides containing elements of myth, HMD also contained historical information that could be proved scientifically. The expansion of Aceh to Johor was truly occurred in 1613 and 1615. The Aceh army crossed the Strait of Malaka to get to Johor by riding ships commandeered by “Cakra Donya” aircraft carrier. The figures stated in HMD with pseudonyms like Raja Raden, Raja Si Ujud, Ja Pakeh, Malem Dagang, and Panglima Pidie, were all historical figures. Some of them were still known for their real names, such as Raja Abdullah with the title of Sultan Abdullah Mu’ayat Syah as Raja Raden and Raja Mansur with the title of Sultan Alauddin Ri’ayat Syah III as Raja Si Ujud. The marriage between Sultan Iskandar Muda and Putroe Phang, that Putroe Phang was an important figure in maintaining the relationship between Aceh and the Kingdom of Pahang, was in accordance with the historical facts. The places stated in HMD was also true, like Melaka, Johor, Pahang, Johor Lama, Guha, Ladong, Krueng Raya, Meureudu, Jambo Aye, and so on.

 

 

 

موضوع الرسالة       : علم التاريخ التقليدي، دراسة عن حكاية ماليم داغنك

الباحث\رقم القيد   : ت عبد الله \٢-٢٥١٣١٨٨١

مفاتيح الكلمات     : علم التاريخ التقليدي واتشيه، حكاية ماليم داغنك

 

حكاية مليم داغنك هي أحد النماذج من علم التاريخ التقليدي. وهي تحكي أحداث رحلات إسكندر مودا مع القادة وجنود أتشيه لمهاجمة ولاية جوهور. لمعرفة كيف وقعت هذه الأحداث التي صورتها الحكاية، فالباحث أخذ يبحث عن موضوع: علم التاريخ التقليدي “دراسة عن حكاية ماليم داغنك”. الهدف من هذا هو حصول على صورة جلية عن كيف تطورت الأحداث وعلم التاريخ المحلي في أتشيه خاص حكاية مليم داغنك ومدى حقيقة الأحداث المحكية فيها.

المنهج المستخدم في هذا البحث هو منهج التاريخي النقدي أي كان في المرحلة الأولى تعمل بتعيين المصادر الأولية وجمع المصادر الثانوية وانتخاب البيانات سواء كان داخليا أم خارجيا، ثم تحليل مصادر البيانات، وكان في المرحلة الأخيرة جعلت خاتمة فيشكل الكتابة التاريخية.

أظهرت هذه النتيجة أن حكاية مليم داغنك تحتوي على عناصر الأسطورة أو الخرافات وأيضا تحتوي على معلومات التاريخية التي يمكن إثباتها من الناحية العلمية. كانت مهاجمة أتشيه على جوهور فعلا حدثت في سنة ١٦١٣و١٦١٥. عبرت قوات أسطول أتشيه مضيق سولت مالاكا للوصول إلى جوهور  ركبوا بالسفن البحرية التي كانت تحت سيطرة حاملة السفن المسمى “جكرادنيا”. كانت الشخصيات المسردة في حكاية مليم داغنك تستعمل الأسماء المستعارة مثل راجى رادين وراجى سيأوجود وجا فقيه وماليم داغنك وقائد فيديو كلهم من شخصيات التاريخ. بعضهم مازال أن يعرف  بالأسماء الأصلية أي راجى عبدالله مؤيد شاه كراجى رادين وراجى منصور بلقب سلطان علاء الدين رعاية شاة III لراجى سيأوجود. وكذلك زواج سلطان إسكندر مودا بفوترو فاهنغ فإن دورها كشخصية مهمة في علاقة أتشية بولاية فاهنغ وأيضا وفقا لحقيقية التاريخ. أما الأماكن التي ورد ذكرها في حكاية مليم داغنك فصحيح في وجودها منها: مالاكا وجوهور وفاهانج وجوهور قديمة وجوها ولادونغ وكرونغ رايا ومورودو وجمبو أيي وغيرها.

 

 

