Sayang Leuek Kutru

Sayang Leuek Kutru

Oleh : T.A. Sakti

Assalamu’alaikom kawom syeedara

Nyang na seulingka baroh ngon tunong

Jinoe ta sambong laju calitra

Binatang langka darat ngon gunong

Musem keumukoh bak dilee masa

Su Leuek that subra indah meudeungong

Riyoh ji kutru meurdu jikuwa

Cong bak U dara meuseumong-seumong

Teuma nyang meulot pih saboh gura

Meuseunoh teuga meuseunoh inong

Leuek leupah gatu seu-u hantara

Eumpeuen behawa kana lam umong

Kutru saboh guk hana meuguna

Jiboeh guk dua kana soe tanyong

Jikutru lhee guk got that jareueng na

Le ureueng mita baroh ngon tunong

Bak Leuek na tuah pusaka kaya

Kheun nujum tuha di lampoh tunong

Uleh seubab nyan Leuek geupeulara

Geudrop geumita sampe U gunong

Geujak theun taren theun geutah pihna

Cong Asan raya geusambe nyawong

Musem luah blang jeundrang meucula

Peurangkap geuba Leuek roh meutamon

Kadang tadeungo na Leuek Bangguna

Tuah that raya harta jitamong

Nyang na cit meugah tan soe eu rupa

Hai Leuek Bangguna aleh cit bohong

Leuek Teungku Syiah Kubu Aulia

Nacit calitra meuna soe tanyong

Saleh cit bit na atau meunghaba

Teutap rahasia meuseumong-seumong

Teuma Leuek Tanoh ijo wareuna

Jameunkon langka hanpat ta tanyong

Cicem Meurubok peuteumpok kaya

Saboh sang hana nyangna meunyawong

Watee keumukoh bak thon baroesa

Su Leuek nyang subra tanle meudeungong

Bek takheun riyoh reuntoh blang raya

Meungsigo hana keu ubat bingong

Jambo peulot Leuek ka reuloh dumna

Taren ngon cintra ka abeh runggong

Leuek habeh jidrop seuhingga langka

Ka jipubloe ba beulanja tamong

Kireman : T.A. Sakti

Banda Aceh

Iklan

2 pemikiran pada “Sayang Leuek Kutru

  1. saya terharu melihat masih ada orang-orang seperti anda yang masih mau peduli pada budaya keuneubah indatu.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s