Qanun Lumboi Lhee

Qanun Lumboi Lhee

Bukonle sayang Qanun lumboi lhee

Goh timoh bulee ka keunong wiet pha

Ka gadoh tuwah bagah that layee

Gohlom meuteuntee sihat meugisa

Pasai 36 nyang keunong palee

Anco meu-abee hana meuhoka

Padahai asoe cukop meuteuntee

Get that peureulee bak jinoe masa

Asoe pasai nyan deungo hai sampee

Keu ureueng lakee DPRA-DPRK

Qur^an suci beuna lam ulee

Nyang paleng teuntee beujeuet geubaca

Yoh watee geusah deubat meutabee

Awak lhee ploh lhee seutuju rata

Cit limong blah droe nyang asek ulee

Ka sah hai sampee Qanun mulia

Padum uroe ceh goh timoh bulee

Teuma ka geuthee keudeh Jakarta

Laju pareksa puta teurajee

Sigra geubri thee keunoe u Banda

Meundagri RI  ureueng nyang bri thee

Meunoe ban lagee lam surat haba

Pasai 36 payah loet bulee

Sabab roh bajee tingkat negara

Nyang ato Parnas Nasional teuntee

Daerah reudee hana kuasa

Pasai 36 sang jadeh layee

Rugoe meuribee Qanun geupeuna

Teusia payah deubat prah ulee

^Ohka lam pangkee jeuet sia-sia

Abeh ngon dana meujuta ribee

Sang meunyum malee watee takira

Asoe pasai nyan le guna sampee

Kon tok nyang lakee DPRA-DPRK

Aneukmiet Aceh nyang lahee-lahee

Geulantoe kayee awe teuputa

Beu-o beuet Qur^an hana peue lakee

Bupati-DPR bek hawa gata

Meunan nasihat Teungku ngon Guree

Wareh ngon sampee lom Ayah-Bunda

T.A. Sakti

Peminat Sastra Aceh, tinggal di Banda Aceh

Catatan :

-Qanun Lumboi Lhee = Qanun nomor 3 Tahun 2008

-Sampee = Famili; keluarga jauh

-Meutabee = sungguh-sungguh, serius

-Teurajee = benang pengimbang pada layangan

-Parnas = Partai Nasional

-Lahee-lahee =  batat, malas

Iklan

Uram Peunyaket

Uram Peunyaket

 

Uram peunyaket bak  Panteue kalam

Ampuh Devayan nyang po calitra

Seunang lam  hate lon bri tanggapan

Cit beutoi meunan bak bantah hana

 

Lam Tambeh Tujoh karya Syekh Salam

Bahle lon reukam meudua banja

Karangan useueng jameun  saboh jan

Dalam hitongan dua abad ka

 

“Asai peunyaket beuna tapham

Makan minom han takira

Nah adak na tabri adat

Han meularat tuboh gata

 

Soehan tuwan jibri adat

Jeuet meularat le that bahya

Tabiat jikreueh beunak hate

Malee hanle na digata

 

Lom jeuet malaih ta ibadat

Meu’ah ’ah that pruet teuraya

Kut seb singoh habeh jinoe

Karam siuroe diareuta”

 

Bak masa jinoe neukalon taulan

Nyang saket badan rab rata rata

Tuha ngon muda hana bedaan

Mungken  makanan nyan asai punca

 

Peunyaket ganaih dumsoe ji lawan

Pangkat jabatan hana jiniet na

Dumho jirabe gampong ngon peukan

Tani neulayan gasien ngon kaya

 

Habeh areuta meujuta kuyan

Peu-ubat badan   mita sijahtra

Lheueh geujeb ubat sihat watee nyan

Habeh ubat nyan saket jigisa

 

Ladom Singapore jak kontrol badan

U Pulo Pinang  han ekle kira

Aceh ka gasien peunyaket kuran

Dinanggroe jiran ka kaya raya

 

Ubak peumimpin lon peu-ek peusan

Neu mita jalan beusigra-sigra

Pakon peunyaket jinoe le that ban

Jameun dilee tan pakon jinoe na

 

Keupada rakyat neubri siaran

Neu informasikan pat asai punca

Supaya rakyat bek sabe mumang

Uram  saket nyan geuraba-raba

 

Rame nyang peugah punca bala nyan

Dalam makanan racon meudoda

Meunan meurantam  dikamoe awam

Peuekeuh bit meunan lam tanda tanya(?)