Menanti Prodi Bahasa Aceh di Unsyiah

Menanti Prodi Bahasa Aceh di Unsyiah

Progam Studi Bahasa Aceh di FKIP Universitas Syiah Kuala merupakan satu Prodi yang telah lama din anti-nantikan. Pihak yang menanti tidak hanya civitas academika Unsyiah, melainkan juga seluruh masyarakat Aceh yang sangat cinta akan bahasa Aceh . Penantian lama itu belum di ketahui kapan berakhirnya.
Di Perguruan Tinggi Negeri (PTN) lain umumnya telah membuka program studi bahasa daerah. Seperti IKIP Medan, IKIP Bandung, USU, UGM dan beberapa PTN lain. Lantas, bagaimana dengan Unsyiah yang telah berusia seperempat abad lebih ? Mengapa Prodi Bahasa Aceh sampai saat ini belum dibuka?
Dua masalah di atas merupakan persoalan yang patut dikaji dan diteliti lebih lanjut.
Unsyiah merupakan jantung masyarakat Aceh. Oleh karena itu, perhatian masyarakat sangat jelas terlihat dalam memajukan dan meningkatkan kualitas mahasiswanya, pun kuantitas fakultas dan jurusannya.
Beberapa tahun lalu telah dibuka lagi Fakultas MIPA yang meliputi empat jurusan, yaitu Matematika, Kimia, Fisika, dan Biologi. Di FKIP dibuka pula Program Studi Kesenian.
Secara langsung pembukaan fakultas dan Prodi tersebut tentulah memberikan manfaat bagi seluruh masyarakat Aceh, bahkan untuk Indonesia. Sebab, para alumni tersebut tidak hanya menerapkan ilmunya di Aceh.
Mengapa Bahasa Aceh?
Apapun alasannya setiap daerah harus berupaya melestarikan kebudayaan daerahnya. Hal ini merupakan satu tanggung jawab yang tidak ringan. Salah satu unsur budaya daerah adalah bahasa daerah. Bahasa tersebut merupakan ciri kedaerahan dan menjadi identitas spesifik. Pengertian ciri khas kedaerahan kita artikan di sini secara positif.
Bahasa Aceh sebagai bahasa daerah berhak untuk hidup dan berkembang sesuai dengan perkembangan dan pemikiran penuturnya. Bahasa Aceh juga punya kedudukan dan fungsi yang sama dengan bahasa daerah lain di seluruh nusantara. Jika demikian, maka otomatis bahasa Aceh juga mempunyai hak untuk hidup, berkembang, dan dilembagakan pada satu lembaga negeri. Maksudnya, ia harus ditumbuh kembangkan dari waktu ke waktu . Sehingga ia tetap menjadi asset yang berguna dan viral bagi daerahnya.
Salah satu langkah yang paling tepat adalah dengan membuka Prodi Bahasa Aceh di Unsyiah. Sehingga nantinya diharapkan beberapa kendala yang selama ini terjadi di masyarakat akan dapat teratasi perlahan-lahan . Persoalan yang mencuat saat ini terutama di bidang pendidikan dan pengajaran bahasa Aceh di sekolah-sekolah akan bisa diantisipasi.
Beberapa fenomena yang timbul di masyarakat yang kurang konprehensifnya pengajaran bahasa Aceh di sekolah, antara lain:
* Para siswa menjadi verbalisme.
Maksudnya hanya dapat menggunakan bahasa Aceh secara lisan dalam kontek bahasa pasaran. Mereka sama sekali tidak mampu menggunakan bahasa Aceh dalam bentuk tulisan. Persoalan ini sangat besar pengaruhnya terhadap perkembangan bahasa Aceh di masa yang akan datang. Sungguh riskan rasanya, jika kita mengembangkan satu bahasa, sementara kita tidak punya kemampuan menggunakan bahasa tersebut dalam bentuk tulis.
* Tidak jelasnya mana konsep bahasa Aceh yang standar.
Ini tidak hanya menyangkut dialek, melainkan juga kosa katanya. Hal ini juga menjadi satu masalah besar, terutama jika bahasa tersebut digunakan di media-media cetak dan elektronik. Misalnya saja di terbitkan buku pelajaran bahasa Aceh untuk sekolah (SD, SLTP, SLTA), muncul beberapa masalah terutama bagi siswa yang tidak menguasai dialek bahasa Aceh yang dipakai pada buku tersebut. Jadi, perlu satu kesepakatan final. Dengan demikian, muncullah satu dialek Aceh yang dibakukan.
Untuk merealisasikan masalah ini perlu adanya kesadaran yang tinggi dari segenap masyarakat Aceh. Kata sepakat merupakan titik final. Dengan kata lain, rasa ‘etnis sentris’ kabupatenan harus dihilangkan, digantikan dengan rasa memiliki dan bertanggung jawab dengan bahasa daerah.
* Adanya perbedaan kemampuan guru dalam mengajar bahasa Aceh.
Hal ini memang suatu yang wajar, karena guru yang mengajar bahasa Aceh bukanlah guru yang professional. Jadi tidak pernah menempuh pendidikan secara khusus. Guru yang mengajarkan bahasa Aceh , adalah guru yang dianggap bisa berbahasa Aceh dan bisa mengajar. Pokoknya tidak soal, apakah guru IPA, IPS, Bahasa Indonesia, atau guru Agama. Fenomena ini jelas sangat berpengaruh terhadap kemampuan dan kecakapan siswa di bidang bahasa dan sastra Aceh.
Tiga masalah tersebut merupakan hal yang perlu dipikirkan dan dirumuskan cara penyelesaiannya. Satu langkah yang paling tepat, akurat adalah mengusulkan agar Prodi Bahasa dan Sastra Aceh secepatnya dibuka di Unsyiah. Lantas timbul pertanyaan: Program (sastra) apa yang harus dibuka dan siapa pula yang menjadi tenaga edukatif di Prodi baru tersebut?
Tenaga Pengajar
Melihat fenomena dan eksistensi bahasa Aceh di masyarakat saat ini, maka hal yang harus dilakukan adalah membuka Program Diploma Kepentingan Prodi Bahasa Aceh. Langkah ini akan lebih cepat dan tepat untuk mengantisipasi gejala-gejala yang tidak menguntungkan perkembangan Bahasa Aceh.
Alumninya diharapkan akan mampu menciptakan kondisi yang lebih baik dibandingkan saat ini. Hal yang paling penting dilaksanakan adalah mendidik para siswa agar trampil menggunakan bahasa Aceh, baik dalam bentuk lisan maupun tertulis. Jadi, materi-materi yang diajarkan hendaknya lebih ditekankan pada hal yang sifatnya kebutuhan praktis.
Selanjutnya , siapa-siapakah yang bertindak sebagai tenaga edukatif di program studi tersebut? Menurut penulis ada satu cara yang mungkin dapat ditempuh untuk menjaring tenaga pengajar yang dibutuhkan.
Pertama, pihak universitas dapat melakukan pengumuman kepada khalayak. Sehingga, orang-orang yang mempunyai kemampuan di bidang bahasa dan sastra Aceh berhak mengikuti tes. Bila ia memenuhi persyaratan, berhak sebagai tenaga pengajar tidak tetap (dosen lepas).
Selain itu, sudah tentu ada beberapa tenaga pengajar Unsyiah yang mempunyai kemampuan menonjol dalam bidang bahasa dan sastra Aceh. Jika hal ini memang ada, perihal tenaga mengajar tidak menjadi masalah lagi. Jadi, tinggal menyusun kurikulum yang cocok dengan kebutuhan masyarakat.
Sampai kapanpun kita dan seluruh masyarakat Aceh, tetap mengharapkan dibukanya Program Studi Bahasa dan Sastra Aceh di Unsyiah, atau lebih bagus lagi didirikannya sebuah Fakultas Sastra. Hal ini sangat beralasan, karena kita tidak ingin ketinggalan dari provinsi-provinsi lain dan kita pun tak merelakan generasi muda Aceh semakin sulit meggunakan bahasa ibunya, baik secara lisan maupun tertulis. (ansor tambunan)

