Saleuem Horeumat

  1. SALEUM HOREUMAT

Alhamdulillah jinoe ka jadeh

Na dike Aceh bak TVRI

Tanyoe meutunang kon meunang tapreh

Do’a keu Aceh aman Tuhan bri

 

Radat

Sigala pujoe meuwoe dum saheh

Nyang maha leubeh Tuhanku Rabbi

Seulaweuet saleum hana lheung teupreh

Penghulee shaleh Muhammad Nabi

 

Asslamu’alaikom phon-phon lon cukeh

Horeumat leubeh keu TVRI

Nyan panitia po dike Aceh

Leupah that gigeh geubangket seni

 

Keu dewan juri ahli nibak Syeh

Horeumat leubeh meunan cit meubri

Para penonton di lingka tan weh

di Lhoknga- Sibreh datang keumari

 

Dumna peunonton seuluroh Aceh

Saleuem dum kabeh kamoe kirimi

Soe-soe nyang galak keu dike Aceh

Neuduek bek neuweh sira jep kupi (dilingka Tivi)

 

Teurimong gaseh kamoe peusaheh

Perjan nyang gigeh nyan TVRI

Sideh di gampong  keunoe meura-eh

Bak pihak angleh budaya seni (dike syari’i)

( T.A. Sakti )

 

SALEUM HOREUMAT

Oleh: T.A. Sakti


Alhamdulillah hate that seunang

Budaya keumang ngon TVRI

Lheuh Doda idi, Dala-e tunang

Meurukon teuman, Meudike kini

 

Radat

Meubandum pujoe meuwoe keu Tuhan

Nyang peujeut alam langet ngon bumi

Seulaweuet saleuem keu Muhammadan

Rasul pilihan panghulee Nabi

 

Assalamu’alaikom meuangkat tangan

Keu Pak pimpinan bak TVRI

Lom panitia ureueng peutimang

Kamoe undangan festival seni

 

Han tuwo citlom  saleuem haluan

Keupada dewan juri nyang ahli

Saleuem horeumat keu tuan-tuan

Nyang na di deupan kanan dan kiri

 

Dudoe nibak nyan keu pirsawan

Nonton siaran nyan TVRI

Rabu ngon Minggu dalam sepekan (seupeukan)

Khusus festival Dike syari’i

 

Teurimong gaseh kamoe ucapkan

Keupada Perjan nyan TVRI

Gampong di jeuoh  keunoe meudatang

Ikoet festival like aseuli

 

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s