Ganu-Gana IPM-Sakti

  1. GANU-GANA IPM-SAKTI

Alhamdulillah syukur keu Rabby

IPM-SAKTI ulon calitra

Padum treb lawet saket sang seu-i

Jinoe hai akhi mulai teuga

 

Bapak Djauhar Rasyid keubit that ahli

Pikiran geubri dengan teunaga

Pileh pimpinan yang tem berbakti

Hana geuasi nyang raya haba

 

Sideh di Banda buet phon mulai

Peurintah geubri bak mahasiswa

Tamong jeub rumoh mita raseuki

Bak ureung Sakti  nyang na di Banda

 

Bak awai buleuen teurimong gaji

Kamoe meunanti lakei  beulanja

Bak kamoe kalon seuhari-hari

Meumandum sudi bantu asrama

 

Na peutploh  sa (Rp 41000) ribei teuntei raseuki

Baro sekali kamoe meumita

Mudah-mudahan rahmat Tuhan bri

Ukeue  pih lagi kamoe usaha

 

Napeue lon tanyong jinoe hai akhi

Saudara saudari deungo beurata

Khusus keupala pegawai negri

Nyang na di Sakti sinoe keurija

 

Peue na kesudian bantuan neubri

Asrama SAKTI na rijang leungka

Peue keuh ek neutem droeneuh berbakti ???

Haba beu neubri bak PANITIA.

 

JINOE LON BALEK UJONG KALIMAT :

Di cong bak mamprei di meusu tiyong

Bak ujong tampong jidong cempala

Haba lon kisah meu-ubah ujong

Keuhai  digampong ulon calitra

 

Buleuen puasa kamoe digampong

Bah pih rakan lon nacit sikula

Kamoe duek pakat tamong tiep gampong

Meupeusak untong bantu asrama

 

Surat meukirem keu tiep-tiep gampong

Bahwa kamoe tron mita deureuma

Keu  masyarakat supaya muphom

Beu geutem bandum bantu  Asrama

 

Meuphon di Lingkok trok u Lam Ujong

Bucue ngon Beutong Mali ngen Langga

Riweuek ngen Niw’a Bakti pih meutron

Habeh sagaidon kamoe meumita

 

Ngat paneuk haba lon singkat langsong

Rab mandum gampong na kamoe teuka

Saboh keucamatan habeh meurawon

Tujuan bandum untuk asrama

 

Na nyang bri pade breueh saboh mangkong

Teuma nyang ladom jok peng rupia

Keunoe LAMMEULO bandum meusinthong

‘Oh lheueh meucok Bon bak Teungku JAYA

 

‘Oh lheueh jeut keupeng deungo lon hitong

Jumlah tan kureung Rp 600.000 rupia

Ban bandum peng nyan jinoe meuhimpon

Geukeubah lam tong bak BENDAHARA

 

Meubeuot jaroe di ateuh ubon

Horeumat sanjong wareh syeidara

Kaom syeidara sinoe di  gampong

Nyang kana tulong peugot asrama

 

Mudah-mudahan nibak laen thon

Beu neubri tulong bak leubeh nyangka

Meuseb keuh ohnoe haba lon suson

Pat nyang na sirong meu’ah beuraya

 

BUCUE : 22 Ramadhan 1399 H/14 Agustus 1979 M.

Sambutlah salam dari : T.A.B.LAMMEULO.

Disyairkan oleh : JOHN KHAIDIR  pada acara HALAL BIL HALAL tgl. 28 – 8 – 1979.

(Catatan: Nama pena saya saat itu T.A.B. LAMMEULO. Bale Tambeh Darussalam,

Aleuhad, 19 Puwasa 1431/29 Agustus 2010, pukul 10.30 Wib., T.A. Sakti).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s