*Sumber: Serambi Indonesia, Senin, 3 Januari 1994, halaman 9(Kampus)

Ketika delapan tahun menjadi Blogger

Ketika delapan tahun menjadi Blogger:

18 Juni 2009 – 18 Juni 2017-06-18

Ayo, Menuliskan Aceh di Internet:
Judul “Ayo Menuliskan Aceh di Internet” merupakan poster pengumuman yang dipajangkan panitia seminar internet di samping barat depan Gedung AAC. Dayan Dawod Darussalam, Banda Aceh  pada bulan Juni 2009, delapan tahun yang lalu!. Sampai hari ini, saya masih menggunakan judul itu setiap saya memperingati hari keterlibatan saya dalam Dunia Blogger yang sebenarnya kurang saya pahami itu. Jadi walaupun saya sudah bergelut delapan tahun, tapi saya merasa masih dalam taraf ikut-ikutan, tidak tahu maknanya, apalagi faedah dan kerugiannya.
Ada pihak yang mengajak saya untuk memperoleh uang dari kegiatan blogger ini, tetapi banyak pula teman-teman yang melarang saya mencari uang lewat urusan blogger. Namun, yang  amat  membingungkan saya, kenapa pembaca luar negeri yang paling banyak membaca isi blog ini adalah dari negara Amerika Serikat!. Mudah-mudahan ke depan akan ada orang yang dapat dipercaya menjelaskan soal itu!.
Berikut ini saya muat cuplikan (bagian kecil)  dari sebuah kitab yang tidak utuh lagi. Siapa pengarang kitab ini hingga sekarang tidak jelas, namun menurut pengamatan saya  ia ditulis/disalin ulang oleh Tuwanku Raja Keumala, karena pada penutupnya selalu tercantum gampong Kedah, Kuta Raja. Isinya  berupa nadham dan syair-syair agama peninggalan ulama-ulama Aceh terdahulu. Sebagian dari nadham ini memang disebut pengarangnya, yaitu Teungku Chiek Di Reubee(sekarang di Kecamatan Delima, Pidie).

بسم الله الرحمن الرحيم
(ألِفْ) الله ۑن اشارة نما اسم ذات * سنن محمفون جنس أسْمَا دڠن صِفَاتْ
(Aleh) Allah nyan isyarah nama Isem Zat * sinan meuhimpon jeuneh Asma deungon Sifat
سى يڠ تيلك دڠن ذِهِن بك اسم ۑن * ۑتا توهن خَالِقُ الْعالمَ ددالم ۑن
Soe nyang tilek deungon zihen bak Isim nyan * nyata Tuhan Khaliqul ‘alam didalam nyan
(ب) اشارة بَهاَءُ لله بائك توهن * يڠ مصفة دڠن جميل كائلؤ كن
(Ba) isyarah bahaullah bayek Tuhan * nyang meusifeuet deungon Jamil keu elokan
هنا بنديڠ ڠن تلادان موتا فسَا * سكالى ٢ مها سوچى توهن يڠ اسَا
Hana bandeng ngon teuladan meita peusa * sikali kali maha suci Tuhan Nyang Asa
(ت) اشارة تَوْبَة بك الله نبك دوشا * ظاهر
باطن رجوع بك توهن كتاڽوهمبا
(Ta) Isyarat taubat bak Allah nibak deesya * lahe baten ruj’uk bak Tuhan geutanyoe hamba
تاۑسل درى يوه ڬوه تتوف فنتو توبة * ماس هيدوف كهلوم تالوب دالم جرات
Ta nyeusai droe yoh goh teutop pinto taubat * masa hudep gohlom talob dalam jeurat
(ث) ثَوَابْ بتهت هارف نبرى فهلا * أوليه توهن دوم عمل صالح تا كرجا
(Tsa) tsawab beuthat harap neubri pahla * uleh Tuhan dum ‘amal saleh ta keureuja
بى مكوريس دالم ذِهنْ فوبوة معصية
ايڠت كدوشا بك آخر ماس دودو مكريت
Bek meugureh dalam zihen peubuet maksiet * ingat keu deesya bak akhe masa dudoe meugriet
(ج) جَلَّ الله ۑن اشارة كبا سران توهن * تهت اماره سى يڠ بنته بك سورهن
(Jim) Jalallah nyan isyarah keubeusaran Tuhan * that amarah soe nyang bantah bak surohan
ايڠت ٢ جلال توهن هى بديمان * بئ فجاته نجس بك توبه معصية كتوهن
Ingat ingat jalal Tuhan he budiman * bek peujatoeh najih bak tuboeh maksiet keu Tuhan
(ح) حَليم توهن كريم كما سه نتهت * كتاڽى همبا نبرى كارنۑا فى يڠ حاجة
(Ha) Halim Tuhan karim geumaseh neu that * geutanyoe hamba neubri karonya peue nyang hajat
لوم نصبر هن نعذاب لم دنيا ۑى * يڠدرهكا تمر نشكسا فا كى دودى
Lom neu saba han neu adeup lam donya nyoe * nyang darohaka teuma neu syeksa page dudoe
(خ) خَلِيفَهْ فوتالله ڬنتى بك أومة * نبڠكيت نبى سى فتورى جالن عبادة
(Kha) Khalifah Poteu Allah gantoe bak umat * neu bangket Nabi soe peuturi jalan ibadat
نابئ سيست دوم كتاۑى أومة دومنا * نكبه ڬنتى نبي دودى شيخ علماء
Nabek sisat dum geutanyoe umat dumna * neukeubah gantoe Nabi syiah ulama
(د) دنياۑى سيكرا هيلڠ بئ تهت عجب * هن تريب لَما دوق لم دنيا فيوه سكجف
(Dai) Donya nyoe sigra hilang bek that ‘ajab * hantreb lama duek lam donya piyoh sikeujab
يڠ كتنتوت بك كتاڽى ميتا بكل * مسَا جنى بئ جد دودى تمر مۑسل
Nyang geutuntut bak geutanyoe mita beukai * masa jinoe bek jeuet dudoe tameu nyeusai
(ذ) ذَلِيلْ بتا كتهوى درى تهينا * مولا فهون جادى نبك ائر هاۑى توهن فينا
(Zai) Zalil beuta keutahwi droe teuhina * mula phon jadi nibak ie hanyi Tuhan peuna

