Do’a Seulamat – Ketika Orang Aceh Naik Haji

DOA SEULAMAT

Assalamu’alaikom kawom keurabat

Nyang ka meusapat nibak rumoh nyoe

Kamoe   meudo’a ubak Hadlarat

Do’a seulamat keu po rumoh nyoe

Sabab po rumoh keu neuk beurangkat

Geujak ‘ibadat u Makkah nanggroe

U tanoh suci bak punca Kiblat

Bue-ek troh hajat bandum seuleusoe

Beumeu teumei com Hajar Aswad

Jumrah geutakat beutroh keunan toe

Masjidil Haram beule ‘ibadat

Nabawi meuhat malam ngon uroe

Beumangat asoe tuboeh beusihat

Rukon ngon syarat leungkap sinaroe

Tawaf ngon sa’i bandum tan silap

Badan pih sihat sampe trok geuwoe

Haji Mabrur beu-ek meundapat

E ya Hadlarat neubri beusampoe

Dum asoe rumoh nyang tan beurangkat

Meumandum sihat hana sapeue syoe

Kamoe nyang goh jak got that meuharap

Nibak po teumpat meupeusan jinoe

Bak Maqam Ibrahim nyang that mustajab

Bek silap-silap neuhoi nan kamoe

Do’a seulamat ‘oh noe ka tamat

Jaroe meuangkat kamoe meujak woe

Munyo na salah meu’ah hai sahbat

Uroe akhirat bek jeuet meupaloe!

!

Banda Aceh, 27 Syawal 1426 H

T.A. Sakti

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s