Hikayat Bahsa Jawoe – Karangan Ulama Krueng Kale ( I )

KARANGAN ULAMA KRUENG KALE: Syekh Muhammad bin Abbas
Mulai kamoe salen ngon alih aksara Karangan Ulama Krueng Kale nyoe, poh 3 seupot uroe Jum’at, 9 Puwasa 1439 atawa 9 Ramadhan 1439 H bertepatan 25 Mei 2018 M. Bunoe poh 10.50 ngon Bg Ih ulon jak kunjong u rumoh Bapak Ramli A.Dally (Budayawan Aceh) yang meninggal bak Senin, 21 Mei 2018. Semoga beulam ampunan Allah Swt!. Meunan cit, mudah-mudahan buet seumalen nyoe beurijang seuleusoe, Aminn!. Naskah asal Pustaka Nasional Jakarta, kiriman dr. Nabil Berry, Jakarta.Berikut cuplikan hasil alih aksara isi naskah:

Alih Aksara Oleh: T.A.Sakti dan T.Idham Khalid

‘Ajaeb Subhanallah, nyoe lon kisah bahsa Jawoe
Saboh padan ban atoran, lon boeh bangon ban meuduek adoe?
Bangon lagee sang hikayat, sanjak teupat ban ato droe
Teubiet pucok diujong bak,jroh that rampak bungong geutoe

Reumbang laku keunong sanjak, jeuet keugalak ureueng beuet Jawoe
Reumbang bangon keunong canek, beudoh reunek gule rampoe
Tabeue masen meungna reunek, bak nyum-nyum ek tamakeuen troe
Leumak santan mameh manisan, tapeulawan beurang kapeue

Meuseuki tapeh taboeh keunan, jan tamakeuen mameh hansoe
Meunankeu tamse ureueng keumarang, meunghan reumbang mitsoe pakoe
Keunong lagee reumbang padan, beurang kaban pi geupakoe
Bak ureueng ngeut lom ngon dungee, meunggot lagee ji meurunoe

Adat tatem beuta hafai, rijang takeunai Kitab Jawoe
Galak jipham Bahsa Aceh, makna sareh jiboeh keudroe
Meunggot matan gleh ngoh shurah, bukon ceudah aneukku nyoe
Amma bakdu dudoe nibak nyan, kheundak Tuhan bak uroe nyoe

Kulakee tulong ubak Allah, bahlon kisah Bahsa Jawoe
Lon puphon ngon nama Allah, ampon meu’ah deesya lon nyoe
Deesya ulon han teukhimat, sitimang brat langet bumoe
Bermula phon mengambil tatueng, telaga mon siang uroe

Jika beukit nyang juwa cit, bahwa bit-bit kemudian dudoe
Dahulu dilee minta lakee, dapat tateumei seorang sidroe
Tatkala yohnyan nyang itu nyan, yaitu nyang nyan ini nyang nyoe
Hilang gadoh membasuh tasrah, sentuh teupeh tangan jaroe

Lanjut jioh selesai habeh, hantar keubah liher takue
Maka teuma jikalau sangkira, kain ija pakai tangui
Besar raya kecil ubit, sedikit bacut kembali tawoe
Nyang banyak le …. arat picik ubit bak teumpat nyoe

Berdiri tadong berjalan tajak, duduk taduek sendiri sidroe
Tenang teudong hening jeureungeh, suatu saboh beurangkapeue
Lari taplueng berhenti piyoh, percahya pateh beurangkasoe
Lihat kalon kelihatan leumah, batal hansah beurangkapeue

Mengetahui tathee waktu watee, beroleh tateumei beurangkapeue
Hendak nafsu tanggung tame, kenal turi mengapa hanpeue
Masuk tamong keluar teubiet, kerja pubuet geunap uroe
Nyang ada na tiada tan, serta sajan beurangkasoe

Berbetulan teupat hadapan dinab, menjabat tamat beurangkapeue
Kanan unun belakang likot, lutut teuot gaki geutanyoe
Nyang kiri wie ruma bulee, rambut ulee oek geutanyoe
Telinga geuliyueng mulut babah, lisan lidah nyang dahi dhoe

Bawah diyub kepala ulee, tukal palee heran laloe
Datang teuka bangkit beudoh, menyapu sampoeh beurangkapeue
Segala dum sekalian bandum, cincin incien soek dijaroe
Tinggi manyang rendah miyub, nyang hampir rab ngon geutanyoe

Nyang jangan bek mehimpun sapat, makam teumpat duek geutanyoe
Menutup toep tiap2 jeuep2, hubung sambat beurangkapeue
Pagi beungoh petang seupot, nyang gugur srotle u bumoe
Apabila proehai demikian?, buni tasom daging asoe

Nyang sampai troeh lupa tuwo, cucur sibu ie tamanoe
Nyang apa peue berapa padum, nyang sungai krueng dalam nanggroe
Lindung padok sekali siblet, nyang jalan rot tajak keudroe
Nyang sangat that buang taboih, tinggal keubahle disinoe

Nyang baik jroh nyang jatuh rhot, setelah lheueh bak teumpat nyoe
Nyang pada bak kepada ubak, daripada nibak beurangkasoe

……………………
………………………..

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s

Blog di WordPress.com.

Atas ↑

%d blogger menyukai ini: