MAFIA PAJAK – Kisah korupsi di Republik Tercinta!

MAFIA  PAJAK

 

Ureung seumeuseut eungkot geumita

Hanjan tho paya geutron lam leuhop

Eungkot geujak kuep di dalam paya

Naleung dilingka mandum geusalop

 

Hana nyang laen eungkot geuraba

Nyang raya-raya dilee phon geudrop

Nyang ubeut-ubeut hana geukira

Tinggai lam paya  bah dikuep le gop

 

Meunan keuh bagoe jinoe umpama

Le that mafia ureung nyang top-top

……………………………………………….

……………………………..

 

Nyan lom cit   cae bak  Cek Madya

Kirem keu hamba geukheun bek rhob-rhob!!!

Di ulontuan han ek lon saba

Lon sambong sigra tajam meusalop

 

Sabab meupakhok santok paih raya

Lagi mafia haba teungoh top

Han ek tapike han troh keunira

Di awak kaya peue meu’en leuhop

 

Gaji leupah le pangkat that raya

Mantong meuraba geucok atra gob

Tugaih duek Kanto cit jaga-jaga

Soe nyang meucuca laju geuyue drob

 

‘Antanjo cit droe nyang tubok raga

Karma meugisa jinoe jih geudrob

Geutanyoe rakyat nyang udep papa

Soe tapeucaya mandum meuluhop

 

Ka lheueh tadeuno sideh Jakarta

Di Surabaya rame ka geudrob

Peue guna geudrob  meulagee nyangka

Peng ji peuraba hukom meusinthop

 

Jaksa ngen  Hakim ka seupot mata

Meunang rupia hukom meulungkop

Peue lom nyang geudrop nyang top-top raya

Sang sandiwara han salah takot

 

Di awak rayek piasan mata

Mangat tasangka keubit-keubit got

Nanggroe han maju sabe lam papa

Dum kas Negara buet tikoih seupot

 

Jipreh bak Kanto ngen ijo mata

Pajak rakyat ba ie babah sijot

Konglemerat toke bandum ji guda

Pajak nyang raya  ji peukeulibot

 

Jilakee persen meuretoih juta

Nyankeuh mafia pajak beureuob

Di agen pajak bertindak sigra

Di bagi dua untong nyang jipot

 

Tangieng pakaian abdi negara

Buet ji keureuja pancuri  “silop”

Kanto Negeri milek Negara

Po oknum kira waresan Nekkot

 

Haselan tamong diniet pusaka

Hingga peue teuka bandum jiseupot

Meung rata teumpat ka meunan cara

Nanggroe Mafia nan jih leupah got

 

Geutanyoe rakyat meuraba-raba

Soe tapeucaya nyang jeuet taseutot

Peue keuh disinoe puteh gleh safa

Goh na beurita nyang ka  meusalop

 

Hate ka ragu gadoih peucaya

Sinoe di Banda  goh le  soe sorot!!

Mudah-mudahan bak tanyoe bek na

Nanggroe ban lheueh jra teungoh geupeugot

 

Teurimong gaseh keu Cek Madya

Ca-e ka tiga lon sambong seutot!!!

Aleh kiban nyum bak Cek Madya

Ube kuasa ka ulon peugot

 

Peumeu’ah ulon wahe pemirsa

Bak ulon rika kadang le reungkhot!!!

 

T.A. Sakti

 

Banda Aceh, Hameh, 28 Cuco Molod 1431/28 Jamadul Awal 1431 H/ 13 Mei   2010 poh 16.30 WNAD

(Catatan: Sms Cek Madya jitamong bak HP lon:  12-Apr-2010, 21:24:52).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s