( ١١ )
ايڠت فوليم بئ وهم درى لبه كتا * نبك يڠلائن تاسيديك فانى أصل مولا
Ingat Polem bek waham droe leubeh gata * nibak nyang laen tasidek pane asai mula
( ر ) رِضْوَانُ كرضأن بن يڠ قضا * نبك توهن كسو كأن داتڠ بَلاَ
(Ra) Ridhwan keu ridhaan ban nyang qadla * nibak Tuhan keu sukaan datang bala
بئنا سوسه بتا تهو درى لم قَبْضَهُ * فرنته توهن هنا جالن تامُخَا لَفَهْ
Bekna susah beuta thee droe lam qabdlahu * peurintah Tuhan hana jalan ta mukhalafahu
( ز ) زَكيهْ ين اشاره درى بسوجى * نبك صفة دوم يڠ جهت ٢ يڠ كبنچى
(Zoe) Zakiah nyan isyarah droe beusuci * nibak sifeuet dum nyang jeuheuet nyang geubanci
مثل عجب سمعه رياء دڠكى كوعه * ظاهر باطن كأدم بيك تابڠيه
Miseue ‘ujob sumeu’ah riya deungki ku’eh * lahe baten keu Adam bek tabeungeh
( س ) سلامة دومنا أومة بسجهترا * دنيا أخرة توهن برى رحمة مكندا ٢
(Sin) Seulamat dumna umat beusijahtra * donya akhirat Tuhan bri rahmat meuganda-ganda
توهن كرنيا فڠكت لبه سبب مليا * نبى محمد نفجد أومة أورڠ مبهڬيا
Tuhan karonya pangkat leubeh sabab mulia * Nabi Muhammad neu peujeuet umat ureueng meubahgia
( ش ) تاشُكُرْ دوم كتابى كفوت الله * كرنيا لا تهت نبك حضرة كهمبا الله
(Syen) Tasyuko dum geutanyoe keu Potallah * karonya lethat nibak Hadlarat keu hamba Allah
نفجد ڬتاۑى نبك عدم مَحَضُ ديلوتن * نبرى معرفة جالن كنل ذات توهن رحمن
Neu peujeuet geutanyoe nibak ‘adam mahadlu dilee tan * neubri makrifat jalan keunal Zat Tuhan Rahman
( ص ) تاصبر دوم كتاۑى نبك بَلَا * نامڠ سمفى كدوم كتاۑى بسر فهلا
(Shad) Tasaba dum geutanyoe nibak bala * nameung sampoe keudum geutanyoe besar pahla
ايڠت كدرى دوم كتاۑى مِلِك الله * فاتوت نحكم بن يڠ كهنداق نفرنته
Ingat keudroe dum geutanyoe milek Allah * patot neu hukom ban nyang kheundak neu peurintah
( ض ) ضَلَالَةُ نفا سيست أوله توهن * كبار ڠسى يڠ نكهنداق كهينأن
(Dlat) Dlalalah neu peusisat uleh Tuhan * Keu beurangsoe nyang neu kheundak keuhinaan
ۑن علامة كظاهران صفة جلال * ايمان ڠن طاعت ۑن علامة صفة جمال
Nyan alamat keulaheran sifeuet jalal * Iman ngon thaat nyan alamat sifeuet jamal
( ط ) اشارة أوبك طَاعَةْ تندا بهڬيا * كفر معصية ۑن علامة تندا چلا كا
(Tha) isyarat ubak Thaat tanda bahgia * kupho maksiet nyan alamat tanda ceulaka
بتا ايڠت دوا علامة هى بديمان * ايكوت لى كتا تندا بهڬيا فو بوة سورهن
Beuta ingat dua alamat he budiman * ikotle gata tanda bahgia peubuet surohan
( ظ ) اشارة أوبك ظالم بئ إِنْنَاىَ * كبار ڠسى لم دنيا ڽي نبك همبا
(Zha) isyarat ubak Zalem bek enanya * keu beurangsoe lam donya nyoe nibak hamba
تا كوة ڬأمبل أورى فا كى عمل ڬتا * كبرى كقصاص كجوك بالس فوارتا
Takot geuambil uroe page ‘amal gata * geubri keu Qishas geucok balaih Po areuta
( ع ) علمو مَعْرِفَة الله تفا تنتو * يڠ هن رامبڠ جك فسنڠ أوبك ڬورو
(‘In) Eleumei Makrifatullah tapeu teuntee * nyang han reumbang jak peuseunang ubak guree
يڠ موافقة أهل السنة ۑن تاا يكوة * يڠ بِدْعَةُ ڠن ضلالة بواڠ أو ليكوة
Nyang mupakat Ahli Sunnah nyan taikot * nyang bideu’ah ngon dlalalah buwang ulikot
( غ ) غَنِى توهنكو ربي كيا لمفه * نبرى كَرَنُيَا دوم كهمبا تهت بَحْرُ الله
(Ghen) Ghani Tuhanku Rabbi kaya limpah * neubri karonya dum keuhamba that bahrullah
دوم كتاڽي لالى كدرى هن تاايڠت * كنعمة توهن مابوق مومڠ دڠن معصية
Dum geutanyoe lale keudroe han taingat * keu niekmat Tuhan mabok mumang deungon maksiet
( ف ) فنا دوم سكلين ها بس بنسا * توڠ عبارة بئلى لذة مالم أورى
(Fa) Fana dum seukalian habeh binasa * tueng ‘ibarat bekle ladat malam uroe