 

Pade meuseumprot gule sayoran

Buah-buahan dum pestisida

Tanle makanan nyan tan racon nyan

Aleh sabab nyan peunyaket teuka(?)

 

Peumimpin bijak bertindak rijang

Bek jatoh korban  le rakyat papa

Bak jak meu-ubat dum meutang ilang

Tiep uroe peukan meuputa gisa

 

 

T.A. Sakti

Peminat sastra Aceh

 

 

 

Catatan :

– Panteue Budaya = “Uram Peunyaket”  Serambi, 21 September 2008

– Syekh Salam = Syekh Abdussalam bin Salem

alias Leube Muda bin Leube Polem

–  Kitab Tambeh Tujoh disusun tahun 1208 H,

isinya tujuh bab, dua bab diantaranya tentang

kesehatan dan fungsi-fungsi organ tubuh.

–  Tabri adat = ukuran dan waktu yang tetap

– – Kut = bekal/jatah

Ubat Gampong

Ubat Gampong
Karya T.A. Sakti
7 June 2009, 09:12 Puisi-puisi Administrator
Keu ubat gampong bacut takisah
Lon meubeurakah meudua banja
Ubat endatu watee ka sudah
Hansoele papah jameun ka bida

Jinoe ka canggeh ubat that mudah
Hana that payah bak tajak mita
Asai beuna peng nyang on-on mirah
Meuh’ei sileupah ubat kiminya

Di ureueng gampong sabe lam susah
Seureuba salah ‘ohtee geukira
Ubat that meuh’ei; pade that murah
Peunyaket jajah hana bak tunda

Siare pade hansep pel siblah
Bit popeurintah geukira hana
Yum barang gampong sabe lam murah
‘Oh akhe sudah soe meugoe hana!

Sy’ob hai katuwo keu uram kisah
Lon peuwoe bagah u punca teuma
Proe ubat gampong; boh gadong tuwah
Kumili, birah paleng utama

Endatu tanyoe meunan geupeugah
Boh gadong,birah,kumili tiga
Lam sithon sigo tasak lam babah
Ube na wabah meusiblah dumna

Dumpeue peunyaket Tuhan peusiblah
Ngon Insya Allah teukabo bekna
Gule bak leubue tataguen kuwah
Lam sithon beusah siblet tapeuna

Geukrut putik U peh lada siblah
Tipek beubagah nibak dhoe gata
‘Oh saket ulee sang-sang ka beukah
Deungon Bismillah mustajeueb beuna

Jan saket batok khak-khok sileupah
Mita beubagah on rabon muda
Ramah deungon ie peujeb sikhan glah
Ngon Insya Allah pulehle teuma

Kadang saket pruet na angen mirah
Gambe cok siblah tabicah sigra
Ta upa bak pruet ngat diruet bagah
Ab-’eb bak babah t’ang-t’eung lungkiek pha

Ngon boh keumeudee pih teuntee leupah
Le angen mirah pruet ureueng tuha
Keumadee masak syulok keu lincah
Bahthat bee babah geuntoet that subra

Kadang na kurab lungkiek pha beukah
Meunye na mudah on drang neumita
Ngon gapu ranub neupeh beubicah
Neu intho bagah dalam luengkiek pha

Meunye na teuceue wable seumeurah
Gambe nyang mirah laju neu upa
Ngon on sikleueng-kleueng pih Mustajabah
Sayang sileupah bak jih ka langka

Dum kayee ubat langka sileupah
Dilee Universitas Syiah Kuala na geuci pula
Jiteukale khueng payang sileupah
Lampoh nyang luwah ka “talo” sigra!!!

* T.A. SAKTI, Dosen dan peminat sastra Aceh
Sumber : Harian Serambi Indonesia

Tanda-tanda, dari binatang yang kini langka!

