Syair Aceh: Sultan Iskandar Muda

                           Sultan Iskandar Muda

 

Deungon Bismillah kisah lon lambong

Sultan nyang Agong ulon calitra

Iskandar Muda raya that untong

Aceh geulindong bak  marabahya

 

Bahya rot Barat teuka meugulong

Bandum geusinthong lam laot raya

Bahya rot Timu dijak meuron-ron

Laju geusayong hanjan jihoi Ma

 

Aceh lam aman  leubeh  30  thon

Kuta ngon gampong dame sijahtra

Sampe ‘an jinoe ta sanjong – sanjong

375 thon  dumnan ka lama

  ( baca: lhee tujoh limong )

 

Pakon  roh  teuma geusanjong sanjong

Kon kareuna mbong bukeuti hana

Jinoe lon seubut mangat neuhitong

Pakon jeuet lambong Iskandar Muda

 

Nyang phon kheurajeuen luah meuglong – glong

Troh Semenanjong Selat Malaka

Bengkulu Riau tanggoe Belitong

Borneo Lampong kon Aceh saja

 

Teuma keudua sigra lon singgong

Peng meuh sinoe phon di Nusantara

Deureuham peng Aceh nilai jih lambong

Jeuet bloe barang dum ban saboh donya

 

Masa nyan Aceh   tinggi  tamaddon

Na surat sion tinggai keu tanda

Keu daweuet ie meuh gohlom gob peuphon

Tanda bit Agong Iskandar Muda

 

Keu Ratu Inggreh geukirem langsong

Tanda  meusambong ka meusyeedara

Keu 4 lon peugah kisah meusambong

Diplomat Agong Iskandar  Muda

 

Portugeh Inggreh Cina nanggroe Rom

Bandum hai kawom hubungan mesra

Yoh nyan Beulanda goh meuho untong

Aceh ka harom ban saboh donya!!!

                                            ( T.A. Sakti )

Catatan: Sumber ilham terbersit  dari surat Sultan Iskandar Muda kepada Raja Kerajaan Inggris, dalam buku Mohammad Said, ” Aceh Sepanjang Abad” jilid I, halaman 320.

 

 

 

                             Bale Tambeh, 27 Desember 2011

                        …. terdengarlah …. Bang meughreb!

 

 

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s