Hikayat, “Dibuang Sayang”!!!

Hikayat “Dibuang Sayang”

Sekilas Pengantar:

Ulasan berikut adalah tentang sisa-sisa halaman hikayat yang telah saya transliterasi/alih aksara ke huruf Latin. Ada tiga judul hikayat dalam kumpulan ini, yaitu Hikayat Banta Beuramsah, Hikayat Malem Diwa dan Hikayat Putroe Jeumpa. Saya sebut sisa hikayat, karena jumlah halamannya   tidak lengkap lagi. Memang  dalam keadaan  demikianlah  hikayat-hikayat itu  di rumah saya di kampung  sejak dulu. Malah Hikayat Nabi Ibrahim hanya satu lembar kertas/dua halaman tersimpan bertahun-tahun di rumah saya di sana. Sayangnya, setelah di Banda Aceh ( mungkin lantaran banjir tsunami!), kini lembaran Hikayat Nabi Ibrahim itu tidak saya jumpai lagi.

Satu hal yang mendorong saya menyalin hikayat ini ke aksara Latin adalah isinya terkait dengan sejarah Aceh. Begitu pendapat para ahli manuskrip Aceh seperti Prof. A.Hasjmy dan H.M. Zainuddin. Hal ini memang membutuhkan penelitian lebih lanjut di masa mendatang. Misalnya, A.Hasjmy menyebutkan, peristiwa dalam hikayat Banta Beuransah terjadi dalam Kerajaan Aceh Darussalam dan hikayat itu ditulis pada masa Kerajaan Aceh Darussalam (Baca buku: A. Hasjmy, Kebudayaan Aceh dalam Sejarah). Dalam ucapan hari-hari, ejaan nama hikayat ini memang Hikayat Banta Beuransah, namun saya menyalinnya sesuai dengan ejaan asli dalam naskah saya yaitu Bangta Beuramsah, yang saya ubah ke Banta Beuramsah.

Hikayat Malem Diwa juga terkait sejarah Aceh, yakni Sejarah Kerajaan Samudra-Pasai. Hal inipun perlu pengkajian selanjutnya. Begitu pula dengan Hikayat Putroe Jeumpa. Kata orang, hikayat ini tersangkut dengan Sejarah Kerajaan Jeumpa di sekitar kota Bireuen. Apalagi jika dipadukan dengan Hikayat Raja Jeumpa, tentu kesejarahan hikayat ini(mungkin?) semakin jelas. Malah di internet, pernah saya baca artikel” Kerajaan Jeumpa adalah Kerajaan Islam tertua di Nusantara”.

Namun, yang paling menyentuh batin saya hingga terpancing menyalin sisa-sisa ketiga  hikayat adalah kesanggupan hikayat ini menjaga keselamatan diri mereka sendiri. Hikayat Malem Diwa, misalnya; dia telah mampu melestarikan dirinya, walaupun hanya dua halaman/empat lembar. Dengan kertas yang cukup tebal, umurnya mungkin berabad, sudah dimakan rayap( bahasa Aceh: pite) dengan lobang bundar dan memanjang di sana-sini, namun masih selamat.

Hikayat Banta Beuramsah, dengan kertas lebih tipis dan lembut – mungkin akibat terendam air tsunami, banyak halamannya yang melengket di sisi ujung/pinggiran. Perlu waktu tunggu hampir tujuh tahun agar dapat melepas lengketan/dempetan ini dengan selamat. Pernah saya berusaha melepasnya sebelum itu, namun tak berhasil karena dapat merobekkan kertas.

Begitu pula dengan Hikayat Putroe Jeumpa. Halaman Hikayat ini paling banyak yang berdempet dengan lumpur tsunami. Setelah hampir tujuh tahun ( Saat Tsunami Aceh, Minggu, 26 Desember 2004 s/d awal November 2011 – Liburan Hari Raya ‘Idul Adha, 6 November 2011 – barulah lengketan – meukeumat itu dapat ditarik dengan selamat. Namun ada satu/separuh  halaman lagi yang tetap tak dapat dibuka dempetannya, yang mungkin memerlukan waktu tujuh tahun lagi buat menunggu masa keringnya lumpur itu!.  Selamat Menyambut Tahun Baru Islam 1433 H, Semoga selalu mendapat ridha Allah Swt, Aminn!!!. Bale Tambeh, Senin, 2 Muharram 1433 H/ 28 November 2011 M  pukul 17:33 Wib., T.A. Sakti.

 