Karya T.A. Sakti

24 May 2009, 08:43 Puisi-puisi Administrator

Jameun kon ngen jeuem watee geukira
Ngon tanda-tanda nyangka Tuhan bri
Jimeusu Sareuek ‘oh malam jula
Jeuem rab poh tiga teuka pancuri 

Ka kr’eb-kr’ob Itek jitoh boh subra
Bu Sawo sigra taguen hai Ummi
Ji meusu Cangguek riyoh ka reuda
Imsak rab teuka beuhati-hati

Ngon cikuwaciii… meusu Cempala
Beungoh ka teuka beudoh ushally
Beurijuek Balee kiroh meutaga
Mata uroe ka mirah han sakri

Kadang ‘oh beungoh Got-got pih gabra
Nyan saboh tanda ujeuen meunanti
Beurijuek Balee meunye nyang subra
Tanda uroe kha siya meutie-tie

Ureueng peubuet-buet ngieng tanda-tanda
Pajan keureuja meujan khanduri
Geuadee pade janna uroe kha
Beungoh na tanda ka Beurijuek bri

Got-got that riyoh ujeuen toe teuka
Pade ngen ija bek adee Cutti
Laen pih meunan dumpeue usaha
Dum tanda-tanda karonya Rabbi

Bungong poh siploh pih jeuet keutanda
Keumang meunyala ohtroh hat janji
Bungong keupayan keumang ‘oh ‘asha
Mata uroeka poh 4 leubeh hi

Jaku’uek manok karu sa-duwa
Luho ka teuka jeuet jak ushally
‘Ohka meut’i glang meughreb hai Cutda
Jeuet jakwoe sigra bekle meucakri

Duek di Meulasah dang-dang troh ‘Isya
Teureubang Ara ho nyang ji ili
Kadang troh jipo Buloh Blang Ara
Ka watee ‘Isya jeuet kheun ushally

Tapi ‘oh jinoe sapeue tan tanda
Geulantoe kana jeuem jaroe tari
Atawa su Mick watee Bang ‘Isya
Bandum ka langka binatang tadi

Beurijuek tanle Sareuek pih hana
Cot-got Cempala droble pancuri
Cakeuek nyang meusu jan uroe sinja
Jinoe jareueng na tadeungo bunyi

Kadang u gunong peusiblah mara
Wab manusyia jeumoh han sakri
Abeh binatang didrob publoe ba
Trok bak Meuruwa dilhak kuliti

Astaghfirullah ka leupah haba
Kaya Rabbana reuen-mareuen neubri
Dumna latbatat nyan tanda-tanda
Mahakuwasa Tuhanku Rabbi!!!

#T.A. SAKTI; peminat sastra Aceh, tinggal di Banda Aceh.

* Sumber : Harian Serambi Indonesia

Batee digle

Syair Aceh

T.A. Sakti

22 Maret 2009, 08:08 Budaya Administrator

Batee digle habeh dicungke
Laju digule keunoe u kota
Dipeu-ek muto ngon sare-sare
Baplueng meuhe-he bak jalan rayaWatee takalon hayut lam hate
Meunye meugule hanco peue nyangna
Hana diikat atau dirante
Batee dari gle jitamong kotaMuto geureubak dijak hana pre
Meusare-sare mobil ngen Honda
Bak lampu mirah jidong meurungkhe
Hanasoe pike lethat bahaya

 

Kon lonko peugah rakan boh hate
Na nyang kamate batee meutimpa
Bak muto jiplueng batee meugule
Keunong bak hate ureueng me Honda

Teukeupak-keupak sanan lajule
Bak Rabbol Kade nyawong jigisa
Sineuk batee rhot ka sidroe mate
Bak jalan we-we jeuoh ngen kota

Meunye lam kota hanapeue pike
Batee meugule brat lom bahaya
Le ureueng rusak adak han mate
Nyawong goh akhe nibak Ta’ala

Tuboeh ka rusak han saho roehle
Ingat boh hate beungoh ngen sinja
Bak plueng bak jalan bek laloe hate
Batee meugule kadang toe gata

Bak Walikota lontuwan ruge
Beuna neupike keu warga kota
Muto me batee beuna meurante
Bek teuhah lahe meuikat hana

Kadang neularang han sampe hate
Jalan hanale ret laen puta
Maka seubab nyan aturan neubre
Ikat ngen rantee batee nyang raya

Bacut meugisa haba dalam gle
Batee dicungke jiba u kota
Tanoh nyang manyang hana tumpangle
‘Oh ujeuen cre-bre ile bak data

Lingkongan rusak pipak dalam gle
Uteuen pih reule naleueng seureupha
Peuneuduek Tuhan batee dalam gle
Mangat bek cre-bre atoran rimba

Buet manusyia bak jameun akhe
Hansoele pike aturan donya
Gunong keu labang bumoe  bek ya-ye
Bak jameun akhe jikueh peudata

He manusyia pakon that bakhe
Meunan disya-e batee lam rimba
Ulon kajak cok kaphok ka ruge
Pakon hantroele he manusyia(?)

