Silaturrahmi

SILATURRAHMI

Assalamu’alaikom guree ngon sahbat

Jaroe lon angkat ateueh jeumala

Saboh karangan lon keuneuk catat

Peristiwa hibat di kanto PK

 

Silaturrhami lethat mamfaat

Nabi Muhammad meunan meusabda

Raseuki mudah han payah karat

Mate pih lambat Allah karonya

 

Meunan teuseubut lam kitab-kitab

Nadham hikayat tambeh agama

Han peue syok sangka hai rakan sahbat

Umu han singkat raseuki meuganda

 

Nibak uroe nyoe lon kureueng sihat

Lon karat-karat keunoe lon teuka

Han kong ngon gaki lon tamah tungkat

Nyang peunteng hajat trok kanto PK

 

Drop aneuk bileh payeh boeh alat

Kisah tasambat meupadum banja

Alumni seujarah le hibat-hibat

Boeh cuba catat hai mahasiswa

 

Ulon kon jampok nyang mata bulat

Bukeuti leungkap data ngon fakta

Teuku Alamsyah cunto nyang deukat

Jinoe bak pangkat Kepala PK

 

Bak Dekan FKIP na Pak Muhammad

Pak TS meuhat jameun dilee ka

Anggota Dewan dua droe sahbat

Pak Harun hibat jeuet PD II

 

Keutua seunat dua droe meuhat

Agussalim ahad Bustamam dua

Tacok teuladan pumpa seumangat

Beujeuet keu ubat dum mahasiswa

 

Nyoe sya-e Aceh ka lon peutamat

Pat kureung mangat mue’ah beuraya

Bak T.A. Sakti saleuem horeumat

Bandum lam sihat aman seujahtra

 

*Rumoh Meubale, Sabtu mlm 20 – 8 – 2005

pkl 23.7 WNAD.

Catatan: Sya-e di atas pernah disenandungkan oleh T. A. Sakti pada acara silaturrahmi antara Pengurus HIMAS FKIP Unsyiah dan para dosen Prodi Pend. Sejarah dengan Bapak Drs. Teuku Alamsyah Banta, M. Si sebagai Kepala Dinas Pendidikan Nasional NAD, bertempat di ruang pertemuan Kantor Dinas Pendidikan Nasional itu di Banda Aceh. Acara silaturrahmi yang istimewa dan amat berkesan itu berlangsung pada hari Ahad, 21 Agustus 2005, mulai jam 10 s/d 12.30 Wib.. Drs. Teuku Alamsyah Banta, M.Si  adalah alumnus Prodi Pendidikan Sejarah FKIP Unsyiah – satu leting dengan Drs. A. Hamid, M. Ali.( Red. ).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s