1.   HIKAYAT BANTA BEURAMSAH

Banta neutron di meuligoe,  neu peutoe boeh keukang guda

Yohnyan Banta bungka sidroe,  tujoh uroe cre astana

Teuma meureumpok saboh kulam,  ie jih itam miseue baja

Ngon teuluah hana macam,  di dalam na saboh Naga

Di bineh kulam kayee sibak,  dheun ji ramphak bak pi raya

Boh pi damoh muda masak, di ujong bak eumpung Geureuda

Aneuk Geureuda na dua boh, teungoh timoh bulee  suwa

Ma ji leupah jak meurawoh,  aneuk dua boh agam dara

Banta dong bak peureudee kayee,  han saboh thee yoh neuteuka

Naga beudoih peuceunggok ulee,  uyub kayee jijak lanja

Aneuk Geureuda dicong kayee,  ngieng u peureudee leumah Naga

Aneuk pigoh keumang bulee, pakri lagee lheueh bak bahya

Kacrieb kacr’ub hana lagee, bak peureudee kadeuh Naga

Banta Beuramsah dong meusilee,   hana jithee uleh Naga

Ji peuceunggokle ngon ulee,  jiek kayee jakcok Geureuda

Neu suet peudeueng neutak meupee, keunong ulee putoih dua

Putoih meukhan  hudep iku, ka’a ka’u dalam rimba

Kayee patah bube-be bak U,  neucok iku neu geulahwa

Neu geuti ngon ujong peudeueng,  srot lam  eumpung aneuk Geureuda

Ka ji beudoh mameung-mameung,  jingo meupeueng peue na bahya

Ban jikalon mangat hate, kana raseuki Allah karonya

Pane teuka saleh soe bri,  hak ka mate geutanyoe dua

Teuma ji jingeukle u bumoe,  leumah samlakoe ji eu Banta

Peudeueng mantong mad di jaroe, yohnyan ji meuhoi aneuk Geureuda

Pocut tangah neungieng keunoe,  neutueng kamoe keu hamba sahya

Kamoe mate hak uroe nyoe,  pocut sidroe peulheueh bahya

Ji eu peudeueng mantong basah,  meudarah lheueh neucang Naga

Ek keunoe Pocut meutuah, geutanyoe  sah si syeedara

Hareuem tuboh nyawong darah,  deumi Allah nyo syeedara

Banta pangsan sinan reubah,  sabab payah neucang Naga

Na sikeujab Banta pipoe, katroh jiwoe inong Geureuda

Ngon eumpeun jimat di jaroe,  ji puwoe keu aneuk dua

Keubah eumpeuen jipot-pot droe,  aneuk jinoe meusuara

He Ma pakon treb-treb neuwoe,  peue laloe peue tajak mita

Wahe aneuk po samlakoe,  jeueb-jeueb nanggroe meureuraba

Wahe Ma napeue kutanyong,  beukeunong neu jaweub hai Ma

Kulam nyan pakri meuganong,  kheun beukeunong kungo hai Ma

Lom hai Ma aneuk  teusudi,  dilon pakri na syeedara

Sit dua droe sikali-kali,  laen hanle kamoe syeedara

Ban ji deungo aneuk tanyong,  moe that ceumong inong Geureuda

Moe meu’eut-‘eut mata keumong,  bek tatanyong bijeh mata

Kureueng sa sireutoih seun kutoeh boh,  aneuk jroh-jroh dua-dua

Hantom tinggai pi meung saboh,  meung eumpung soh keteumeung nyangna

‘Ohka rab-rab peunoh bulee,  ‘ohku woe kee aneuk hana

Pane hai Ma teuka sitree,  peugah bak kee pane bahya

Hai Ma Teungku kadang tathee,  pakon dungee han takira

Saleh hai Ma dalam kulam,  untong di sinan teuka bahya

Jimita eumpeuen nyan ‘oh malam,  bek soe tuban jih sinan na

Dilon meunan sangka waham,  dalam kulam sinan Naga

Meunyo hai Ma nasoe ek tham,  geudoe kulam geupoh naga

Gobnyan pakri teuma macam, ta peukaram uleh gata

Meungnyo meunan ji peulaku,  aneuk Teungku lon ji peuhamba

Hareum tuboeh jih aneuk Teungku, hanle nafsu gadoh hawa

Hareum tuboh hareum nyawong,  hanle keunong bak kee bahya

Aneuk Geureuda lom teumanyong, pakri nyang keunong jinoe hai Ma

Aduen lon nyang mate dilee, that meuteuntee   ji ‘uetle naga

Ulon hai Ma sit nyang nathee,  jimeung kap kee baroe hai Ma

Lahna gaseh aduenku sidroe, tulong kamoe neucang Naga

Neu sayong ngon peudeueng di jaroe, sikhan keunoe neu geulahwa

Nyan leupeue Ma naga teudu, pakri laku jinoe hai Ma

Untong Dalem pi gohlom bu,  neu beuradu hana jaga

Hai Ma tutong Dalem lam uroe,  neu peureului hai Ma sigra

Geureuda jiteueng sayeuep siblah,  miseue ulah bade teuka

Ka teukeujot Banta Beuramsah,  peudeueng pantahle neuhila

Ji keumeung cang meugrak jaroe,  ka jimeuhoi inong Geureuda

Wahe aneuk po samlakoe,  bek poh kamoe  bijeh mata

Udep aneuk kee dua droe, po samlakoe ngon gaseh gata

Gata aneuk  kee  sijatoe,  hareuem bak kamoe tuboeh ngon nyawa

Hareuem bulee tuboeh nyawong, hanle keunong bahya donya

Ku peurului kuboeh nawong,  nabek keunong uroe bak gata

Ban Banta ngo meunan ji peugah,  Beuramsah seubutle Ma

Wahe Mapo Ma Teungku droe, jeuoh nanggroe kuthat hai Ma

Raya hajat nyang troih keunoe, bak uroe nyoe  gaseh bak gata

Peue bu hajat po samlakoe,  ka peugah jinoe wahe Banta

Ulon Poma nyang troih keunoe, seutot lupoe Du kuh raja

Peue bu lumpoe teuaneuk droe,  samlakoe peugah bak Poma

Neu lumpoe hai Ma sidroe putroe,  dengon meuligoe ngon astana

Han tatupat dairah nanggroe, neuyue kamoe jak meumita

Wahe aneuk peue bu nanggroe, ta hareutoe kungo nyata

Nanggroe ji meunan Gilatan Ibeuram, hana troih pham nujum nyang na

Bak hate lon sangka waham,  keunoe curam siblah donya

Sidroe putroe rupa indah, Ruhul Aflah geuboeh nama

Aneuk Sulotan Malek Syah Sarah, keurajeuen limpah siblah donya

Saboh cicem ayeuem putroe,  indah hansoe bandeng rupa

Malaon Riyan cicem raghoe, sit ji teupeue dum peukara

Sigo jikeupak sigo jikupru, ka meutabu pudoe rakna

Nyankeu hai Ma ayah lumpoe,  pakri jinoe toh bicara

Meungtan  gaseh Ma keu kamoe, ulon boih droe meudiwana

Deumi Allah hanle lon woe,  beukaram nanggroe beuruntoh donya

‘Oh lheueh Banta jingadu droe,  nyan ka jimoe inong Geureuda

Peue jeuet aneuk ku tupat nanggroe, peunyum kamoe puekh tadaya

Tujoh lapeh kuta nanggroe, laot apui, nyang that suka

Laen aneuk po u   manyang , Jeuet teureubang  di astana

Nyang bek seu uem beutroh u manyang, puekh teureubang han kuasa

Nyankeu aneuk hate bimbang, bak teureubang gadoh bicara

Meungkeu leupah teu u manyang,  teureubang lam awan miga

Lagi jeuoh  tan bandengan?, sampe sithon nyo tabungka

Dilon ek troih tujoh uroe, meung hanapeue nyan jilangga

Meungna eumpeuen ngon minoman,  ngon makanan hanpeue mita

Meungna aneuk tame sajan,  minoman ngon dageng rusa

Bitpi meunan aneuk boh hate,  meuseuki mate ulonteu bungka

Jinoe aneuk tapeuhase, beukai tame ‘oh tabungka

Tujoh boh rusa tame sajan,  ngon minoman tujoh keuriba

Nyankeu aneuk dilon makanan,  beurang kajan jeuet tabungka

Ban Banta ngo narit meunan,  teungoh yohnyan jak meurusa

Banta neu beuet saboh hekeumat, ka meusapat kawan rusa

Rusa neu drople ka neumat,  dum nyang hajat hana dawa

Lheue nyan rusa marneu yue eh,  neu seumeuleh dum nyang hawa

Neucok asoe neu peuhabeh,  leubeh that ‘areh Banta muda

Kalon hadu? asoe dum nyang got-got, kulet neu peugot keu keuriba

Sajan hase dum beukalan,  bungka yohnyan inong Geureuda

Mita eumpeuen jeueb-jeueb jalan, keubah beukalan jih jibungka

Makanan aneuk Geureuda keubah,  intat Beuramsah jih jibungka

Wahe aneuk ngolon peugah,  ulonteu leupah siuroe dua

Ku intat aduen nyan keu putroe,  rijang lon woe bijeh mata

Dua seun tujoh peuet blah uroe,  troih kamoe aneuk bak gata

Tajak hai Ma beuseulamat, tajak intat aduenku Banta

Beu Allah bri sampoe hajat,  deungon beureukat ayah-bunda

Beureukat ayahneu di nanggroe, beuek tapuwoe putroe muda

Beu Allah bri mangat asoe, nibak beurangpeue bahya donya

Beujarak jen jeuoh hantu,  beutroih ban napsu nyang tapinta

Tajak tawoe beumeulaku, beutroih pinta Du ban nyang hawa

Geureuda tronkeu u bumoe, samlakoe peudieng beulanja

Taduek aneuk bak bulee grue, ta sintue bak bulee suwa

Bekta takot beurang kapeue,  aneuk hana peue Allah peulahra

Banta neu ek u ateueh rueng nyan, neu timpeueng yohnyan ateueh Geureuda

Ji teureubangle ji baplueng, su meur’ang-r’ang pantah ban guda

Ta eu jipo miyub manyang, ji teureubang u andara

Lam awan ta eu meukeumang, ji jeumeurang laot raya

Na tamse ban burak teureubang,  ban layang deungong suara

Hana leumahle ta pandang, meulang-lang dalam andara

‘Oh jan miyub bagoe guroh, ‘oh jeuoh bagoe rapana

Siat gasa siat haloih, deungong leusoh dalam hawa

Siat bunyoe su leulayang, bagoe canang meunan pina

‘Oh tarek po sit meusr’ang-sr’ang,  ‘oh jipo seunang ban rapana

‘Oh troih watee neubri eumpeuen, ji makeuen inong Geureuda

Nakeu umu sikhan buleuen, silap eumpeuen ka srot? nyang na

‘Ohtroh jipo bak laot apui,  ka meunyum srui bulee ruma

Dalam awan ka meusui-sui,  seu-uem apui u andara

Ka jipo bak awan  hijo,  ji lalo bak awan miga

Geureuda leumoh jipo keundo,  sang teusawo labui mata

Taloe dageng neu peukeundo,  Banta undo keu Geureuda

Putoih urot ka teupuro, rapoh katho taloe rata

Geureuda leumoh kuwut atot, ka meunyum srot lam laot raya

Yohnyan Banta   kateumakot,  leumoh atot pucat muka

Banta gundah hana bagoe, ka neumoe lam awan miga

Ubak Tuhan neu peugah droe,  tulong kamoe Ya Rabbana

Geureuda deuek hanpeue lon brile, srot mate lam laot raya

Jinoe Tuhanku neubri raseuki, nabek mate kamoe bandua

Tron ileuham dalam hate, leumah pike saboh bicara

Meunghana eumpeuen meuhat mate, han ek pole inong Geureuda

Neu silak luweue Banta peuhah, neulapah neusie asoe pha

Ka neu suleueng dalam babah,  gadoh payah inong Geureuda

Leubeh kuat nibak dilee,  jipo meng jee dalam hawa

Di Geureuda hana jithee, ka ji tipee uleh Banta

Habeh laot leumah nanggroe, tron jinoe inong Geureuda

Allah bri troih kakeu sampoe, piyoh jinoe dimieng kuala

Nyankeu nanggroe Malek Syah Sarah, Ruhul Afeulah aneuk raja

Geulitan Ibeuram nanggroe meugah, Banta meutuah  ka samporeuna

Beudoh aneuk ta meulangkah, Banta Beuramsah bekle duka

Banta beudoh dong-dong reubah, sang-sang payah lagee rupa

Pha neuh luka han neupeugah,  bek amarah inong Geureuda

Lom neu beudoh lom pi reubah,  yohnyan bagah tanyong Geureuda

Pakon aneuk reubah limpah,  siulah-ulah saket dalam pha

Lon jeurabai  hai  Ma payah,  nyankeu reubah kuwut raya

Piyoh dilee po samlakoe,  beudoh dudoe ‘oh puleh pha

Lom neu langkah lom meuwoe-woe, tanyong jinoe inong  Geureuda

Pakon aneuk reubah limpah, beuta peugah ayoh he   Banta

Hai Ma nyang hanjeuet lon peugah, hanle siblah Ma asoe pha

Hoka aneuk cuba peugah,  peuebu salah pakon luka

Hai Ma ‘oh troh laot apui,  ka meusui-sui dalam hawa

Putoih taloe sie meurui-rui,  srot lam apui dageng rusa

Ma pi leuteh ka meunyum srui, han ek langui bak ri rupa