#T.A. SAKTI; pminat sastra Aceh

*Sumber : Harian Serambi Indonesia

Sale – Terapi diabetes/DM yang saya praktekkan!

Karya T.A. Sakti

5 July 2009, 08:14 Puisi-puisi Administrator

Ureueng saket brat jameun geusale

Nyang payah rande sabab leumiek pha

Atawa gob poh ka patah pate

Rhot dicong munje atau cong pala

Di ureueng inong madeueng hana bre

Rhah ija tumpe manyak baro na

Jagale Mablien sinan peulale

Bit ubat Sale lethat seumpeuna

Jinoe ka maju ubat meuseu-e

Keu ubat Sale tanyoe ka lupa

Ban saket bacut laju u Keude

Ba peng siare Mantri ngat kaya

Nyang saket patah uroet hana bre

Nyang patah-pate meunan usaha

Eh ateueh panteue atawa bale

Apui meuhe-he diyub geupuga

Buet ureueng teuga tungoe geurande

Seumpom meuseu-e dileuen meutimpa

Atot bak puno; uram bak munje

Tangkok bak mane; ukheue bak sala

Jameun that mudah ureueng Seumale

Kayee meuseu-e ube-be raya

Jinoe ka langka; bah gampong-keude

Rang kapeue kayee jinoe jareueng na

Ban ulontuwan gampong toe keude

Niet tameusale payah lagoina

Lon bloele arang dua-lhee pate

Ngon nyan seumale ka sithon lama

Dalam pot bungong arang ulon ple

Minyeuk lon re-re apui ngat nyala

Watee hu kalen seu-uem meuri bre

Hanale lale reudeup lon raba

Asap bak reudeuep ubat meuseu-e

Digampong lon me kayee ka langka

Alhamhadulillah ucap tan lale

DM ngen beusee bak lon kureueng ka

Na ureueng tuha lon kalon dilee

Puteh oek ulee bungkok leupahna

Tapi teuga that kha lagee batee

‘Oh dicong kayee talo nyang muda

Ek U tiep uroe hana pre watee

Keu breueh siare cit nyan keureuja

Lheueh ek dua bak; geutamah lom lhee

Teuga ban cage Allah karonya

Gobnyan tiep malam geu-eh cong Bale

Apui tan padee diyub meubura

Aleh sabab nyan teuga tan lagee

Meunan keuh dilee ureueng dum teuga

Takalon jinoe ureueng dum lhek-phe

Leumiek ban tape bah muda-muda

Peunyaket ramien ban kuwah tuhe

Umu takire baro peuet plohsa!!!#T.A. Sakti; peminat sastra Aceh

* Sumber : Harian Serambi Indonesia

Putra Jawa Yang Berjasa Bagi Hikayat Aceh

Teungku Adi alias Tgk.H.Siswadi Asnawi:

PUTRA JAWA YANG BERJASA BAGI HIKAYAT ACEH

        Nama : Tgk.H. Siswadi Asnawi Lahir : Di Purwodadi, Jawa Tengah Tgl. 1 Syawal 1381 H ( 29 April 1961 ) dari pasangan Sukir dan Yatmi Meninggal : di Banda Aceh, Nanggroe Aceh Darussalam Tgl. 1 Zulqaidah 1427 H( 22 November 2006) di kediamannya Lrg. Cempaka no. 9 Ateuk Pahlawan Kec. Baiturrahman, Banda Aceh, karena sakit.

