Kisah Hijeurah Nabi-Menyambut Tahun Baru Islam 1 Muharram

Kisah Hijeurah Nabi-Menyambut Tahun Baru Islam 1 Muharram

By admin at 22 March, 2009, 4:42 pm

ca-e T.A. Sakti

Bismillahirrahmanirrahim
Ya Rasulullah ya Nabiyullah
Sayed Madinah ya Allah qalbin nurani
Nabi Muhammad ya Allah geunaseh Allah
Imum Madinah ya Alllah nyang that trang hate

Umu 53 thon ya Allah Nabi di Makkah
Han ek neuteugah ya Allah nyang larang Rabbi
Ureueng lam Makkah ya Allah nyang kukoh-kukoh
Bandum pi musoh ya Allah keumeung poh Nabi

Sabab neuminah ya Allah Nabi di Makkah
Nanggroe Madinah ya Allah beurangkat Nabi
Saidina Hamzah ya Allah beurangkat sajan
Saidina Usman ya Allah Abubakari

Saidina ‘Umar ya Allah Ibnu Khatab
Ban peuet droe sahbat ya Allah Saidina ‘Ali
Laen nibak nyan ya Allah nyang asoe rumoh
Nyang ikot suroh ya Allah jak sajan Nabi

Tujoh reutoh droe ya Allah ureueng jak sajan
Sahbat jimeunan ya Allah nyang muhajiri
Antara Makkah ya Allah deungon Madinah
Hana that jeuoh ya Allah duwa blaih hari

‘Oh sampoe Nabi ya Allah nanggroe Madinah
Sinan neupiyoh ya Allah diluwa wadi
Makanan pi tan ya Allah minoman pi han
Ureueng nanggroe nyan ya Allah han sidroe meuri

Na tujoh uroe ya Allah Nabi troh keunan
Ka geudeungoran ya Allah ka datang Nabi
Ureueng Madinah ya Allah teubiet meuree-ree
Geujak peuteuntee ya Allah geujak tueng Nabi

Ureung nyang tuha ya Allah tanyong khabaran
Dimana tuwan ya Allah ya Allah datang keumari
Lon kalon ilok ya Allah khuluk peungaroe
Keumala nanggroe ya Allah peue sabab lari

Nabi neu jaweub ya Allah lon Rasulullah
Dinanggroe Makkah ya Allah keunoe peureugi
Kawom diulon ya Allah dum ureueng Makkah
Han ek lon teugah ya Allah biek munafiqi

‘Ohban geudeungo ya Allah Nabi kheun meunan
Geucom ditangan ya Allah geupuwoe Nabi
Ureueng Madinah ya Allah sangat meu-untong
Geupuwoe tangglong ya Allah keumala nanggri

‘Oh tamong Nabi ya Allah nanggroe Madinah
Dumpeue pi mudah ya Allah karonya Rabbi
Ureueng Madinah ya Allah bandum ji ikot
Nyng hantem turot ya Allah kawom kafiri

Ureueng Madinah ya Allah leupah guransang
Geujak peungon prang ya Allah jak sajan Nabi
Lam umu sithon ya Allah Nabi disinan
Neujak guncang prang ya Allah nanggroe Qubeuti

Na umu sithon ya Allah Nabi dalam prang
Agama teudong ya Allah ka wafeuet Nabi

T.A. Sakti, peminat budaya dan sastra Aceh

Catatan : Ca-e di atas dikutip dari “lampiran” hikayat Akhbarul Karim
karya Teungku Seumatang.

*Sumber: Harian Aceh, Banda Aceh

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s