Ku ingat-ingat ku pike-pike,   peue keuh kubri he  Ma keu gata

Meunghan peue bri meuhat mate,  ulon siele ku lapah pha

Allah   aneuk pakri kee nyoe,  leupah sumpah kee he Banta

Gata hareum dageng darah,  ku muntah jinoe hai Banta

Geureuda muntah ka-ak ka uek,  asoe teuduk lam leumueng Banta

Tacok aneuk sion bulee, bak talak kee nyan ka upa

‘Ohka hanco miseue abee,  nyankeu dilee boehka cuba

Banta cokle bulee sion, bak ubon inong Geureuda

Ta upa hanco boeh bak ubon, ‘oh meuhimpon taboeh bak pha

Neuboeh pi lheueh luka jinoh,  ka gadoh hanale luka

Asoe nyang cre ka meusaboh,  bitpi jinoh parot mantong na

Inong Geureuda kalon parot,  jiyue bot bulee lom teuma

Bulee jamboi aneuk kabot,  gadoh parot han meuri luka

Neuboeh pilheueh parot hanle,  hana meuri euncit luka

Inong Geureuda mangat hate,  ka sampe meunyum bak sangka

Wahe aneuk ta deungo kamoe, idin jinoe ulon teugisa

Tabri idin aneuk ulon woe,  bek deuek adoe teuna dua

Meungnyo tan lon adoe mate, raseuki hanle han jeuet jimita

Nyang lon keubah untong hanle,  nyan deuek mate adoe digata

Wahe Ma po pakri kamoe,  dudoe kamoe soe peugisa

Meungtan gata soekeu puwoe,  pat kamoe takeubah hai Ma

Hantreb aneuk cre disinoe,  saweue adoe siklep mata

‘Oh tahajat tahoi kamoe,  di sinoe lon keubah tanda

Tacok bak keuneng sion bulee,  ngon tapeuthee ulonteu teuka

‘Ohka tatot citku teubee,  sit troih keukee kupo bak gata

Habeh wasiet Geureuda woe, tinggai sidroe sinan Banta

Jinoe sosah malam uroe,  hana bagoe hate duka

Geureuda jipo miyub manyang,  ji teureubang u andara

Dalam awan meukeukumang,  meulang-lang nanggroe andara

Ka jipo bak awan hijo,  jilalo bak awan miga

Banta tinggai tahe gante,  teukoko manoe ie mata

Geureuda katroih woe u nanggroe,  tujoh uroe troih u tangga

Banta Beuramsah tinggai sidroe,  dawok neumoe hate rugha

Bukon sayang aneuk meuntui,  roh ngon tan Ui that seungsara

Banta Beuramsah teukukui-kukui, ‘ohwoe Maui inong Geureuda

Bukon sayang bungong panjoe, kenong uroe layee rata

Bukon sayang muda samlakoe, tinggai sidroe jiwoe Geureuda

Bukon sayang aneuk beulalang, cicem subang  di mata-mata

Ban lhee Banta ka meulang-lang, ngon pasai wang peuturot hawa

Geureuda teutap ngon aneuk droe, kisah meuwoe ubak Banta

Banta beudoh neujak sidroe, troih bak nanggroe mideun raja

Peukan rame nanggroe aman, rakyat keunan himpon dumna

Nanggroe laen pi troih keunan,  peurdagangan maniaga

Nanggroe makmu dumpeue mudah,  meuneukat murah ade raja

Di sinan laloe Banta Beuramsah,  lheueh nyan leupah troih bak kuta

Neu eu kuta tujoh pangkat, maseng babat kawai jina

Maseng-maseng cukop ngon alat,  ban nyang babat kawai jina

Diwie di unun babah pinto,  nyan geuhato meuriyam lila

Meunankeu dum jeueb-jeueb pinto,  geulabo ngon minyeuk dama

Tameh pinto batee hitam, got that hilam  miseue baja

Keu on pinto batee rakham, geuhupam-upam bagoe suwasa

Banta pike ubak hate, jinoe pakri toh bicara

Toh siri rot nyang meusampe,  jalan sire nyang samporeurna

Meungrot pinto ulon teutamong,  treb that mantong troih bak raja

Bahle ku ek rot bak riwang, ‘ohban meteumeung meuhat jiba

Meuhat jidrob ji peutaloe,  ji puwoe jiba bak raja

Lheueh nyan Banta peukeumah droe,  rot sagoe neulisi kuta

Ban jikalon Banta sidroe, ngon tan sidroe ji peurab lanja

Jimeu hoi-hoi jikheun pancuri,  ji peukeuji nyan jihoi nama

Ji ikatle jaroe gaki, ji peutamongle ubak raja

Ubak raja ji peuseumbah, ka jipeugah fi-e Banta

Ponyoe tuanku jipancuri, ji titi-titi   rot  sagoe kuta

Nyankeu pi-e jinoe pakri,  seuot Kadli Guree Raja

Taploh jaroe nyan ngon gaki,  jak peureugi woe  digata

Rakyat jiwoe Banta tinggai,  hana sagai suai dakwa

Geu eu sihat deungon meuakai, bukon beubai jroh that sahda

Padum lawet teutap sinan, meusyuhu ban sagai donya

Meugah samlakoe hana lawan,  miseue jinyan buleuen purnama

Padum lawet teuma dudoe, meugah bak putroe u astana

Dendayang kalon bak siuroe,  ubak putroe ji peukhaba

Pocut Teungku asoe meuligoe, leupah kamoe baroe u luwa

Ulonteu kalon muda samlakoe,  hana bagoe indah rupa

Rupa iloek ban buleuen trang,  miseue bintang  malam jula

Soe nyang kalon akai hilang,  bukon bubarang hana saboh sa

Ban putroe ngo khaba Dendayang,  bekle wayang neu meuseunda

Hai Pocut kon lon meuwayang,  ban nyang seunang lon peukhaba

Bukit meunan he Dendayang,  tatueng bujang keunoe sigra

Dendayang tren rijang-rijang, troih bak bujang jipeugah sabda

…….  tinggai  ubak putroe, neu tamong jinoe …

Nyankeu  Teungku  nyang troih kamoe, beujinoe sajan ulon ba

Bujang jakle u meuligoe,  bak putroe tamongle lanja

‘Oh sajan troih ubak putroe,  neu marit jinoe sigra-sigra

Wahe bujang deungo kamoe,  khaba na sidroe jamei teuka

Rupa indah hana bagoe, ngon samlakoe han saboh sa

Sajan ayah hantom jarak,  beurang ho neujak sajan neuba

Hate rindu meunyum galak,  lonteu heundak kalon rupa

Tabloe saboh kameng gasi,  lon khanduri kaoy nada

Sitka dilee lon keumeung bri,  kaoy janji ngon ulama

Lon kheundak bri ngon seudeukah,  deungon ayah beusajan taba

Muda samlakoe bek neukeubah, beudoh pantah jak meumita

Bujang teubiet nyan nidalam,  troih u peukan jak meumita

Ban amanat putroe peusan, neu tamong yohnyan ubak raja

Jidong diyub peurakna seumbah, junjong khalifah ubak raja

Daulat tuanku po janjongan, seummbah laman pomeukuta

Tuanku putroe aneuk janjongan,  ubak laman neu rahsia

Neukheun tuanku neu khanduri,  kalheueh janji ngon aulia

Neuba sajan deungon duli, meunan janji yoh meuseunda

Ban raja ngo narit putroe,  hana bagoe hate suka

Insya Allah singoh lon woe, kheun bak putroe ulon gisa

Bujang beudoh ji lakee droe, com di jaroe tuanku raja

‘Oh sajan troih u meuligoe,  ubak putroele jihala

Tuanku singoh neu kheun neuwoe,  peuhase droe sianika

Sajan habeh dum seukalian,  ngon piasan asoe astana

Jileueng sukleut ngon  zilanri, permandani di bawahnya

Taeh mangat hana sakri, jihatole bantai syuruga

Hase ngon ie lam seurahi, ngon srah gaki pomeukuta

Poteu pitroih neu peureugi, sit hana cre deungon Banta

Banta Beuramsah hantom jarak, sitapak hancre ngon raja

Beurang pat duek beurang ho jak, hantom jarak sajan Banta

Poteu neu ek u meuligoe, deungon samlakoe laen pina

‘Oh sajan troih u Seuramoe, tron putroe jak seumah raja

Com bak teuot seumah di gaki, ampon neubri pomeukuta

Peue na hajat tuan putroe, sambinoe peugah beusigra

Hajat tuanku lon khanduri, kaoy janji ngon aulia

Hanpeue salah aneuk boh hate, ka meusampe bijeh mata

Ngon makanan pika hase, nyan geubotle hidang raya

‘Ohlheueh do’a deungon tahle, geubeuotle idang dum rata

Teuma bujang putroe pangge, troih jiekle u astana

Ubak bujang putroe kheun meunoe, tayue dom sinoe pomeukuta

Treb ka meusyhen teukeu kamoe, nyan malam nyoe bek tabri gisa

Bujang peugah bak janjongan,  nyan peuneusan putroe muda

Poteuraja teutap di sinan,  bak malam nyan deungon Banta

Habeh teungeut asoe meuligoe,  Banta ngon putroe nyang na jaga

Ji meurawe kon ngon sujoe,  ji peugoe kon ngon suara

Ji meututo deungon putroe,  suara meupakoe ngon ceurana

Putroe seot di meuligoe,  deungon jaroe giti ceurana

Di Seuramoe neuboih seupah, putroe meuludah  lam astana

Sinoe ragoe sideh gundah,  bandua blah hate duka

Banta neu beuet saboh ayat,  pangsan rakyat troih bak raja

Banta marit ngon suara mangat, mohon rahmat bak Rabbana

Ya Ilahi wa ya Rabbi, Polon neubri  ban kupinta

Got  ngon jeuheut ta peuturi,  Tuhanku neubri lon eu rupa

Putroe ngo narit   Beuramsah, hate gundah hanatara

Bahle  kutron ku meupayah, bak Potallah meuteumei phala

Roe cit sunat…….., meuteumei ngon jamei pusaka kaya

Meunan teubiet dalam hate,  jila……….?

 

 

2. HIKAYAT MALEM DIWA

Allahummashrif ‘annaa suu-u, Ya Tuhanku neu peulahra

Neu padoklon  bek jiteusoe?,     Beklut asoe bak jihila

Jicok ninan lom jitinteueng,     Srot teugageueng u blang raya

Jiseutot kenan   keumeu?  jiglueng,  neubot peudeung di Malem Diwa

Neudong pikong lom bak peusu, neu empu neucang Geureuda

Geureuda jipo ulee meusundi,  mirah bibi nadum keusumba

‘Ohban neutak keunong iku,  bulee meutabu na lheeploh  gunca

Jigrob lambong jipo hapoih,   iku putoih sikhan hana

Geureuda riwang lom meutabee?, naban asee  jigawo rusa

Neubot peudeueng neu lumpoih-lumpoih, di Blang Buloh neupoh Geureuda

Geureuda riwang lom meu’u’u,  jitajo bak Malem Diwa

Ban sare rab ji keumeung glueng, neubot peudeueng sigra-sigra

Neugrob  manyang ka meulambong, ban neusayong putoih dua

Ban neukalon putoih meulueng, ka neutimpeung  pantah ban guda

Neuplueng pantaih nadum kilat,  neulumpat seun-seun nam deupa

Geureuda keunong srot meulinggang, dalam awan meugeu gisa

Srot ngon sayeuep gadoh seumangat, lom neulumpat ublang raya

Di blang Buloh Geureuda neupoh, na dalam ie dalam paya?

Neu surotle bacut-bacut, su meuh’ut h’ut ban bade raya

Troh u tanohle meuseumpom,  ka meugom inong Geureuda

Teungku Malem plueng di bumoe,  sikhan uroe jak ngon guda

Dumnan jioh neuplueng tanggoe,  keunong asoe Malem Diwa

Teungku Malem ka meuseubee, meusawak bulee sayeuep Geureuda

Uram bulee naban leusong,  ulee punggong naban donya

Teubai sayeuep na siploh haih,  yohnyan neucah Malem Diwa

Ban neukalon uleh putroe,  ka u bumoe srot u donya

Teungku Malem hana neuwoe,  jigrop putroe di astana

Ka jitiek  gleueng deungon subang,  ija pinggang le jimita?

Jisok bajee ji meugeutang,  naw’ak pinggang lom jihila

Ji sawakle jisok kayet?, ji lilet tanggoe ‘oh dada

Jitak patam ceukam sanggoi,  oek  ka jingui?  ngon ceumara

Jicok peudeueng jiplueng u blang,  troih rijang bak Malem Diwa

Teungku Malem ka bak pangsan, bak neucah  lan bulee Geureuda

Putoih limpeuen  deungon pacat?,  bak neutakat?  koh-koh dua

Peungeuh rot gaki reubah dilikot,  angen bapot bak-bak muka

Teungku Malem hanjeuet neubleuet, roe ngon meut-meut sigunca-gunca

Putroe pitroh ka jitajo,  jihoi   Teungku pat meukuta

Teungku Malem seuot nyoe pat, lon payah that putroe muda

‘Oh neudeungo neukheun payah, neutak bagahle rot luwa

Rot………..       (  sambungan cerita terputus, karena halamannya hilang!)

