Kru Seumangat!!! – Tanggapanku atas kehadiran Fakultas Kedokteran di Unsyiah

*** Ekspressi ***

Banyak kejadian dalam kehidupan kita yang memberi  kesan, yang dapat diungkapkan orang dalam berbagai cara. Sdr. T.A. Sakti mencoba menulis ungkapan  rasa atas kehadiran Fak.Kedokteran di Unsyiah dalam bentuk Syair Aceh. Selamat mengikuti…..!

Redaksi,-

 

T.A. Sakti

K R U  S E U M A N G A T  !!!

 

Assalamualaikum warahmatullah

Jaroe dua blah ateuh jeumala

Lon ingin rawi na saboh kisah

Jinoe lon keubah dalam “PEUNAWA”

 

Thon nyou teukeudi bri le Po Tallah

Seuramoe Mekkah meu-untong raya

Trok Menteri PK teken naseukah

Peudong Fakultaih nyang that ta damba

 

Padum  treb sabe hate lam gundah

Pakon Peumerintah han geu usaha

Pakon pat laen ban meusen bagah

Peudong Fakultaih meu macam rupa

 

Meunan keuh hate sabe lam deuk grah

Han pat tapeugah tanyoe cut raya

Fakultaih Dokto meusyhen sileupah

Tijoh ie babah meuheut lagoina

 

Tajak uluwa tamong Fakultaih

Nasib di Ayah pih gasien raya

Fakultaih Dokto bako sileupah

Biaya keumah pih le lagoina

 

Rame  cit  nyang jak luwa daerah

Sayang le patah dalam sikula

Bak pi-e  gasien Poma ngon  Ayah

Sunggoh biet sosah tajak diluwa

 

Meukru seumangat rahmat Po Tallah

Hate  nyang sosah jinou bahgia

Pikeran palak han jadeh bicah

Le peumerintah kirem peunawa

 

Fakultaih Dokto geupeudong bagah

Geubri hadiah keu rakyat dumna

Rakyat lam Aceh seunang si leupah

Peu nyang  geupeugah tatem kheun  ya!.. ya!

 

Bak tanggai dua teken naseukah

Thon LAPAN PLOH  sah di DPR tingkat sa

Buleun si kureung bak jeum poh siblah

Teken naseukah le Menteri P K

 

Nyang bantu tanyoe siploh Universitaih

Keunan peu singgah dum mahasiswa

Hantom terjadi dalam seujarah

Meunan geupeugah le Menteri P K

 

Aceh geu bantu le jeub daerah

Tanda muhibbah sama saudara

Tueng mahasiswa teumpat kuliah

Aceh geupapah beurijang teuga

 

Seulama lheei thon nyan meunan ulah

Mantong geupapah le ureung  luwa

Oh wateei rayeuk kajeut plueng bagah

Baro geu peuglah piep moom nibak Ma

 

Thon lapan  ploh nyoe ka geu peusinggah

Lheei ploh nam droe sah na mahasiswa

Ka lheeuh geukirem rata daerah

Rakan Unsyiah nyang na diluwa

 

Hai putra putri  bintang daerah

Gata keuh peuglah taloe bak punca

Beurajin gata dalam kuliah

Sabab daerah jipreh-preh gata

 

Fakultaih Dokto nibak Unsyiah

Dosen meu siblah jinoe gohlom na

Gata keuh Dosen bak saboh sa’ah

Oh watee keumah kuliah gata

 

Hai Putra-putri Seurambi  Mekkah

Beudoh beubagah uroe ka jula

Wasiet Endatu taseutot bagah

Seurambi Mekkah beumaju jaya!

 

Meuseb keuh ohnoe haba lon kisah

Baca Nyak ceudah dalam “PEUNAWA”

Meu’ah dousa lon rakan meutuwah

Kadang na salah bak peugot sastra!

 

IPM-Sakti Banda Aceh, 2 September  1980/22 Syawal 1400.

 

( Sumber: Buletin “PEUNAWA” -Media Komunikasi Mahasiswa Fakultas Ekonomi Unsyiah, edisi 4 – 5/1980, halaman  59 -61 ).

 

Catatan kemudian: Sebagai mahasiswa yang sedang ‘mencintai  jurnalistik’ saat itu, saya hanya dapat lalu-lalang( puta-puta)  di lantai dasar Gedung DPRD Aceh. Sementara upacara Peresmian Pendirian Fakultas Kedokteran Unsyiah berlangsung di lantai II.

Bale Tambeh, 25 April 2013, jam 5. 36 pagi, suara ureueng meurateb terdengar di Mesjid  bergema….!.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s