( ١٢ )
ايعت ٢ تكاموات هنا مجن * فيله عمل يڠ جتتْ كبكل تباسا جن
Ingat ingat teuka mawot hana meujan * pileh ‘amai nyang jeuet keu beukai taba sajan
( ق ) قُرْبَه بك فوت الله فهمفر درى * فوبوة طاعة هاتى لذة مالم أورى
(Kaih) Qurbah bagi Potallah peuhampe droe * peubuet thaat hate ladat malam uroe
ۑن كبكل يڠ هن تڠڬل ڬتا هن چرى * نيفهون لم قبور هڠڬا تلالو سمفى بك تيتى
Nyankeu beukai nyan han tinggai gata han cre * niphon lam kubu hingga talalu sampe bak titi
( ك ) كلمه ذ كر الله بئتا لوفا * ۑن تاسبت ايڠت معبود توهن اسَا
(Keueh) Kalimah zikerullah bekna lupa * nyan taseubut ingat makbud Tuhan Asa
هڠڬا مجمفور سبوة كلمه اسَىْ ڠن داره * تفو مسرا ايلير اير متا فنوه لمفه
Hingga meujampu seubut kalimah asoe ngon darah * tapeu meusra ile ie mata peunoh limpah
( ل ) اشارة لِقاء الله فكرى حيلة * دوم كتابى عُه متمڠ ڠن فوت الله
(Lam) Isyarat liqa Allah pakri ilah * dum geutanyoe ‘oh meuteumeung ngon Po Tallah
دوشا لاتهت تكرجا أورى مالم * توهن نحكم دڠن شرع كن ڠن رسم
Deesya lethat takeureuja uroe malam * Tuhan neu hukom deungon Syar’ak kon ngon reusam
( م ) اشارة أوبك مِنَة نعمة توهن * هنئك هڠڬا نعمة متا لائن سكلين
(Mim) Isyarat ubak minat niekmat Tuhan * han ek hingga niekmat mata laen seukalian
هنا دافت جى مقابله أوليه برڠسى * اكن نعمة فرى جى قيمة شكر بك درى
Hana dapat ji meungbalah uleh beurangsoe * akan niekmat proe ji kimat syuko bak droe
( ن ) نِيَه بك شربعة تبڠسا دري * فڠهولو نبى يڠ مولا برى شفاعة دودي
(Nun) Niet bak syari’at tabangsa droe * panghulee Nabi nyang mula bri syafa’at dudoe
دوم أنبياء نكهن دمحشر نفسى ٢ * نبى ڬتابى يڠ كهن دودى َأُمَّتى ٢
Dum Ambiya neukheun di Mahsya nafsi-nafsi * Nabi geutanyoe nyang kheun dudoe ummati-ummati
( و ) وَلَهان سايڠ انسان دالم لالى * أورى مالم عمر كارم دالم روڬو
(Wee) Walahan ayang insan dalam laloe * uroe malam umu karam dalam rugoe
عه كبڠكيت متاجى اليت تندوق أولو * مى مريب٢ ساڠت غريب هنڬج لا ڬو
‘Oh geubangket mata ji ilet tunduk ulee * moe meureb-reb sangat ghareb han got lagee
(ه) هِدَايَه نبك الله فنجوك جالن * كبارڠسى يڠ نكهنداق برى مأيمان
(Ha) Hidayah nibak Allah peutunyok jalan * keu beurangsoe nyang neu kheundak bri meu-Iman
دڠن حكمة نبري هداية أوليه توهن * نكهنداق فظاهر صفة جَمَلُ كائلؤ كن
Deungon Hikeumat neubri Hidayah uleh Tuhan * Neu kheundak peulahe sifeuet Jamal keuelokan
( لاء ) لَاإلهَ إلا اللهُ أمبل كتولن * ين فليت يڠتراڠ چهيا فڠس جالن
(Lam Aleh) Lailaha illallah ambil keu Tuhan * nyang peulita nyang trang cahya peungeuh jalan
فري تأمبل ۑن كتولن أوله ڬتا * داس تكالن جالن لم كلم ڬلب ڬليتا
Proe taambil nyang keu taulan uleh gata * deueh takalon jalan lam klam glap gulita
( ى ) يا الله ياتوهنكو نفلهرا * دنيا أخرة نبري سلامة كامو دومنا
(Ya) Ya Allah Ya Tuhanku neu peulahra * donya akhirat neubri seulamat kamoe dumna
بركة شفاعة نبي محمد سيد ا لانام * كامى سمفى دالم نڠڬرى دار السلام
Bereukat syafaat Nabi Muhammad Saiyidil Anam * kamoe sampe dalam nanggroe Darussalam
( چ ) چابة دري نبك دوشا سكلين * بئ مۑسل أورى دودى نبك توهن
(Ca) Jayeh droe  nibak deesya seukaliyan * bek meunyeusai Uroe Dudoe nibak Tuhan
نفو فنوه كفل عمل دوم بسَارات * سمتران كهلوم داتڠ اڠن بارات
Neu peupunoh kapai ‘amai dum beusarat * seumeutaran gohlom datang angen barat
( د ) دڬاڠن بكل سفر دوم فحاصل * تفا سيكرا ديلو بك بوڠكا كوه كفڠڬل
(Dai) dagangan beukai safa dum peuhase * tapeu sigra dilee bak bungka goh geupangge