…………………………………….

……………………………………………

Beuramani ureueng puteh,  beuhabeh dum keunoe jiba

Dikee kakheun hana kuwoe,   ta nanggroe?

Malee kuthat meutan putroe, ? kujak woe di Pulo Ruja

Ajit na utoh? Allah ashnam.  Beu ek karam Malem Diwa

Lheueh nibak nyan ji bungkale,  Bujang Tandi sigra-sigra

‘Ohtok jiwoe jitot beude,  ‘oh rab hampe nanggroe Jawa

Di kuwala jisaoh kapai, gob tanyong hai peue na khaba

Kah teumanyong hanjeuet peugah,  dak kajakkah?  ka Yee seuba

Teuma ji  teungohle  u darat, jijak leugat bak Raja Muda

Male Kaya pi di sinan, di hadapan Raja Muda

‘Ohtok jidongle ji daulat, ban amanat ji peukhaba

Ji jok geudong deungon peutoe,  ji jok nanggroe nyan taraja

Jiyue bantu beumeukarat,  kapai kajab srot u donya

Dumna patong habeh hanco, padum jalo kapai seuraya

Padum ureueng pika mate,  ‘ayeb keuji Raja Jawa

‘Oh ji deungo bujang peugah,  jak meukeumah Raja Muda

Male Kaya pika jiwoe, jeuep-jeuep nanggroe peu et haba

Habeh jitron dum meuree-ree,  meuploh ribee meuploh laksa

Meung phalawan han ek peugah,  kapai jikrah?  han ek kira

Habeh bandum sapeue pakat,  ji beurangkat Raja Muda

Male Kaya pi beurangkat,  jiba rakyat lhee ploh behtra

Lhee ploh malam deungon uroe,  troih sampoe u Pulo Ruja

Raja  Muda ka ji peutoe, meuteumei jinoe ngon Raja Jawa

Male Kaya pika sampoe,  meuteumei jinoe ureueng tuha

Jimeuwa-wa jimeucom-com, ta eu gram-grum ngon ie mata

Adoe Teungku aduen panghulee,  ta intat kee u Pulo Ruja

Nibak udep bahle mate, ‘ayeb keuji geuhoi nama

Ulon adoe sit hanale,  bahle mate di Pulo Ruja

Jinoe pi adoe gaseh sayang,  ta peungon kuprang Pulo Ruja

Adat na gaseh aduen Male,  neucok bangke di Pulo Ruja

Meubek neubri asee pajoh,  jaroe lon siploh ateueh jeumala

Kru seumangat adoe panghulee,  bahle mate kee beutinggai gata

Raja Muda pihan jitem,  dilon Dalem sebka donya

Meung han kuteumei adoe putroe, sebka adoe ku pandang donya

Han ku jeuet ngieng sipu malee,  ‘oh meuteumei bandum syeedara

Adoe aduen ta peungon kamoe, ta eu jaroe lon junjong gata

Hanpeue salah wahe aduen, syeedara ngon kumuen sajan gata

Padum na rakyat u …. darat,  hana rakyat Malem Diwa

Hana adoe sit dua droe,  na meung  putroe ngon Malem Diwa

Kuta meurandeh di ureueng binoe, kuta meurotnoe di Malem Diwa

Bit pi meunan wahe adoe, bandua droe utoih raya

Meutum meurandeh meutum tan lale, tum lom di sinoe……..?

 

 

 

3. HIKAYAT PUTROE JEUMPA

‘Oh jideungo tansu beude, ka teupike raja Cina

Teuma jimeuhoi dumna rakyat, ka teungoh leugat kaglet kuta

Rot meurandeh Eumpieng Beusoe, rot meuranoe raja Cina

Peugot kuta that bit kukoh, pacang jiboh dum meulila

Ngon jiturab jroh meusigak, binteh galak jiboh bata

Teuduek khaba Teungku badan, nyan  kurangan laen meugisa

Deungo lon kisah wahe adoe, neu teubiet putroe Bungong Jeumpa

‘Ohtrok geujak nibak panton, teuduek ban nam hana khaba

Nibak  neuduek sosah  hate, ka neu  ngiengle dalam kuta

‘Oh jikalon gaki reunyeun, beuraleuen deungon drang Jawa

Jihoi Waki deungon Bujang, meusidroe tan ureueng teuka

Ka teupikele ban nam droe, katroih lumpoe Bungong Jeumpa

Kalheueh talo jiprang nanggroe, tanle sidroe manusia

Hanle sidroe tinggai rakyat, geumupakat hana reuda

Bukon sayang ureueng nam droe, dawok jimoe ngon ie mata

Teuma jikheun ule adoe, keupeue tamoe wahe Cut Da

Meunyo tatakot  ke meunate, putroe bahle jok keu Cina

Nibak ulon wahe Dati, han ulon bri Bungong Jeumpa

Gata Cutda Cut jinoe pakri, cuba rawi lon ngo nyata

Pakri tatheun wahe adoe, tan bak kamoe beude Lila

Beude hanle Kuta kengkeung, pakri tatheun Bungong Jeumpa

Bek tagundah Da Teungku droe, na bak kamoe dum nyang hawa

Keupeue udep dum geutanyoe, jicok putroe dikeue mata

Jinoe beudoh hai Cuda beh, u baroh jak peugot kuta

Lhee jak siek? Teureubang di bumoe, nyankeu adoe baklon haba?

Meuka kamoe? di Teungku droe, lon hoi jinoe beude raya?

Ngon beureukat Tuwan Siti, Ya Ilahi kabui pinta

Dengon do’a sinyak putroe, beude jiwoe dalam kuta

Dibabah pih srot naban nam droe, laju jiwoe beude raya

Teuma mrit raja beude, tadeungo he Pocut Jeumpa

Peue hai Pocut pangge kamoe, hantom meunoe dilee nyangka

Lon hoi gata hai Nyak keunoe, ta theun putroe nibak Cina

Beusapeue gata ngon kamoe, sinyak putroe bek tabri ba

Teuma seuot …………………..( ada halaman hilang ) ……

( Halaman yang hilang sudah dijumpai, namun dari pertengahan ke bawah tak dapat dapat dibaca, karena berdempet dengan halaman lain,   Bale Tambeh, 16 – 11 – 2011 jam  12.25 Wib., terdengar azan dhuhur, T.A. Sakti ).

Teuma seuot raja bude, han meusampe Pocut raja

Beurang kadum ta meurugoe,  Pocut putroe leupah jiba

Adat tatheun han meusampe, gata  mate ulon pahna

Beuthat meunan hen ulon roe, tatheun putroe ‘adat donya

Adat jiba ka meusampe, ‘ohka mate lon ngon gata

Meumantong lon dalam nanggroe,  dicok putroe dikeue mata

Meunan jikheun Sinyak putroe, ta eule moe ngon ie mata

Lom ji seuot raja beude,  got tamate he syeedara

Cina paleh kaphe asee, goh mate kee han kubri ba

……………………………………..

…………………………………….

Uroe pika teuka supot, kapai surot laot raya

Sinyak putroe sang teumakot, u laot han jijeuet ngaza

Deungon sampan laju jiwoe, ji piyoh droe bak mieng kuwala

Hingga beungohle ngon uroe, pakat putroe jak prang kuta

Gata meurandeh ulon meuranoe , kaphe bisoe tapeu pahna

Bekta keubah pi meusidroe, ta peutaloe siceulaka

Ka jibeudoh sinyak putroe, jiprang jinoe kuta Cina

‘Ohban leumah ji eu putroe, yo ngon asoe poceulaka

Sabab ji eu rupa got that, yo meukab-kab miseue geumpa

Sinyak putroe that analan, peudeueng panyang na lhee deupa

‘Ohsare troih putroe keunan, kaphe jicang han teukira

Bekle  tadong got ta surot, u teungoh laot piyoh behtra

Di putroe hana ji piyoh, beude jicoh meugumpinta

Keunong Cina Ma teungku beh, takue putoih meukhan duwa

Ureueng Cina sare riyoh, tango pahpoh di kuwala

Sinyak putroe teungoh ji meucang, trohle keunan rab ngon raja

‘Ohban leumah ji eu putroe, Eumpieng Beusoele beurkata

Peurab keunoe wahe adoe, treb that sinoe lon preh gata

Hana jan lheueh jikheun meunoe, peudeueng putroe troih bak muka

Nyan leupeue buet sinyak putroe, meusu jinoe poceulaka

Sudah mate Eumpieng Beusoe, buet jaroe namiet Cut Jeumpa

Kakeu mate Lintobaro, soe ba e judo tan teuka

Putroe jicang ka a ka o, ladom baho putoih duwa

Ladom jitak nibak keu ieng, nyang reuloih mieng siceulaka

Leupak leupuk han jan jingieng, ladom bak mieng beukah duwa

Le that mate aneuk bisoe, ka jiboih droe laot raya

Nyang le tinggai sitmeu bangke, meugule dalam ie raya

Uroe pika seupot laju, woe cut bungsu sinyak Jeumpa

‘Ohsare troih u Meuligoe, teuduek ‘ohnoe saboh leu a

Jinoe lon kisah Putroe Meulu, judo teungku raja Cina

Sabab raja hana neuwoe, sosah putroe lale hana

Saleh hudep saleh mate, saleh pakri pomeukuta

Lon jak kalon kaman jinoe, u  nanggroe Pulo Meuraksa

Meuhan lon jak hanle geuwoe, aneuk nanggroe dum binasa?

Lom pi marah ureueng nanggroe, jikheun kamoe tan seutiya

Keupeue tarek? Meugah kamoe, nyak putroe han ku eu rupa

Meunan leumah sinyak ceudah, hate sosah Meulu Cina

Jinoe putroe jikrah rakyat, ji peusapat bube nyang na

Nyang tan leupah sajan lakoe, jinoe putroe dum peurintah

Nyang ek jime breueh peuet gantang, dum sibarang jiyue peugah

Habeh jikrah bandum duson, rakyat jitron dum barollah

Bube nyang jak sajan lakoe, meusidroe tanle meulintaih

Ka lon kheun bek jiprang nanggroe, raja pindoe kreueh that babah

Sabab napsu  keu putroe jroh, habeh jipoh ureueng meugah

Habeh raja Eumpieng Beusoe, jaktueng putroe han jipeugah

Pocut ampon lon hinaan, habeh datang kamoe sudah

Teuma marit sinyak putroe, jikheun meunoele peurintah

Poteu raja treb that geuwoe, jak prang nanggroe putroe Irah?

