Seunijuek Sambo – Menyambut Bulletin KERN Mahasiswa Teknik Unsyiah.

SEUNIJUEK SAMBO

Saleum seujahtera sambot nibak lon

Majalah KERN jinoe lon nyata

Padum treb lawet tapreh meuthon-thon

Majalah KERN meusom lam tapa

Pada hai awai katreb di rawon

Majalah KERN katreb lahe ka

‘Oh lheuh nyan  pansan  natreb padum thon

Bak buleun nyou phon ka udeb teuma

Keutua SENAT keubit that meuphom

Aspirasi kawom dum MAHASISWA

Bak latih bakat geu peuna langsong

Geu tamah seutrom KERN nyang kana

Teuga seumangat kuat ngon jantong

Inspirasi jitron meuganda-ganda

Teu biet rencana meugeudong-geudong

Laen buleun phon laen keu dua

Na jipot angen katrok nibak lon

Buleun dua phon geu pasang gamba

Jeut pasang fhoto barang sou langsong

Sou peugot panton atau ceurita

Rencana got that patot tadukong

Beudoh rakan lon jinoe keurija

Peugot karangan kirem le langsong

Pasoe lam KERN wahe saudara

Hai SENAT laen bak lagei patong

Neu cunto KERN deungon PEUNAWA

EFTE ngon FEKON langkah geu ayon

Tanyoe rakan lon pajan tamula….?

FK deungon FIP Fakultas Hukom

Pajan neu puphon peugot MEDIA

DI FKHP, FP po keubon

Mari rakan lon peuteubiet MEDIA

Meungna lagei nyan ngon Tuhan tulong

Unsyiah harom u nanggrou lua

Tanyou ek jithee trok u kota ROM

Meunghan meukong-kong diyub bruek tuha

Meuseb keuh ohnou hai panyot tanglong

Lon sambot KERN hudep KEU DUA

Beu mangat asoe Majalah KERN

Teubeit meuthon-thon si umu DONYA…!!!.

T.A. Sakti, Mhs. FHPM Unsyiah

Medio April 1981

(Baca kembali: Bulletin KERN – forum mahasiswa fakultas teknik – Unsyiah no 004 Th. II – Mei 1981 hlm. 33  ).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s