DARA MALAIH II

Dara Malaih/WU

Adat tayue jiku U brok

Jak hoi Datok u Tongpudeng

Kahoi Maja di Me Geumbak

Kayue neujak ngen Nek Ireng

Kayue neujak keunoe rijang

Kahoi Nek Blang badan leunteng

Dilon han jeuet ulon ku-U

Gla keunuku palang-paleng

Tayue prah U maken meugriet

Asee keumiet di geunireng

Peuneurah brok bajoe beukah

Ngon jisok klah sirong geunteng

Adat tayue ji keumurui

Saket takue jikheun meugilieng

Saket sapai han jeuet lon mat

Angen han mangat sirong geunteng

Adat tayue jipot pade

Jikheun hanle ka gadoh kleng

Adat tayue beuet hate beunak

Soe me Sinyak soe seumareng

Soe taguen bu mita rujee

Han meuteumei sikrak ranteng

Soe jak madee soe top pade

Tacuba pike nyan ta bandeng

Soe srah ija teumpe Sinyak

Taduek tajak hansoe ireng

Rab hansoe jok jeuoh hansoe jak

Bitpi tapak ban pha gateng

Bak tayue buet lethat dawa

Su cit raya miseue su weng

Nyang han sagai ji meudawa

Bak leueng tika ngon lheue kareng

Utoh jih that bak peulheueh droe

Ureueng binoe miseue gaseng

Miseue bidok lheueh lam bakat

Riyeuek raya that pihan meutunggeng

T.A. Sakti

Catatan : Ungkapan di atas disalin dari Tambeh Tujoh Blah(17 Tuntunan/nasihat), karya ulama Aceh tak dikenal tahun 1306 H.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s