Saleh hudep saleh mate, jinoe pakri he zaujiyah

Teuma seuot dum sinaroe, narit putroe ureueng meugah

Pajan pocut bungka jinoe, bandum kamoe seutot langkah

Bah lon peugot kapai beusoe, tujoh uroe jadeh leupah

Nibak utoih dum sinaroe, narit putroe jiyue peugah

Neuyue peugot kapai beusoe, tujoh uroe beu ek leupah

Lheueh jikheun nyan laji jiwoe, bak Cut putroe ureueng meugah

Katroih tanggoh tujoh uroe, jinoe putroe jicok langkah

Saboh kapai tujoh tihang, bak duek bintang sinyak ceudah

Bungka laju bungong peukan, deungon rakan dum kafilah

Jipot angen Timu jatoe, kapai putroe nyang that pantah

Ie di ulee ban bungong meulu, ie di iku ban kipah Lem Cina

Ureueng dalam bandum seu-u, bungong meulu laju bungka

Tujoh uroe tujoh malam, katroih peujam u Meuraksa

Leumah ji eu uleh lakoe, ampeueng jinoe pantah sigra

Jitot beude jareueng – jareueng, dumna ureueng talak mata

Sideh sinoe jimeu ampeueng, sinyak meugleueng deungon raja

Phon beungohkon troih cot uroe, ampeueng putroe indah rupa

Meupiyasan dalam laot, uroe seupot sangka sinja

Dalam kapai ji meugrob-grob, ka jeuet sagob dalam Behtra

Dalam laot ji meugrum-grak, meuhayak nanggroe Meuraksa

Teuduek siat nyang piyasan, kurangan laen meugisa

Meulu Cina sajan lakoe, seupot uroe bak calitra

Baro meusu sinyak putroe, marit meunoe deungon raja

Ampon tuanku meuribee katoe, neubri putroe lon eu rupa

Tajak u gle takoh urot, pileh nyang got keu taloe tima

Neuboih nyang brok mita nyang got, ta peuseutot Bungong Jeumpa

Tajak u gle takoh seumantok, peugot bidok jan tabungka

Bek tasom ceuntra Meureubok, keulon tajok Bungong Jeumpa

Pat neu keubah sinyak putroe, neubri keunoe lon eu rupa

Katroih sithon hana neuwoe, sabe laloe ngon Bungong Jeumpa

Hoka rakyat Tuwanku droe, ureueng nanggroe hoka neuba

Bukon paleh inong asee, seumalee kee poceulaka

Surot kutrom ngon ku sipak, surot kutak inong ceulaka

Keupeue neu trom dengon sipak, dilon galak keu Bungong Jeumpa

Lonboih gampong deungon nanggroe,lon tueng putroe deungon gata

Dara paleh inong asee, ka carot kee dinap mata

Ka kaeu tan peue ka lakee, kon seudee ureueng nyan gila

Meunyo tuwanku hana putroe, jak udeh woe pomeukuta

Wahe putroe buleuen peunoh, deungo Nyak jroh lon beurkata

Lon tron digampong jroh meuragam, lon nyoe agam bukon dara

Meuhan meuteumei putroe bintang, han lon riwang nanggroe Cina

Peue meuteumei Cut meusubang, meung rakan pih hana taba

Mah beureuteh? Taprang nanggroe, sinyak putroe han meuteumei eu rupa

Bek antara ureueng lakoe, ureueng binoe han meuteumei ba

Habeh rakyat bandum simpan, buet putroe nyan sabab Cut Jeumpa

Neubri idin kaman jinoe, bah buet kamoe sabe dara

Hom hai judo hom, ban nyang meuphom nibak gata

Meuna gaseh he Pocut droe, jak cok adoe Bungong Jeumpa

Putroe Meulu ji meupakat, hoka  rakyat nyang na lon ba

Bah mate lon wahe sahbat, peutroih hajat poteu raja

Peuelom taduek wahe rakan, jak hai intan prang tangaza

Ji keuting gleueng deungon subang, jipoh linggang dalam behtra

Meulu Cina ka ji linggang, dum sinampang ji meusuwara

Putroe Nabeueb jikap gigoe, jiek tanggoe ateueh raja

Jitot beude hana teudoh, seun-seun siploh karam behtra

Tujoh uroe Nabeueb muprang, meutunang ngon Meulu Cina

Jitot beude hana reunggang, seun-seun lapan karam lanja

Aneuk beude ta eu syam-chum, keut’am keutum keunong behtra

Putroe Nabeueb ta eu sunggoh, teubiet reuoh lam-lam mata

Teuploh ngon oek teugeureubang, mata subang dum meutiya

Ateueh Cina deuh dipandang, nyum beuhilang poceulaka

Jicok langkah sang keudidi, ka jinari adoe ngon A

‘Oh jitimbak uleh Sinyak Ti, hana khali karam lanja

Meulu Cina sosah hate, le that mate ureueng Cina

Ji eu kapai le meupaloe, nyan buet jaroe Nabeueb Cut Jeumpa

Le that kapai nyangka tanle, saket hate Meulu Cina

Sinyak putroe that meupot-pot, ji ceumarot hana reuda

Agam paleh geukoh ulee, han pateh kee waba puta

Yoh di nanggroe kalheueh kutham, hantom agam kreueh that jungka

Bek meunapsu sinyak putroe, soh ngon nanggroe hai ceulaka

Habeh balee aneuk nanggroe, sabab gobnyoe peuturot hawa

Bak siseun nyoe that lom malee, meukon roh kee hai ceulaka

Han ek sep ngon putroe Meulu, hantom ku eu waba puta

Teungoh jinoe jakcok ptroe, nak tajak woe hai ceulaka

Raja Cina ka jiiem droe, peukhem putroe hana reuda

Adatkon lon teungoh keudroe, keupeue adoe lon yue gata

Meuna gaseh bungong keumbee, han  kuteumei Bungong Jeumpa

Meunyo tayue nyan buet kamoe, kupoh jinoe putroe muda

Nabeueb putroe jipoh mate, jiboh sabe deungon mintra

‘Ohban keunong eleumei sihe, ka mate Nabeueb Cut Jeumpa

Dalam punggong teubiet darah, dalam babah meubura-bura

Nabeueb mate beude patah,  keunong tulah Meulu Cina

Cok teureupong nibak jaroe, jilhoh jinoe kuta raja

Jilhoh keudeh jilhoh keunoe, ji eu putroe teungeut indra

Putroe teungeut lam Meuligoe, ji peugah proe nibak raja

‘Oh jideungo teungeut putroe, ji meungjak droe u kuwala

Ji meungjak cok putroe pansan, jikheun nyoeban Meulu Cina

Droeteu raja sang pancuri, ‘ayeb keuji jeuheuet nama

Meunyo meunan tuwan putroe,  iem droe kamoe bah buet gata

Meunyo neukheun banlon pike, kupoh mate putroe Jeumpa

Meunyo tapoh he nyak putroe, u nanggroe hanleku gisa

Wahe judo ureueng lakoe, bahlon peugoe Bungong Jeumpa

Jicok beude mat u jaroe, babah putroe hafai mintra

Ubat jiboeh, boh jipasoe, nibak jaroe Tunam nyang raya

Ji keuting gleueng hayak subang, mat seunapang beude Lila

Putroe jicok langkah tujoh, ka jipeuroh langkah tiga

Meulu Cina sangat utoeh, beude jicoh jiboeh mintra

Teuma jicok langkah satu, le that laku Meulu Cina

Meutum bude meuble kilat, keunong meuhat bak U dara

Meulupuk ateueh Meuligoe, di Cut putroe hana jaga

Wahe judo ureueng lakoe, pakri lon peugoe Bungong Jeumpa

Tujoh bak U ateueh meuligoe, Sinyak putroe hancit jaga

Hom hai judo hom, ban nyang hukom nibak gata

‘oh jidengo nyang khaba hom, habeh meuphom putroe muda

Ji keuting gleueng hayak subang, ji tatang ngon beude raya

Meutum bude meuble kilat, keunong meuhat Seulanga Jeumpa

Cok teureupong mat u jaroe, ji eu putroe hana jaga

Wahe judo ureueng lakoe, pakri lon peugoe Bungong Jeumpa

Kayee reubah ateueh Meuligoe, Sinyak putroe han cit jaga

Hanale jan lon seumugoe, Tunam di jaroe jicok sigra

Keunong beude nyan rot baroeh, hanle pawoh Pocut raja

Asee bahdin? Pihka mate, ji peubude uleh Cina

Masa nyan lethat pancuri manok, ka meuk’ok k’ok dalam ija

Pancuri Itek han ek peugah, nyanh hue gajah deungon guda

Ureueng inong han ji ingatle, ladom ugle ladom u rimba

Habeh bandum jimeuplueng-plueng,pancuri ureueng mita nyang dara

Gadoh aneuk ngon peurumoh, kameh kamoh dalam glab buta

Di rumoh deungon dilampoih, habeh jipajoh soe nyang teuka

Habeh bandum Ma Teungku beh, asoe lampoih  putroe muda

Habeh reubah ateueh Meuligoe, nyang putroe han jitem jaga

Ji peubude rab keuleumbu, keunong bohru cr’ang-cr’ing geunta

Boh meuriyam tango ‘a ‘u, lingka keulumbu putroe muda

‘Ohban putoih taloe keulumbu, teukeujot bungsu lalu jaga

Ban teukeujot nibak pansanteuduek siat putroe muda

‘Oh putroe ngieng sirot baroeh, hanle pawoh Pocut raja

Lom putroe ngieng si u tunong, hanle bungong Seulanga dara

Neu teubiet putroe rot timu, hanle bak U tujoh sibanja

Putroe neu ngieng dalam nanggroe, hanle sidroe manusiya

Asee hanle manok habeh, nyoe ka paleh troih Lem Cina

Guda habeh gajah hanle, habeh mate timbakle Cina

Lon nyoe sidroe ureueng kasoh, asoe rumoh tan sidroe na

Sinyak putroe ngieng u laot, tihang seupot dum bak nangla

Ban teuingat puteh leusoh, nyoe bit katroih lumpoe hamba

