Kembang Tanjong Negeri Sentousa

KEMBANG TANJONG NEGERI SENTOUSA

Assalamualaikom rakan meutuah

Katrok lon langkah dilon bak gata

Ta undang maulod bak tanggal 16

Deungo ceuramah Nabi mulia

Tan bungong jaroe bak lon meusiblah

Pakri paban bah lon gasien raya

Hanya na lon ba cit saboh kisah

Lon keuneuk peugah keugampong gata

Keu  Keumbang Tanjong gampong yang meugah

Deungo lon kisah seun-seun si banja

Tasimak beugot abang meutuah

Pat nyang na salah jeut neupeubeuna

Cit Asam Kumbang nan dilei meugah

Dudoe geu ubah ban2 merdeka

Ka Keumbang Tanjong E tanglong 14

Jinoe yang ka sah geurasi nama

Bak  Kumbang mate dilei ka geuplah

Ting ngai seujarah ka nibak gata

Tanjong Bineh krueng teubeuntang luah

Jinoe geupugah kide meubanja.

Di Kumbang Tanjong nam mukim, teungku

Yang phon Blang Gapu, ARUSAN dua

Mukim PASI keu lhei tabileung

Mukim NEUREUNG ta tamah lanja

Mukim GAMPONG ASAN teuma keu limong

Laju peutamong Asam Kumbang teuma

Di Kumbang Tanjong le ureung jumot

Sabe lam met mot mita beulanja

Menyo  soai peng hanjan takheun phot

Meulaju muprob pasoe lam ija

Nyang jak meuranto peu punoh kanot

Keurija jumot kumpoi areuta

Jeub sagai donya atra geujak dhot

Kon le keukanot tapi keukaya

Nyang jak sikula pih leupah jumot

Geu puhu panyot trok malam jula

Rajinmeu ulang babah meu po’t p’ot

Sabab nyan tingkat sabe meuputa

Oleh karna nyan ta kalon, Cut N’ot

Ureung meupangkat rame lagoina

Le BL merah muto meutro’t-tr’ot

Soe nyan na meu heut cuba usaha

Et noe keuh kisah hai bungong panyot

Dak jeut  ta seutot bandum saudara

Tacok ke conto gata beu jeumot

Kembang Tanjong got karna USAHA.                               ( I. W. K. T. tgl ini gagal,              tp  17 R.akhir  1400,TA)

IPM-SAKTI,

Sambutlah jabat salam dari:

(A.S. HUMAR BUCUE)

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s