Surat u Rumoh Teungoh, Beutong, Nagan Raya, Provinsi Aceh

tabib-wen

Tabib Wen dengan Mak Ru (istri beliau)

Yogyakarta, 4-6-1408/24-1-’88.

Kepada Yml

Abu Tabib Wen/Ummi  Makru

serta Keluarga

di

K e d i a m a n

Assalamu’laikum  Wr. Wb.

Pertama-tama  saya mengucapkan salam sejahtera, semoga kita semua tetap berada dalam lindungan Allah SWT; Amin. Selanjutnya,  saya  mengucapkan SELAMAT KHANDURI THON  nanti pada 17 Jumadil Akhir  1408 Hijriyah. Sayang sekali,  saya tidak dapat bersama hadir pada hari ulang tahun ini,  karena saya masih berada di Yogyakarta. Mudah-mudahan saja, surat dan kiriman saya ini sudah sampai ke Rumoh Teungoh  sebelum hari acara khanduri Thon.  Semoga …

Pakriban hai keadaan  Abu ngon Ummi  akhe-akhe lawet nyoe. Mudah-mudahan bak Allah bri sabe lam sihat, lam lindongan   Tuhan  Po   geutanyoe. Ngon do’a nibak Abu ngon Ummi,  Tuhan bri dilon ka tamat sikula di Yogyakarta. Meutapi bak watei   nyoe gohjeut cit ulon woe u Aceh,  kareuna na urusan bacut treuk nyang    gohlom    seuleusoe.   Sangkira   hana   jimat    le   saket   kumong   gaki  lom  lawetnyoe, mungken   urusan   nyang   goh    lheuh   bacuttreuk   nyan   kalheuh.    Bak   uroe   Ahad   tanggai 6   Desember   1987,    gaki    ulon   ‘et   tuot   u   miyub     blah   unuen    nyang    patah   kumong lom.

Sagai   hanjeut   ulon   duek   ateuh   kurusi   untuk   teumeutep.   Asai   ulon   duek   nyang meulipat    tuot   meu   15   minet,    laju    jibeudoh   kumong.   Suratnyoe    ulon    tep   sira  duek bak   aleue  seumet.   Kalheuh   ulon  kirem  sura t keu   Ummi  di  P i d i e, ulon  lakei  beuneu-kirem    on   lingong   ngon   gapu,  ulon  niet   teuom   lom   lagei  uroe  jeh.  Hingga   uroe  nyoe ka   48  uroe   kumong-kumong   gaki   patah  di  ulon.  Keumeunyan   nyang   Abu   bri  kalheuh cit   ulon   tot   na  lhei   go.   Tanda-tanda   saket   kumong   nyoe,  saban   that   ngon  tanda-tanda   watei   karab   beureutoih/buco   bak   tuot   uroe   jeh.  Nyakni   siat-siat   payah   jak u   lueng   ubit.   Meutiet-tiet   ngon   seungkou   dimiyub   teumpat   nyang    buco   uroe   jeh.

Sangkira  toe,   ka   ulon   langkah   laju  bak   Abu,   ulon   jak   muhon  ubat  keu    saket  kumong Nyoe.  Bah   oh  puleh,   ulon   gisa  lom   u   Yogya   teujak   peulheuh   urusan   nyang  goh seumpurna.   Meutapi   Yogya   ngon   Aceh   juoh   meunurot     keumampuan     ekonomi   keluarga ulon,    maka   hanya   dari   juoh   ulon   mohon  tulong   nibak     Abu,   mudah-mudahan    saket kumong    gaki   ulon    sigra  puleh. Watei nyoe,   asai     keuneuk   cok  langkah   sabe  na tungkat    sikrak   lam    reugam   ulon.    Beureukat do’a    nibak Abu,      Insya Allah  Tuhan akan   neuppeupuleh   gaki   ulon.  Sangat   that   ulon   mohon   beureukat   do’a    nibak    Abu di sinoe.

Abu ngon Ummi  nyang mulia Nyoe na bacut kireman nibak ulon keu Abu dan Umi.  Keu Abu ulon peue   et ubat batuk dua boh kaca ubit.  Citka ulon teupeue Abu kalheueh  neujeb meploh macam ubat batok.  Seubab nyan karab hana teuturi  mita,  kira-kira  ubat mirek toh nyang goh Abu ujoe.  Hingga ulon lakei bantu bak sidroe ngon ulon mahasiswa Fakultas Kedokteran Universitas Gadjah Mada Yogyakarta (karab jeut keu doto). Saudara RAHMAT  nyan nyang tulong mita ubat batok nyoe keu Abu. Rahmat menyam-paikan/geupeu et saleuem ke Abu ngon Ummi,  ngon ucapan: “Assalamu’alaikum..”.

Mungken cit,  ubat batok nyang ulon kirem nyoe,  kalheuh  cit Abu ujoe jeb.  Bah-that beumeunan , ulon meulakei ubak Tuhan,  ubat batok nyang nyoe beujitem jeut keu ubat nyang meustajeub  ngon izin Po; insya Allah. Teuma keu Ummi  ulon peue et ubat reumatik nan jih minyeuk param. Mungken cit ubat nyoe kalheuh  Ummi pakek baroe-baroekon. Bahthat beumeunan, ulon mohon bak Nyang Po Kuasa ngon seubab ubat dari Yogyakarta  nyoe,  beu Allah bri saket reumatik Ummi meunyo mantong  beulaju puleh;  Insya Allah.   Bak kutak minyeuk param 10 (sepuluh ) kaca  plastik nyang ulon kirem nyoe, na dituleh cara pakek.

Laen nibak nyan,  keu cuco Abu dan Ummi  nyang ka/karab sikula bak SMP na ulon kirem Kamus bahasa Inggreh  ubit  4 buah. Tamat   etnoe   dilei   surat    ulon  keu  Abu/Ummi   seureuta   keluarga  bak     kali  nyoe. Salah   ngon   silap,  tuwo-meuwo   kadang   rohna  bak  ulon      karang     surat   nyoe, maka   ulon lakei   meu’ah    nyang     rayek  that   nibak Abu   ngon  Ummi    di  sinoe.   Peunyaket  tuwo-meuwo     mantong   cit   gohlom   got puleh   di   ulon. Jinoe di Yogya    kana    sigo    jeume’at ulon   pajoh  lom   halia/teupong halia, peuneugah   Kitab   Tajon    Mulok   nyang    ulon  beut watei     di rumoh    Teungoh    nyoe   uroe   jeh.

Wassalamualaikum  Wr. Wb.  nibak  ulon:

                                                                                                          dto

Eungku Lah (Abdullah Sulaiman)

  1. Saleum  ulon   keu  keluarga    Abu/Ummi, syeidara  ulon   nyang  teungoh  meuubat   patah  di    Rumoh  Teungoh  nyoe   dan syeidara   lingka   nyang   kayem  trok  langkah u  rumoh  nyoe;  ucapan    ulon:”Assalamu’alaikum..”.
Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s