Putroe jimoe sare riyoh, Allah hai beh sayang raya

‘Oh ji ingat sinyak putroe, sayang jimoe Bungong Jeumpa

Teuma beudoh bungong uroe, seunapang u jaroele jihila

Ji taguen bu putroe seudang, pasoe hidang aneuk dara

‘Ohsare lheueh pasoe hidang, peugoe bintang Malem Muda

Lop keulumbu tujoh lapeh, bak sinyak eh teungeut indra

Jaroe putroe leumoh sang mbon, miseue lulon leumoh raya

Ka neu ceupet teuntang teuot, putroe urot teuntang dada

Dua seun saho peuek peutron, ka teukeujot Malem Muda

‘Oh teukeujot mata neupet, hate saket sabab jaga

Soebu saleh peugoe kamoe, bak siseun nyoe ku peumureuka

Ureueng inong ulon balu, agam u timu ku publeuet mata

Ulon peugoe Hulee balang, bu lam hidang pomeukuta

Bukon sayang bungong panjoe, keunong uroe habeh mala

Aneuk raja eh hansoe jeuet peugoe,meukon Madroe Bungong Jeumpa

Pokon E Ma lon tapeugoe, hantom puroe dilee nyangka

Siri laot nyang tan wase, toh siri gle tan musara

Siri gampong nyang meusugang, toh siri prang tan kungaza

Meunan jikheunle samlakoe, seuot putroe Bungong Jeumpa

Hana kuwala nyang tan wase, hana gle nyang tan musara

Hana gampong nyang meusugang, pane prang gata goh jaga

Nyang jeuet lon peugoe Uleebalang, bu lam hidang jipreh gata

Beudoh aneuk keunoe reujang, Huleebalang pobentara

Neu beuot bu putroe seudang, u hadapan Malem Muda

Neu pajoh bu posamlakoe, deungon Madroe sapat duwa

Dadang dadang lheueh pajoh bu,ranub gapu pika leungka

Meulupuk ie srot u bumoe, beudoh putroe Bungong Jeumpa

Sare lheueh bu pinah hidang, neu tatang puwan meuceuntra

Pajoh ranub gohlom bicah, putroe peugah bak aneuknda

Tadeungo lon aneuk lidah, Nyak meutuwah Malem Muda

Nyoe nyang katroih banlon lumpoe, datang sampoe Raja Cina

Cina Makau jiek leugat, ji karat Cina Malaka

Jiek Cina ujong pasi, ban Keudidi pantah raya

Teuma jiek Cina Cencu, ka ateueh laju mieng kuwala

Cina Makau ka ji karat, bandum jimat Lila teumaga

Jiek laju hana sakri, meuriti di mieng kuwala

Cina paleh jiek leugat, rab troih jimat pageue Kuta

Yohnyan putroe teungeut pansan, gohlom intan lon keuluwa

Tangieng aneuk dalam nanggroe,, hanle sidroe manusyia

Imum Geusyik Huleebalang, Bentara blang ka jiguda

Waki tandi peurdahna meuntroe, nabeueb nam droe lheuh meuteuka?

Ta ngieng aneuk jeh u timu, hanle bak U tujoh sibanja

Ta ngieng aneuk jeh rot barat, alamat tanle Meuraksa

Ta ngieng aneuk jeh rot tunong, hanle bungong Seulanga dara

Ta ngieng aneuk taloe keulumbu, hanle bohru pobentara

Nyoe pi hanle jeh pi hanle, that meusampe bijeh mata

Ta ngieng aneuk jeh u laot, tihang seupot dumpat nangla

Banta beudoih ngieng u laot, nyum teumakot Malem Muda

Bit pi meunan Ma Teungku droe, idin kamoe lon ku bungka

Dilon hai Ma sang teumakot, bahlon surot u Lam Teuba

Kareuna lon mantong seudang, baklon meucang hana biasa

Meunyo aneuk that teumakot, got tasurot bijeh mata

Wahe aneuk jakleh tawoe, Mateu putroe bah Cina ba

Beudoih laju po samlakoe, jehrot sagoe jak tagisa

Barang kadum sitka teupreh, hana beungeh dilon bunda

Gata jiba hanlon jeuet tham, geudubang lon takot raya

Adat takheun aneuk tawoe, jehrot sagoe Male Muda

Nyoe leupeue rot posamlakoe, beudoih jak woe u Lam Teuba

Lawet lon tueng gata keunoe, lethat rugoe troih meubahra

Lon kira gata manok pupoeh, lon peutaroh di kuwala

Han lon sangka? Manok reuboih, musang pajoh ceurape ba

………………. ada tiga baris hilang…………….

……………….karena kertasnya koyak………

Hana lon thee jalak Pase, biek pajoh ‘e uroe sinja

Lon sangka aneuk manok batee, ji bantu kee di kuwala

Hana lon thee  jala……………………

Lon sangka aneuk …………………….

Manok gasi………………………..

Lon sangka aneuk ………………

( satu halaman ini tak dapat dibaca lagi, karena tulisannya sudah terhapus ketika kertas lain  — yang melengket akibat lumpur tsunami, 26  Desember 2004—dicabut!!!. Bale Tambeh, Rabu, 13 Haji 1432/9 November 2011, T.A. Sakti)

…………………. (sambung sembarangan )…………………

Bekle kapoh kaphe bajeueng, cuba kakheun tangke bunga

Neu hambo oek Pocut ampon, neu sampoh lon bibi mata

Beugot takarat ngon ujong gitek, kucang sang ek han kutaba

Neu beudohle ka neu lumpat, teubiet leugat pantah sigra

Wie ngon unun neucang leugat, prang jikarat Malem Muda

Phon beungohkon prang neukarat, han ek lugot ureueng Cina

Maken jiek keunan leugat, jikarat jipet ngon mata

Ji peubude nadum tupheun, ban ujeuen laot keunong sa

Sang-sang meugriet Pocut buleuen, Cina bajeueng jiek lanja

Sang di mata le that ureueng, sajan buleuen Malem Diwa

Le that mate aneuk bajeueng, teugageueng reubah teurhanta

Poma tulong neujak banteung, sabab neu eu meugriet raya

Neu suroh uleh Tuanku, neuyue bantu Malem Muda

Nyankeu ureueng troih meuribee, jieu lagee prang ?that raya

Jitak pak-puk  ateueh ulee, le that padee rakyat raja

‘Oh jikalon han got lagee, jiplueng jiwoe u laot raya

Han meuteumei sinyak putroe, ku grob jinoe u laot raya

Bah jipajoh uleh paroe, u nanggroe hanle ku gisa

Ji pura grob aneuk bisoe, tajo putroe jimat raja

He tuwanku bek neupoh droe, lon bri putroe Bungong Jeumpa

Teungoh keunoe Uleebalang, bahlon jak prang Malem Muda

Nak tajak cok teuma bintang, puwoe rijang nanggroe Cina

Pakon meugriet neujak poh droe, lon nyoe sidroe gohlom kungaza

Ka ji piyoh aneuk bisoe, jilop putroe luem kutika

Ji ‘amai eleumei sihe, jinoe kaphe keunan teuka

Sahbat peuet  ploh keunan hadle, ji tanyongle peue peukara

Putroe peugah awai akhe, jijak cokle gunong nyang raya

Jitak jitob ateueh samlakoe, jitheun sinoele Bungong Jeumpa

Ngon hekeumat putroe sagang, trohle datang beude raya

Jisrom gunong dalam laot, angen bapot srot meuleu-a

Ureueng Cina sang teumakot, nyum-nyum teulot saoh behtra

Meulu Cina kalon lagu, peugat laju laot raya

Ka ji  peugot laot apui, teudong  dikeue Malem Muda

Di teungoh Banta ka meungsui-sui, laot apui laen lingka

Bungong Jeumpa kalheueh ji thee, jilakee bak Tuhan Asa

Teuka reudok sang boh jambee,  ujeuen jilakee bak Rabbana

Dalam ujeuen kajeuet gajah, raya leupah hana ngon sa

Bube gunong ta eu leumah, minom sudah ie laot raya

Apui hanle ie pi katho, rab meutajo? Meulu Cina

Meulu Cina le hekeumat, peugot leugat peue nyang hawa

Ji tiek taloe nyan u darat, jeuetle siat keu aneuk naga

Badan itam ngon raya that, jipo leugat bak Malem Muda

‘Ohtroh keunan rab samlakoe, jihah jinoe babah raya

Ta eu siblah kong bak bumoe, siblah adoe u andara

Ka ji teupeuele Cut putroe, bak  Meuligoe Bungong Jeumpa

Sinyak putroe peugot lalat, yue lob leugat lam teulinga

Lam geuliyueng jilob lalat, hate jikap mate pahna

Saban timang ji eu sabe, panyang syawe Bungong Jeumpa

Aneuk naga sudah mate,  saket hate Meulu Cina

Meulu Cina ‘ohlheueh pike, ji masokle dalam tapa

Amma bakdu saboh kisah, nyoe lon peugah Malem Muda

Jipoh Cina subhanallah, han ek peugah had ngon hingga

Guda jipo miyub manyang, ban seulayang meunan rupa

Hana meujan deuh ji pandang, habeh simpan peudeueng seuba

Dum phalawan ugoh-ugoh, habeh jipoh Malem Muda

Le that Cina mate tijoh, guda poh deungon seunjata

Phon ji karat awai suboh, hingga troh ‘oh watee sinja

Ureueng Cina mate rusak, ban tanoh cak bruek keupala

Deungon gaki hanjeuet tajak, tangkurak sang bruek lam raga

Guda jipo han jeuet jijak, meusipak deungon keupala

Ureueng Cina sangka seungkak, le that jijak ka jiguda

Peunoh laot dum meusak-sak, ladom jijak bloh kuwala

Le that mate eungkot pajoh, hana jan troih nibak behtra

Ureueng Cina ta eu kiroh, di baroh bak mieng kuwala

…………….. ( disambung semberangan )…………

………………………………………………………………………..