        Pendidikan : SDN No. 7 Tarub, Kab.Grobogan, Provinsi Jawa Tengah. Lulus tahun 1973 M.I Nuril Huda Tarub, Lulus tahun 1977 Juga menempuh ujian persamaan di Madrasah Aliyah Tarbiyah Islamiyah Darussa’adah Cabang Cot Bada, Peusangan Aceh Utara. Lulus tahun 1988.

       Pada tahun 1982 beliau berangkat ke Aceh. Tinggal di gampong Garot, Sigli (kab.Pidie) selama 2 tahun bersama sebuah keluarga Aceh( tahun 1982 s/d 1984). Disebabkan karena sakit beliau pindah ke Banda Aceh, tinggal bersama sebuah keluarga Aceh terpelajar. pertengahan tahun 1985 masuk bekerja pada sebuah koperasi dan dipercayakan di unit percetakan.  Sambil bekerja di percetakan itu, juga menyempatkan diri menjadi tenaga pengajar Iqra’ di Mesjid Baitul Qiram, Peniti.

       Pada tahun 1988 memutuskan untukmenikahi seorang wanita bernama Jasmani, Kalahiran Jeunieb. Aceh Utara,7 Januari 1964. Setelah berkeluarga beliau pindah berdomisili di kampung Ateuk Pahlawan, Banda Aceh. Di sana beliau diangkat oleh masyarakat sebagai Imam Mesjid dan sebagai Tuha Peuet. Oleh Depag. kec. Baiturrahman beliau juga dipercayakan sebagai Imam Kelurahan dan sebagai Penyuluh P3N Kec. Baiturrahman sampai akhir hayatnya.

      Saya (T.A. Sakti) belum begitu lama mengenalnya; baru sekitar 10 tahun (1997-2006). Buku Saku pertama saya yang dicetaknya berjudul Hikayat Akhbarul Karim, 2 jilid. Kemudian, Hikayat Aulia Tujoh, Nadham Akhbarul Hakim. Ketiga naskah itu, masing-masing dicetak 1000 eksemplar(buah buku saku).. Ketika itu; percetakan di bawah badan usaha Koperasi tersebut di atas. Selanjutnya, saya hanya mencetak 500 eks perjudul naskah, yaitu : (1) Hikayat Nabi Meusyuko, (2) Hikayat Abunawah, (3) Nadham Mikrajus Shalat, (4) Hikayat Meudehak, (5) Hikayat Indra Bangsawan, (6) Kitab Bakeumeunan(Qawa’idul Islam), (7) Hikayat Banta Amat, (8) Hikayat Banta Keumari, (9) Hikayat Kisason Hiyawan, dan (10) Hikayat Tajussalathin .

       Perlu dijelaskan tidaklah semua judul hikayat dapat tercetak secara utuh sampai tamat. Bila yang tebal sampai 6-7 jilid misalnya, maka saya cetak 1-2 jilid saja Masa itu Tgk Adi atau Pak Adi sudah memiliki unit usaha sendiri, yakni UD”SELAMAT SEJAHTERA”; terletak di kawasan Peniti, Banda Aceh; yang dikelolanya hingga beliau meninggal dunia pada November 2006. Karena Hikayat/Nadham/Tambeh hasil alih aksara-transliterasi saya dari huruf Arab Melayu/Jawi/Jawoe ke aksara Latin setiap judulnya terdari dari beberapa jilid, maka sudah 22.000 ( dua puluh dua ribu) buah buku saku yang sempat saya cetak pada Percetakan Pak Adi; sebelum ia berpulang kerahmatullah. Sayangnya,lebih 80% Hikayat- hikayat hasil cetakan itu terkena hantaman tsunami 26 Desember 2004. Hanya yang saya hadiahkan kepada teman-teman dan sekolah sekolah yang selamat.

        Mengapa saya mencetak hikayat pada Percetakan pak Adi ? Ada tiga hal yang mendorong saya, yaitu : 1. Ongkos cetak murah, 2. Boleh bayar cicilan.dan 3. Mau diantarkannya ke toko buku sebagai barang titipan saya Masalah murah mencetak buku/hikayat pada Pak Adi; saya punya kisah pribadi. Pada tahun 1995, saya mulai bermaksud mencetak hikayat pada Percetakan yang berlokasi di Kampus Darussalam. Naskah yang mau saya cetak adalah Hikayat Akhbarul Karim dengan oplah 1000 buah buku saku. Ternyata ongkos cetaknya diluar kemampuan saya, yaitu Rp. 1.200.000.- terpaksalah saya menunda cita-cita mencetak hikayat-hikyat hasil alih aksara dari huruf Arab Melayu/Jawi (harah Jawoe) ke huruf Latin.

