Jampok Pujoe Droe- Kisah Burung Pungguk yang Angkuh dan Sombong

Jampok Pujoe Droe

Oleh:  T.A Sakti

Assalamu’alaikom saleuem lon peutrok

Gampong cot ngon lhok gantoe tameu’ah

Lon keumeung kisah keu Burong Toktok

Seureuta Jampok nyang na lam tamah

‘Oh jula malam su Burong Toktok

“Pak-puk” su Jampok dong dicong Panah

Meusu rab beungoh cicem Peh Nurok

Lantui diantok ngon meuh’ah-meuh’ah

Jampok pujoe droe nyang leupah dawok

Jan malam reudok buleuen tan leumah

Aneukmiet cut-cut rhui bulee kudok

Su Burong Toktok toe jeurat Nek Mah

Ujeuen meuprot-prot u Blang Dhot gohtrok

Jab cot deungon lhok plueng putoih naf’ah

Peuelom maken toe su Burong Toktok

Dilikot Jampok sang-sang dijak s’ah

Kisah nyan jameun watee jalan brok

Tapak geuinsyok jak dumho keumah

Jinoe aspal dum jalan siboek

Jampok ngon Toktok tanle lam “Tamah”

Meunan cit bagoe cicem Peh Nurok

Hantomle taktok jipeh rab beungoh

Leumo dalam Weue nyang baroe geusok

Jinoe tan dawok han jitem peuhah

Saat ka teuka langka di Jampok

Cicem Peh Nurok saleh ka keumah

Tanda tanyong lon keu Burong Toktok(?)

Ka meuthon-thon roek hanale leumah!!

Jameun meudeungong Unoe teureubang

Watee meubungong bak Asan Teungeut

Hawa ie Unoe tajak cok sambang

Jeuet ubat badan soe kuwut-kuwut

Janoe hantomle Unoe lam awan

Teungoh teureubang po binatang kleuet

Rame meuganong ban reudok hitam

Kadang droe jilham, tanyoe payah crueb

Jikaple Unoe jipasoe ukam

Kon hanya pansan kadang pih wafeuet

Nyang cok ie Unoe kon seumarangan

Ba Suwa sajan ileumee geutuntut

Linot, Sirabe, Kumuto lhee ban

Maseng-maseng nyan na ukam jisuet

Kriet “ban ek Linot” tuto sinderan

Keu seureukah tan jibri meubacut!

Aneuk Sirabe cokle Apa Gam

Kawe geukambam di sideh Lueng Cut

Teuma ek Linot jeuet tampai talam

Cokle Wa Intan geujuruet-juruet

Lam ruhung bak Me Linot meusarang

Aneukmiet agam kayem dijak suet

Umpung Kumuto kayem cong Mancang

Ji catok Silam jimoe meu’euet-’euet

That leupah tari Toktok Beureugoe

Bulee jih soebroe macam wareuna

Jiek ngon jitron dicong bak Panjoe

Deungon gukee droe ji mumat teuga

Tangkulok Turki nibak ulee droe

Tamah samlakoe ngon meuwibawa

Bak Pineung mate dicatok keudroe

Peuget umpung droe bak meuseunia

Geuthok bak Pineungle Apa Meuntroe

Jingeuk u bumoe Beuragoe tapa

Teungoh keumarom sosah ngon deuek-troe

Jipreh aneuk droe sigo ceh dua

Sayang that langka Toktok Beuragoe

Aneukmiet jinoe tan ji eu rupa

Ruhung uram Trieng hansoele kiloe

Ji meusu bunyoe “Pruuuuukkk” that meutaga

Cicem nyang ek-tron cong Pineung-Panjoe

Deungon gukee droe badan ji sangga

Laen nibak jih tan nyang jeuet meunoe

Bah Tupe ragoe hana ngon peusa

Leupah that “unik” Toktok Beuragoe

Sabab jih sidroe indah that donya

Watee jih tanle mate jigandoe

Sang sikhan bumoe ka reuntoh donya

Uroe ngon malam Tuhan tapujoe

Nyang peujeuet asoe ‘alam seumesta

Neubri seulamat Toktok Beuragoe

Hana disinoe di Janthoe beuna

Kireman : T.A. Sakti

Banda Aceh

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s