Meunyo Ma lon pat kubri eu, raja Diyu jekleh gisa

Jehpat asee kacok saboh,  nyan putroe jok  keuraja

Boeh jibubo boeh jiseuon, boeh jicom-com boeh jiwa-wa

‘Oh jideungo tuto seungkoe,  jikheun meunoe Raja Diwa

Hoka rakyat dum sinaroe, kaboh taloe Malem Muda

Dalam behtra jak ka puwoe, nak tapubloe u nanggroe Jawa

Hantom ku eu dum Sinyak nyoe, aneuk bisoe kreueh that jungka

Ka jihudom bak peuet sagoe, mat dijaroe taloe temaga

Banta kalon ka meupudoe, neugrob jinoe pantah sigra

Sira neutak neu grob lambong, neu rancong sisen-seun duwa

………………..( separuh halaman ke bawah hampir tujuh tahun masih melengket dengan halaman  lain ) ………………

Raja Diyu nyang katroih woe, dua jaroe u jeumala

Sare teulheueh beuot jaroe, teuma jinoe peugah khaba

Teungku ampon si’alam daulat, le that rakyat ka binasa

Tujoh uroe prang jikarat, got that kuwat Malem Muda

Lom pi sajan le that rakyat, baklon  khimat na peuet laksa

Taneuk poh jih han ek  dapat, naban kilat jiplueng gud

Dilon baro meuku sigak, ka lheueh jitak bak keupla

Lon tuwanku hanle kujak, ba that neutak boeh neusula

Meunan jikheun raja Diyu, seuot teungku raja Cina

Kahoi keunoe putroe Meulu, peue beulaku ji bicara

Ji beudohle pantah laju, jak eu Guru lam gumtiya

‘Ohtroih keunan ubak teungku, tanyong laju meunoe khaba

Wahe u Nyak putroe Meulu, han tabri eu Bungong Jeumpa

Di gata Nyak pakri laku, raja Diyu tan kuasa

Meuhan tabri Sinyak putroe, nyan pat nanggroe lon kubungka

Jitarekle? Seuot keudroe, beudoh putroe jimat raja

Teungku piyoh meulhee uroe, bah buet kamoe piyoh gata

Teulheueh kheun nyan sinyak putroe, jak lop jinoe lam gumtiya

Hafai mintra hana bagoe, tapeupaloe Malem Muda

Habeh jilob jeueb jeueb kitab, ji peusapat jeueb jeueb banja

Putroe ‘areh ngon bijak that, lagi kuat bak meujaga

Teuduek siat khaba putroe, lon kisah nyoe Malem Muda

Neu eu kaphe hanle sidroe, ka jiboih droe u laot raya

‘Ohka hanle kaphe pindoe, laju neuwoe  nibak bunda

‘Ohsare troih leuen Meuligoe, neuhoi putroe Bungong Jeumpa

Putik pisang klat jantong pisang rhoh, na dirumoh gata bunda

Geunap lhee seun Banta uroh, ile tijoh ngon ie mata

Bak pihak lon aneuk dagang,  hansoe peusayang ‘oh hana Ma

Adat mate baklon meucang, teutap di blang dalam paya

Allah Allah he Ma bintang, tatueng sajan lon ngon gata

Gotkeu mate lon beusajan, e Ma badan beklam donya

Nyoe sa payah lon woe bak prang, soe peusayang ‘oh hana Ma

Meulon hina aneuk dagang, bah meulang-lang lam astana

‘Ohneu deungo aneuk meupot-pot, ie mata srot Bungong Jeumpa

Nyang jeuet hana putroe seuot, teungoh kaluet puleh mintra

Malem Muda meuhoi leugat, karoh silap lhee boh banja

Aneuk putik akai kureueng, sicut meugleueng gohlom raya

Han jeuetle nyan putroe bileueng, neu eu buleuen tro ie mata

Allah Allah wahe Tuhan,  ulon paban katroih masa

Maken jihoi hana reunggang, Cut meusubang hate rugha

Wahe Poma bungong keumang, hana sayang keu aneuknda

Putroe deungo jihoi sabe, susah ate Bungong Jeumpa

Kakeu silap lhee boh ayat, ji takatle Meulu Cina

Jicok bude mat u jaroe, Sinyak putroe ‘ajab raya

Putroe Meulu ngon neu ajak?, ban ji timbak ka meuriba

Ubat jiboeh boh jilantak, ka jilikak dalam behtra

Sideh meutum keunoe meupak, keunong sinyak Malem Muda

Ban meulup’ok di teungoh rueng, teugageueng reubah teurhanta

Ban putroe ngieng ka meugule, Cut boh hate hanle gata

Putroe neugrob di Meuligoe, cok samlakoe peuek sigra

Sare neugrob ban siploh? droe, cut putroe ka pungo gila

Putroe gusuek nibak ulee, moe meuree-ree ngon ie mata

Ka ji ngieng kuncop ngon hidong, ka meutamah ngon tan suara

Tuwan putroe cok ka neupangkee, neu mueng ulee Malem Muda

Yohnyan putroe ka neu ba-e, su meusye-sye hanatara

Suwara mangat hana sakri, tiwas bangsi ngon beeula

Putroe ba-e keunong langgam, meunoe macam phon jibuka

Bukon sayang ku eu labu, bak pi luhu boh pi raya

Beumate lon Ya Tuhanku, bekle lon eu bijeh mata

Bukon sayang lon eu pade, habeh mate lam ie raya

Jinoe aneuk ka meusampe, gata mate lon pi jiba

Wahe aneuk Cut boh hate, han meusampe lon peulara

Bukon sayang mirah pati, jinari bak bubong para

Gata mate ngon teukeudi, saleh pakri bungong Jeumpa

Bukon sayang bungong riwat, ujeuen  leubat abeh mala

Wahe aneuk puteh lumat, han troih hajat pomeukuta

Bukon sayang lon eu uroe, reudok tampoe hanle cahya

Wahe aneuk posamlakoe, keu Ma putroe pakri daya

Bukon sayang Cicem Pala, puteh dada bulee soebroe

Habeh rasa lon peurasa, tuboh duwa tinggai sidroe

Bukon sayang bungong Meulu, srot meutabu dalam uroe

‘Oh lon ingat keu guna Du, peuseutot napsu jeueb-jeueb nanggroe

Bukan sayang bungong tufah, habeh mirah keunong uroe

‘Oh lon ingat Banta Kahrullah, lon geukeubah hanle geuwoe

Bukon sayang putik bugeng, Cut leunteng rupa sambinoe

‘Oh lon ingat hate gigeng, meungna leumbeng bahku top droe

Wahe aneuk Malem Muda, ho katroh Ma posamlakoe

Adat mate mata intan, lon ba sajan he aneuk droe

Bahle dumnan haba ba-e, laen pile han ek kira

Neupeu ehle posamlakoe, le Cutma droe Bungong Jeumpa

Ie mawo di dalam peutoe, tuwan putroe indah rupa

Dawok panton keu samlakoe, sira jimoe Bungong Jeumpa

Teutap putroe dalam  sosah, nyoe lon peugah Meulu Cina

Yohnyan meutumle ngon beude, teureupongle ka jihila

Cok teureupong mat u jaroe, jilhoh jinoe Bungong Jeumpa

Jilhoh keudeh jilhoh keunoe, leumah putroe dikeue Banta

Meulu Cina jikheun meunoe, deungon lakoe ji meukhaba

Wahe judo ureueng lakoe, jak cok putroe Bungong Jeumpa

Bak uroe nyoe ka meusampe, sudah mate Malem Muda

Jakleh neutron neucok putroe, nak tajak woe pomeukuta

Raja Cina jitron reujang, jakcok bintang di kuwala

Jilhom Samboek lapeh beusoe, raja pindoe hate suka

Jijak laju dum sinaroe, katroih sampoe dalam kuta

‘Oh troih keunan u Meuligoe, jihoi putroe Bungong Jeumpa

Wahe judo bungong uroe, tajak keunoe putroe muda

Tatron keunoe he tuwan putroe, nak lon puwoe nanggroe Cina

Bek tatakot Dara baro, katroih judo jaktueng gata

Sinyak putroe ka jisurot, ji ngieng janggot troih bak dada

Raja cina seutot laju, troih u Leupu putroe muda

Putroe kalon han got laku, jitak laju raja Cina

Cut putroe tak nibak janggot, meupaloet sitangke bunga?

Raja Cina jikheun laju, judo teungku bek meuseunda

Tajak keunoe bungong Meulu, dilon rindu that keu gata

Teuma seuot bungong keumbee, bek rab ngon kee buya seuba

Kaphe bajeueng geukoh ulee, peue buet bak kee gajah sula

Pakon Pocut ta ceumarot, di laot nyoeho lon  teuka

Surot keudeh rimueng pangkee, kaphe asee biek Ulanda(?)

Gantoe puwan keulon tabot, nyoe ta carot lon tasapa

Bek rab kee keunoe ku takot, nyan sa janggot troih bak dada

Pocut putroe kukrut janggot, troih u laot bandum lon sula?