( ١٣ )
هِمَّه بتهت فتكوه الت فرلَا يران * اڠن باراة رايا باكة عه جن طوفن
Himmah beuthat peuteugoh alat peulayaran * angen barat raya bakat ‘ohjan topan
( ڠ ) ڠاف اڠكو هَنْدَى تولن هنا ڬنده
عمل هنا دوق لم دنيا هن تامينه
(Nga) Ngpa engkau handai taulan hana gundah * ‘amal hana duek lam donya han taminah
فدوم ٢ توبه سملا كو جروه تهت انده * دالم بومى دوم كفاسى سنن ڬا كبه
Padum2 tuboeh samlakoe jroh that indah * dalam bumoe gum geupasoe sinan geukeubah
( ڤ ) فدوم اڠكو ذات تو بهم سكا لين * هادف متا هاتى كتا بك ذات تو هن
(Pa) Padum engkau zat tubuhmu seukalian * hadap mata hate gata bak Zat Allah
مثل كتيكا داتڠ لۑف توبه كمبالى * أوبك أصل عَدَمُ مَحَضُ ديلو جادى
Miseue keutika datang leunyap tuboeh keumbali *ubak asai ‘adam mahadlu dilee jadi
( ڬ ) ڬالَلَهُ كتا فايه همفون ارتا * تن فائده عهكا سده هيلڠ ۑاوا
(Ga) Geu Allah gata payah himpon areuta * tan paidah ‘ohka sudah hilang nyawa
چيت فنجڠ اڠن ٢ أورى مالم * مقصود تن حاصل أوري فا كى دالم جهنم
Cita panyang angan2 uroe malam * makeusud tan hase uroe page lam Jahannam
( ث )ۑتا الله توهن يڠ اساواجب الوجود * لم فنداڠن أورڠ عَارِفْ امفوث شهود
(Nya) Nyata Allah Tuhan Nyang Asa wajibul wujud * lam pandangan ureueng ‘Areh empunya syuhud
ۑن كتوهن قَدِيمْ سودِيَ سدرى مَعْبُوْد * هنا لائن سبا ڬيڽ يڠ مَقْصُودْ
Nyankeu Tuhan qadim saudi sidroe makbud * hana laen sibagoenya nyang maksud
معنى اشارة رَمُوزْ حرف عهنى تمام * يڠ مناسبة بك عبارة أورڠ عوَامْ
Makna Isyarat rumuz harah ‘ohnoe tamam * nyang meunasabat bak ‘ibarat ureueng ‘awam
بك أورڠ عارف لاتهت لافس معنى دالم * علمو وَهْبى فهم فى زا كى عقل تاجم

Bak ureueng ‘Areh lethat lapeh makna dalam * “Eleumei Wahbi pham pi zaki akai tajam
ممدا دومنى بك كتاڽى سابه ماجم * جد بهڬيا سى يڠ بچا معنا جى فهم
Meumada dumnoe bak geutanyoe saboh macam * jeuet bahgiya soe nyang baca makna jipham
جتوڠ عبارة بن كسبوة دالم نَظَمْ * رُمُورْ حرف هن جى أوبه جى فكارام
Jitueng ‘ibarat nyan geuseubut dalam Nadham * Rumuz harah han jiubah ji peukaram
الحمد الله كاكسده نظم تمام * تمر صلوة اتس نبى سَيِدُ اُلْأَ نَامَ
Alhamdulillah kakeu sudah Nadham tamam * teuma seulaweuet ateueh Nabi Saiyidul Anam
وصل الله على سيِدنا محمد وعلى آله وصحبه وسلم
Washallallahu ‘ala Saiyidina Muhammad * Wa ‘ala alihi wa shahbihi wa sallam
( تمت فدا ٢٣ رجب الفرد ١٣٤٤ كوتاراجا آچيه )
{Tamat pada 23 Rajab alfard 1344 Kuta Raja-Aceh)

Setahun lalu, kitab ini pernah saya bayangkan selesai saya salin dalam bulan Puwasa tahun itu. Namun, akibat cobaan berat yang saya alami dalam setahun penuh ini –mulai Ramadhan 1437 s/d Ramadhan 1438 H – di samping tugas-tugas kampus yang semakin padat, mendetil dan rapi, maka kerja menyalin dan alih aksara kitab ini menjadi terbengkalai. Padahal, kitab yang belum diketahui judul ini, mau saya terbitkan sempena Peringatan 33 tahun musibah di Kalasan-Yogyakarta pada 25 Ramadhan 1405 H yang lalu.

Kepada kaum muslimin dan muslimat yang sedang berpuasa, saya ucapkan selamat menunaikan ibadah puasa, semoga amal ibadah kita diridhai Allah SWT.

Bale Tambeh, 18 Juni 2017/23 Ramadhan 1438 H/23 Puwasa 1438

Pemilik Blog Bek Tuwo Budaya: T.A. Sakti

.

Ada Dugaan Kuat Gadjah Mada Dimakamkan di Lampung Barat

Ada Dugaan Kuat Gadjah Mada
Dimakamkan di Lampung Barat

Serambi Bandar Lampung
Berdasarkan penelusuran sejarah dari berbagai sumber dengan dukungan bukti – bukti benda peninggalan maupun legenda dalam masyarakat, ada dugaan kuat bahwa Maha Patih Gadjah Mada memang dimakamkan di Pugung Tampak, Lampung Barat.
Ahli sejarah Universitas Lampung, Dr Husin Sayuti mengatakan di Bandar lampung, baru – baru ini, beberapa hipotesis yang secara otomatis akan menumbangkan hipotesis yang selama ini ada, menyebutkan bahwa menurut kitab Negarakertagama selesai disusun.
Pernyataan itulah kata Husin Sayuti, membuat para ahli sejarah yakin bahwa Gadjah Mada telah wafat dengan tenang, tetapi di mana dimakamkan tidak dijelaskan dan tidak ada satu tempat pun di Jawa menunjukkan Gadjah Mada diperabukan.
Husin Sayuti yang juga Ketua Masyarakat Sejarawan Indonesia (MSI) Lampung menegaskan bahwa hipotesis yang selama ini mendasarkan pada Kitab Negarakertama makin meragukan.
Alasannya, katanya, karena reputasi Mpu Prapanca dikenal dekat dengan Gadjah Mada tetapi kurang disukai Raja Hhyam Wuruk. Selain itu Prapanca baru kembali dari pembuangan sehingga ada dugaan ia mengatakan Gadjah Mada telah meninggal untuk menjaga stabilitas Kerajaan Majapahit sekaligus mencoba membuat raja senang.
Karena itu untuk melakukan analisis harus berdasarkan hipotesis baru bahwa pada tahun 1364 Patih Gadjah Mada belum wafat tetapi menghindar pergi dari Majapahit, jelas Husin Sayuti.
Setelah pergi dari Majapahit, kemungkinan besar lari ke Sumatra, tidak ke Sulawesi atau Lombok yang dikabarkn memiliki peninggalannya, tetapi sulit dibuktikan.
Sedangkan kepergian ke Sumatera punya alasan kuat, karena Gadjah Mada mempunyai sahabat Adityawarman yang pada saat itu berada di Sumatera dan menjadi raja di Pagaruyung, ujar Husin Sayuti.