       April 1997, saya baca di koran Syekh Rih Kreung Raya sudah berpulang kerahmatullah. Syekh Rih Krueng Raya adalah Pujangga Aceh, yang karya-karya hikayatnya amat popular di kalangan rakyat Aceh. Sejak itu, saya pun mendatangi kembali beberapaPercetakan untuk mencari “ongkos cetak termurah”. Akhir nya, saya menjumpai Pak Adi karyawan KUD Rahmat. Ongkos cetak Hikayat Akhbarul Karim dengan jumlah oplah yang sama hanya Rp. 600.000,- berarti cuma separuh dari ongkos cetak di Kampus Darussalam.

      Kemungkinan besar; faktor murah, jujur dan “jeuet bacut saho”, yang menyebabkan sebagian besar pengarang Hikayat Aceh memilih Pak Adi menjadi pencetak karya mereka. Dari kalangan pengarang useueng (tuha), saya bisa mencatat tiga nama, yaitu Tgk. Muhammad El Abdul Muthalib, Syeh Rih Krueng Raya dan Nuri Angkasa. Sementara dari kalangan lebih muda adalah : Tgk. Keuchik Hasan Lam Kawe, Ustaz Abdullah Umar P.Aceh, UMS, Medya Hus, Ameer Hamzah, Mujar MS,dan saya sendiri(T.A. Sakti). Saya yakin, masih banyak penulis lain yang mencetak Hikayat Aceh pada Tgk. Adi yang tidak saya ketahui nama mereka; mengingat perkenalansaya dengan beliau belumlah lama. Para pengarang ini jarang yang membayar kontan biaya -biaya percetakan.lebih banyak yang cicilan /angsuran atau dibiayai oleh Toko Buku. Pihak Toko Buku pun lebih sering membayar cicilan dari pada tunai.

         Sebenarnya, jenis Sastra Aceh yang dicetak Pak Adi bukan hikayat Aceh semata-mata. Jenis-jenis  lainnya ialah nadlam,tambeh,kasidah,like Aceh,panton,hadih maja,dan haba peu-ingat. Satu hal yang pernah dikeluhkan Ustaz Adi kepada saya adalah: sukarnyamenjumpai pemilik usaha Komputer yang bersedia mengetik hikayatAceh..Alasannya, mengetikBAHASA ACEH lebih sukar dari bahasa Inggris. Saya heran, “KENAPA ORANG ACEH TAK MAU MENGETIK BAHASANYA SENDIRI!!!”, keluh Pak Adi kepada saya suatu sore.

        Kadang-kadang, pada sore hari Pak Adi bersama isterinya  keliling kota Banda Aceh dengan Honda ringkih/tuanya mencari percetakan. Namun lebih sering gagal, karena banyak yang menolak. Terpaksalah beliau sendiri yang memkomputer kembali naskah-naskah bahasa Aceh yang diminta cetak padanya; karena naskah asli itu lebih sering ditulis tangan atau ketikan biasa.

        Karena itulah, saya yakin benar bahwa Tgk. Adi alias Tgk. H.Siswadi Asnawi amat berjasa dalam pengembangan dan pelestarian bahasa dan sastra Aceh, khususnya hikayat. Tentang kemampuan seluk-beluk bahasa Aceh beliau samasekali tidak meragukan. Selain dari pengalaman percakapan sehari-hari, pengetahuan bahasa dan sastra Aceh terus bertambah ketika beliau menyalin ke komputer berbagai naskah hikayat yang hendak dicetak pengarangnya. Innalillahi wa inna ilaihi raji’un – na geumpa ban sijaknyoe- (ada gempa barusan!), semoga Allah SWT menempatkan arwah beliau di tempat termulia!. Amin ya Rabbal ‘Alaminnn!!!.

 

Banda Aceh, 22 Hasan-Husen 1428 H

22 Muharram 1428 H

1 Februari  2007 M

          dto

T.A. Sakti