Teuma pike puteh lumat, ‘ohka jimat peue na laba

Raja peurab ji keumeung mat, putroe lumpat sipoh deupa

Piyoh dilee Tuwanku droe, deungo lon nyoe pomeukuta

Meunyo na napsu tuwanku ampon, neubri keulon peutoe kaca

‘Oh jideungo khaba putroe, yue plueng jinoe u kuwala

Ureueng nyang jak bagah teuwoe, katroih peutoe keunan jiba

Teuma jikheun nibak putroe, jak lob keunoe Bungong Jeumpa

Bungong Jeumpa jikheun meunoe, yue me keunoe pomeukuta

Aneuk gunci bri bak kamoe, yoh sabohroe meunan naza

Jijok peutoe deungon gunci, Cut putroe Ti neulob lanja

Leupah neulob Cut putroe Ti, ka neu gunci putoe kaca

Raja Cina jikheun meunoe, pakon putroe meunan gata

Sangkon judo ulon teunyoe, gata lam peutoe  ulon  di luwa

Meunan adat cit nanggroe nyoe, sinoe kamoe sinan gata

Peue buet keunoe tuwanku droe, jehpat binoe Meulu Cina

Teuma jicok laju peutoe, ka jipuwoe dalam behtra

‘Ohsare troih raja nanggroe, jkheun meunoe bak Nanghuda

Tarek saoh linggang taloe, lon ku jakwoe nanggroe Cina

Putroe deungo ji meung riwang, meusu rijang Bungong Jeumpa

Pakon meugriet neuyue pulang, he jangjongan pomeukuta

Lon meutanggoh meulhee uroe, lon ngieng nanggroe meushyen raya

Ka jiseuot aneuk bisoe, jikheun meunoe pantah sigra

Bek antara meulhee uroe, sithon adoe ulon ridha

Bungong Jeumpa tahe keudroe, ingat samlakoe Malem Muda

Lom keu bayeuen hajat putroe, beutroh keunoe ulon raja

Putroe mohon neuleueng jaroe, katroih sampoe bayeuen rimba

‘Ohtroih bayeuen u Meuligoe, hana putroe ji eu rupa

Bayeuen pike lam hate droe,  hoka putroe Bungong Jeumpa

Saleh pakri tuwan putroe, nyang jeuet meunoe haru-hara

Saleh udep saleh mate, saleh hanle putroe muda

Jipo laju nyan u manyang, ji pandang ban siseun lingka

Leumah jingieng dalam laot, tihang seupot dum bak nangla

Jipo bayeuen miyub manyang, peuseunang u laot raya

Bayeuen jidong di pucok tihang, ji pandangle raja Cina

Ka jimatle senapang u jaroe, meusu putroe Bungong Jeumpa

Bek teungku poh bayeuen kamoe, ayeuem jaroe lon meukuta

Ban jideungo ayeuem putroe, jitiek jinoe bude sigra

Jitiek beude dalam laot, sang teukeujot poteuraja

Lom ji meusu sinyak putroe, jikheun meunoe bak meukuta

He tuwanku neuweh siat, nak jipeurab ayeuem hamba

Ji beudoihle aneuk bisoe, bayeuen peutoe keunan sigra

‘Ohtroih bayeuen ateueh peutoe, marit putroe Bungong Jeumpa

Wahe ulon deungo kamoe, kajak jinoe u andara

Meunoe ka kheun hai ulon droe, ‘ohtroih sampoe keudeh bak Da

Sicut Malem di Meuligoe, bak sagoe lam balot tika

Lom ka peugah keulon sidroe, hanle sinoe ka u Cina

Meunan jikheun Sinyak putroe, bayeuen jinoe leugat bungka

Leupah bayeuen ji teureubang, meuriwang keu Meulu Cina

Meulu Cina marit reujang, e buleuen trang lon peukhaba

Bekle taduek teungku sinoe, waki putroe ka ji gisa

Jicok saoh weng keumudoe, laju jiwoe raja Cina

‘Ohsare troih jih u nanggroe, jitot jinoe beude Lila

Jitot  bude nyum lham nanggroe, jitron meuntroe ngon peutuwa

Habeh jitron dum sinaroe, jak eu putroe Bungong Jeumpa

Aneuk nanggroe jak meuron-ron, teubee meuon ngon U muda

Inong agam subhanallah, jijak seumbah Bungong Jeumpa

Bandum jime bungong jaroe, ban adat droe ureueng Cina

Teuduek khaba putroe intan?, lon karangan bayeuen bungka

Bayeuen jinoe ji teureubang, ji peuseunang u andara

Beungoh sinoe jicre teumpat, seupot meuhat troih bak andara

Ji eu putroe dalam teupeuen, peurab bayeuenle bandua

Ji meututo deungon buleuen, sinyak bayeuenle beurkata

Ampon Pocut deungo kamoe, hanle adoe Bungong Jeumpa

Bekle taduek bungong keumang, hanle bintang ka u  Cina

Sicut Malem di Meuligoe, bak sagoe lam ruja tika

Ie mawo di ateueh pinto, jak talabo uleh gata

Meungna umu Cut Malem sidroe, beurangri nanggroe dijak mita

Tatot naleueng tutong rangkeuleh, khaba habeh lon ngon gata

Putroe deungo suwara bayeuen, neutiek teupeuenle u para

Neucok alat gleueng ngon subang, ngui u badan Bungsu Muda

Putroe sok bajee neu teureubang, neu peuseunang u Meuraksa

Bungsu jitron bacut-bacut, ji sujut dalam astana

Ka teuduek  dibabah pinto, sinan tahe sikleb mata

Ban neukalon leuen Meuligoe, yohnyan neumoe Bungsu Muda

Bak rumoh umpung ramideuen, neu eu dileuen kajeuet rimba

Neu ek lanja putroe Bungsu, jak taguen bu keu Cut Banta

Teulheueh putroe neu taguen bu, pasoe laju hidang raya

Neucok ie mawole u jaroe, peurab putroe nibak Banta

Putroe boeh ie bak samlakoe, phon bak jaroe troih bak dada

Lhee seun saho peuba jaroe, beureusen jinoe Malem Muda

‘Oh  teukeujot hate seungkoe, beungeh tuloe sabab jaga

Soebu saleh peugoe kamoe, bak siseun nyoe peumeureuka

Meungsoe laen han jipeugoe, meukon Madroe Bungsu Muda

Pakon Pocut peugoe kamoe, hantom puroe dilee nyangka

Jeuet lon peugoe Uleebalang, bu lam idang jipreh gata

Putroe jok ie ngon srah jaroe, posamlakoe Malem Muda

Pajoh aneuk bu ngon gule, nyang na lon me di andara

Dadang sinyak ji pajoh bu, ranub sigapu pi ka leungka

‘Oh teulheueh bu pajoh ranub, Po Bungsu Cut peugah haba

Gata aneuk lam Meuligoe, Mateu putroe ka u Cina

Gata   pi Nyak rab ka mate, keunong beude Meulu Cina

Lahna bayeuen dijak peugah, lon tron pantah boeh peunawa

Meuna udep gohlom mate, tajak sabe mita Poma

Dilon aneuk bahku jak woe, tinggai sidroe bungong seulanga

Bukit neuwoe Ma teungku droe, keu ulon nyoe beule do’a

Insya Allah …………………………………

…………………..(  ada halaman yang hilang ) ……………………..

……………………………………………………………………………

Sicut Malem jimoe sabe, ie mata ile hana reuda

Gotkeu ulon jinoe mate, Ma kuhanle ka u Cina

Bate marit tema meunoe, ngon samlakoe Malem Muda

Wahe aneuk bungong uroe, bekle tamoe bijeh mata

Taek keunoe he aneuk droe,  mangat jinoe tajak bungka

Taduek hai Nyak ateueh kamoe, he samlakoe Malem Muda

Geumbak? Keulayeue badan keutihang, jaktueng pulang Bungong Jeumpa

Taek laju Banta seudang, peubuet rijang suroh bak Da

Jicok bate sangat tajam, ………………..

Tujoh uroe tujoh malam, peulayaran Malem Muda

Bate jijak hana lawan, leumah daratan nanggroe raja

Teuma jikheunle samlakoe, nyankeu nanggroe Raja Cina

Tajak ?teungoh he aneuk droe, jak eu  putroe Bungong Jempa

Bahle tinggai lon disinoe, posamlakoe teungoh gata

Banta teungohle u darat, teuduek siat Bate Suwasa

Kuk’uk manoh saboh-saboh, uroe beungoh gohlom nyata

Meulu Cina mat teureupong, jilhoh ujong mieng kuwala

………………………..( Alhamdulillah, kesatu halaman ini masih selamat; dapat dibaca, walaupun hampir tujuh tahun  26 – 12 -2004 s/d 15 – 11 – 2011/kemaren tertempel/melengket kertas koran akibat lumpur tsunami, T.A. Sakti).

Jilhoh keudeh jilhoh keunoe, leumah samlakoe Malem Muda

‘Ohban leumah posamlakoe, Dipo putroe ji meuseurapa

Lakoe paleh kukoh ulee, han pateh kee waba puta

Sicut Malem nyoe ho katroih, saleh jibloeh laot raya

Kalheueh lagoe lon peubude, hana mate Malem Muda

Raja Cina ka ji iem droe, sabe  putroe meuseurapa

Meulu Cina beuet hekeumat, jicok leugat beude raya

Deungon Tunam mat  bak  jaroe, le Cut putroe Meulu Cina

Ji timbakle sinyak putroe, posamlakoe keunong dada

Sicut Malem keunong bude, ka meugule lam ie raya

‘Ohtroih Banta dalam laot, pawoh sambot pantah sigra

Ban jiteumei uleh pawoh, ji meung pajoh Malem Muda

Teuma teuka Rambeue Haji, ji peugah kri meunoe khaba

He rakan po teungku droe, deungo kamoe he syeedara

Bek tapajoh wahe adoe, posamlakoe meubahgiya

Ta ingat keu guna sabohroe,  dum geutanyoe uroe raya

Ka lagoe lheueh wahe adoe,  posamlakoe? talak hawa

Bangke Cina yoh sabohroe, dum geutanyoe Uroe Raya

Ban ureueng bri masa dilee, jinoe pi mei balaih guna

Meuta pajoh wahe sampee, got tapoh kee he syeedara

Tho ie laot dum sinaroe, mate kamoe sabab gata

Ban jideungo meunan bagoe, yole asoe miseue geumpa

Jiba udarat posamlakoe, keubah jinoe mieng kuwala

Leumah ji eule Cut putroe, neudong sidroe Malem Muda

Meulu cina mita ilah, peugot gajah tujoh keupala

Tujoh ulee tujoh gadeng, bak geunireng pinto Kuta

Malem Muda beudoih tajam, troih keunan bak Kuta Raja

‘Ohtroh keunan nibak pinto, teudong tahe hana khaba

Gajah pindoe keunan jikong, ji kheundak gulong Malem Muda

Yoh masa nyan posamlakoe, neu peujok droe bak Tuhan Asa

Ya Ilahi wa ya Rabbi, keulon neubri beutroih pinta

Neubri beujeuet saboh pusoeng, beuek gulong gajah raya

Rahob jaroe Pocut leunteng, ka meugule pantah sigra

Gajah pi srot keunan jinoe, ka sampoe u miyub donya

Meulu Cina …………… ( semua halaman sudah lenyap  puluhan tahun sebelum peristiwa tsunami Aceh, 26 Desember 2004)……………………

…………………………………………………………………………………………………

…………….. Bale Tambeh, 12 November 2011  pk  10.5 Wib, T.A. Sakti.

……………………………………………………………………………………………….

Catatan: Sengaja saya posting “Hikayat Dibuang Sayang” pagi ini buat mengenang  Muswil ke  I Ikatan Himpunan Mahasiswa Sejarah Se – Indonesia ( IKAHIMSI )  Wilayah VIII  di Banda Aceh yang dibuka hari ini, Ahad, 1 Juli 2012.  Sehubungan acara itu, saya juga menulis satu artikel  yang  berjudul “Hikayat Aceh, Kearifan Lokal  yang Terlupakan!”.  Bale Tambeh, 1 Juli 2012, pkl. 9.44 wib., T.A. Sakti.


  

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s