Sungai Musi
Gadjah Mada, urai Husin Sayuti, menuju ke Sumatera melalui Selat Bangka ke Sumatera Selatan, kemudian menyusuri Sungai Musi, masuk ke Sungai Ogan dan ke Sungai Kelekar . kemudian kembali lagi keluar Sungai Ogan, masuk ke Sungai Musi. Dari Musi kemungkinan besar menuju Sungai Komering karena pada saat itu sudah banyak penduduk Lampung yang pindah ke Sumatera Selatan.
Akhirnya ia memperoleh tempat yang aman di Pugung Tampak, Lampung Barat dan dimakamkan di sana. “tapi dugaan itu masih perlu dibuktikan dengan berbagai penelusuran, karena memang tidak ada bukti Gadjah Mada wafat di Majapahit, melainkan raib ke luar Jawa dan seterusnya Sumatera, “tegasnya.
Sebelumnya, antara yang sempat ikut menelusuri kebenaran makam Gadjah Mada di Lampung Barat memperoleh temuan legenda turun temurun mengenai riwayat perjalanan Gadjah Mada beserta isteri, anak dan menantunya yang akhirnya singgah dan dimakamkan di makam Kesugehan, Desa Pugung Tampak, Kec. Pesisir Utara, Lampung Barat.
Keluarga yang mengaku pewaris turun temurun peninggalan barang milik Gadjah Mada, sekaligus yang mengurus makam Kesugehan juga menunjukkan beberapa barang yang masih disimpan yaitu meriam sundut (pistol), topi alas mahkota, tempat rokok piring makan, dan talam/ nampan yang dipercaya milik Gadjah Mada.
Mereka juga menyebutkan berbagai barang lain yang masih disimpan maupun yang tersebar di beberapa tempat dan diidentifikasi sebagai benda peninggalan yang dibawa Gadjah Mada beserta anak isterinya. (ant)

 

*Sumber: Serambi Indonesia, Jum’at,  2 oktober 1992 halaman 6.

Haji Jameun Dilee = Naik Haji Tempo Dulu

HAJI JAMEUN DILEE

Lailaha Illallah, beumeutuwah ureueng tuha
Neubri peurangoe got seureuloe, ureung nanggroe jigaseh na

Bahkeu ‘ohnan dihaba nyan, meuwoe karangan bak Nyak Muda
Sinyak Muda ileumei saleh, lagi leubeh zahed wara’a
Keu Potallah that bakeuti, jakeuet jibri jan toek kira
Ji puwasa ngon seumayang, hantom lapang toek kutika

Rukon limong nyang goh Haji, laen sare cit dumpeue ka
Mita beulanja lhee peuet reutoih, sare kukoh keumeung bungka
Peuhase breueh deungon sagee, lom ngon rujee kanot tima
Peuhase guci tareh taloe, tareh peutoe deungon sara (sira? )

Sare hase dumka leungkap. Kapai ‘Arab pih toek teuka
Teuma lheueh nyan peudieng dabeueh, angen linteueh laju bungka
‘Ohsare toek leupah Silan, upah sinan ladom bak na
Hingga ‘ohtroih nanggroe Makkah, bayeue upah habeh dumna

‘Ohtroih Miqat sinan Ihram, tamong u dalam Makkah muliya
Thawaf Sa’i Wukuf ‘Arafah, srom Jamarah lhee sibanja
Sare cukop Haji ‘Ummeurah, u Madinah lanja bungka
Geujak ziarah Kubah Nabi,buettan Haji ka samporeuna

Ladom hana jak Madinah, jiwoe pantah miet beulanja
Soetan ziarah Kubah Nabi, jiek Haji han samporeuna
Sang pajoh bu tan pajoh eungkot, adat ek ta’uet hana meurasa
‘Ohsare lheueh dum meuwoe-woe, u nanggroe droe ayah bunda

Ladom han woe dong di Makkah, ileumei Allah geukeumeung mita
Sinan geudong meununtut sabe, hingga mate nanggroe mulia
Soe nyang mate nanggroe Makkah, page dijih cit seuntausa
Ladom sunggoh bak geubeuet-beuet, nyang ladom jeuet keu ‘Ulama

‘Ohsare woe geuseumubeuet, ban kada jeuet keu Peutuwa
Ladom jiwoe ‘ohlheueh Haji, jidong sabe tan beulanja
Ladom beuthat nacit nyang woe, jijak meubloe dabeueh pina
Bloe Kupiah bloe ruja Syam, bloe Ie Zamzam boh Kureuma

Bloe ngon kasab ngon ija jroh, sare peunoh peutoe sara
Troih Kuala jicok wase, lam-lam gule dum jimita
Cok keureutah puweh sugoe, buka peutoe bileueng ija
Hanjeuet tasom taleung padok, habeh jicok lam siplohsa

Troih u darat toek geujak tueng, maseng bulueng dum saudara
‘Ohsare troih woe u rumoh, ureueng peunoh dum jak sapa
Assalamu’alaikom Teungku Haji, saleuem gobbri seuot sigra
Ri nyang teuka rakan kawom, jok saboh kom boh kureuma

Ureung gampong dum jak meujrom, bri Ie Zamzam ngon kureuma
‘Oh le teuka geutakot hansep, ie lam gupet jampu sigra
Ladom gebri kupiah puteh, nyang that neu gaseh bri ngon ija
Meunan-meunan ban nyang layak, keu ureueng jak dum mulia

Sok ngon bajee lhee peuet lapeh, jroh that meuceh nibak nyang na
Peuudep janggot nyang tan dilee, sok ngon bajee syureuban raya
Watee neujak meuhayat-hayot, rakan dilikot lhee peuet neuba
Ho nyang neujak gob mumat jaroe, Teungku ban woe Tanoh Mulia

Teum a ‘ohtreb jeuet keu bateue, hansoe tupeue Haji teuka
Bajee pitan syeuruban hanle, Teungku Haji hanale tanda
Ladom sulet ban Baduwi, Teungku Haji sit nan saja
Droe nyan leubeh bak pancuri, taki-maki le bicara

Hanjeuet harap sagai-sagai, peue gob tinggai dum neuhila
Dumnan pangkai neu kahabeh, Datok paleh tan bicara
Nyankeu Haji Syitan tipee, asai dilee niet han beuna
Nyankeu Haji jen peuratee, ka jitipee mangat binasa

Jak Haji kon kareuna Allah, buet phon leumah jen peudaya
Jak Haji kon seubab Syara’, sabab gob jak malee mata
Sabab ka le rame gob jak, jih pih galak keumeung bungka
Kadang rakan jihka leupah, yohnyan gagah jimeung bungka

Han jeuet dongle dalam nanggroe, lam teugoe-goe dalam dada
Digob leupah nyang adoe-adoe, nyum uroe nyoe bak jibungka
Jeuet ceumuru gobka geujak, lon han kujak sang-sang hina
Sira meu’en kalon nanggroe, lheueh nyan lon woe Haji pika

Yohnyan harok hanjeuet tinggai, mita pangkai dum beulanja
Adat tan pangkai mita ilah, asai leupah jih jibungka
Mung goh Haji kupiah haji, dum geutukri nanggroe mulia
Meungnyo meunan han sakon jeuet, syaitan peungeut asai nama

Ta eu jakeuet hantom jiboeh, jikheun han troih meugoe hana
Pade jeueb thon meureutoih-reutoih, hancit jiboeh jakeuet areuta
Sabab tan meugah ureueng boeh jakeuet, di Haji jeuet bako mulia
Areuta habeh mulia tan, ngon sabab nyan mit soe geuma(r )

Umong jih le nyang gob meugoe, bijeh keudroe si usaha
Dijih umong jikheun bungkai, han sagai bijeh bak jih na
Meungtan jibri bijeh pade, jakeuet sabe bak jih hana
Sabab jakeuet ji seutot bijeh, kawoi saheh meunan haba

Teutapi zakeuet meuseutot bijeh, bekna daleh ngon ilah gata
Tatem ilah nibak lahe, han tapike keu le pahla
Meuseuki Hukom meunan bit-bit, bek ta isib walee beuna
Bijeh tabri nameung ek toek, beuthat harok keu le pahla

Nibak jakeuet tailah bek bri, teuma di Haji tailah bak na
Nyan Haji kon kareuna Tuhan, mita got nan ngon mulia
Haji galak ke zakeuet han, jih dua ban sisyaudara
Nyan alamat jen peuratee, ji tipee mangat binasa

Meungnyo tailah nibak lahe, dumkri hase tabicara
Ngon Potallah bekta meuhom, ‘ohneu hukom di Blang Masya
Diseumayang pihna ilah, rot bek payah takeureuja
Kareuna seumayang jeueb-jeueb watee, bak ureueng seudee wajeb hana

Tapeulahe droeteu pungo, hansoe hiro seumayang gata
Teuma puasa pina ilah, ureueng leumoh wajeb hana
Tapeulahe droeteu saket, lom pih ciret ‘oh lhok mata
Teuma jakeuet pihna ilah, meungtan bijeh wajeb hana

Tapeulahe bek bri bijeh, ta ilah bek rugoe atra
Meungnyo bit han ek tabri bijeh, sabab ringkeh tan sapeue na
Meungnyo meunan nyankon ilah, bak Potallah han meureuka
Meungkon meunan peue tapeugah, mita ilah lheueh bak donya

Ngon Potallah bah tapeuhom, nyankeu kawom biek meureuka
Eu bak umong le meuriti, bijeh pade patot hana
Miseue leumo ka ek tabloe, patot taloe han ek tapeuna
Nyankeu ilah rot bek rugoe, ta peulheueh droe meung bak donya

Nyan muektamat kawoi nyang sah, kon ngon ilah ta peubeuna (r )
Di Haji jeuet cit tailah, wajeb dijih nyang kuasa
Tuboh teuga areuta pih le, kandran Jalo upah pihna
Meunan syarat wajeb Haji, tapeulahe tan kuasa

Takheun leumoh beulanja tan, lon jak ‘ohnan saket lam pha
Troih u laot muntah ak-uek, takheun mabok hana reuda
Hukom Haji soe nyang meunan, wajeb jihan meungkon teuga
Nyankeu Tuhan tan tapeubrat, nyang jeuet takarat sabab mulia

Nyankeu Haji hana tailah, sabab meugah lom got nama
Nyankeu Haji jen peuratee, asai dilee niet han beuna (r )
Nyankeu Haji iblih yue jak, keujih layak hana pahla
Pangkai habeh haji han sah, page balaih lam Nuraka

Lailaha illallah, Haji nyang sah beuta geuma (r )
Soe ek Haji niet ikheulah, kareuna Allah kon keu Donya
Haji neutueng dijih meuhat, di akhirat jeuet keu Raja
Bahkeu dumnan dihaba nyoe, karangan meuwoe bak Nyak Muda

(Cuplikan jiled 2 Nazam Akhbaron Na’im karangan Tgk DI Cucum halaman 24 – 28. Teungku Di Tucum alias Syekh Abdussamad alias Teungku Do alias Teungku Muda lahe di Mukim Lam Rabo, gampong Tucum, sinan maklum rumoh tangga. Kitab Akhbarul Na’im lheueh neu karang, 26 Muharram 1274 H )

*Bale Tambeh, 12 Haji 1437/ 12 Zul Hijjah 1437 H/13 – 14 September 2016 M, pkl 0955 wib.

-Gara-gara han teungeut wab seuuem-ngon dang-dang preh woe aneuk agam phon, beudoh darot poh 11 malam jak salen kitab nyoe sampe poh 12.15 trok bak bareh: “Sabab jakeuet ji seutot bijeh, kawoi saheh meunan haba”, baris-baris selanjutnya disalin di pagi besoknya. (T.A. Sakti ).

– Nadham ini pernah disenandungkan oleh Medya Hus pada acara “Cae Bak Jambo” ACEHTV Banda Aceh.