Ringet-Keurimue – Lalat cilik yang sudah langka!

Ringet-Keurimue

 

Oleh:  T.A. Sakti

 

Tanjong Seulamat meugah dala-E

Lagu ngon like lagak geuthee na

Jinoe takisah binatang keuce

Gampong deungon gle nyang kabeh langka

 

Miseue keurimue nyang met-met kude

Ji peuruhungle luhok beraya

Asai Keurimue kheun Teungku Tahe

Oh masak sare bicah boh Ara

 

Sigo ngon Lalat dijih meurabe

Pat-pat na bangke ngon ureung luka

Teupuek ngon jaroe meuploh boh mate

Sidumnan tanle meuribee teuka

 

Sayang meupr’ot-pr’ot aneuk meukude

Keurimue bakhe ramien seulingka

Ho-ho nyang jiplueng ka ji ragable

Pat hanyi kude  jiteubee sigra

 

Alhamdulillah bak donya akhe

Aneukmiet meukude leupah jareuengka

Seuimbamg ngon nyan Keurimue tanle

Peuekeuh cit hanle jinoe bak Ara (?)

 

Meunan cit Ringet peubinget hate

Dilee lam sabe seupot ji teuka

Pat ureueng dong-dong ka ji ramienle

T’iet-t’uet lajule jikap bak muka

 

Aneuk lam tingkue dileuen peuhe-he

Leumbam badanle ka Ringet seuba

Rampot ngon ija Ringet geu-use

Hanjan siatle lom-lom ji gisa

 

Su jih meu-’ing-’ing peupalak hate

Tapih beumate kilek jurus sa

Weue Leumo-Keubeue ji ramien sampe

Apui peudeple jiplueng u luwa

 

Ureueng duek toh-ek dalam Lueng Pante

Ringet keueng sare teuot ngon muka

Beungoh ngon seupot Ringet meurabe

Meupuwe-puwe dileuen meudoda

 

Kon hanya Ringet jinoe meuseuke

Binatang keuce lethat nyang langka

Pitok dengon Lhang Bambang dan Tihe

Lakoe ie, Ca-’ei nasib jih sama

 

Kireman : T.A. Sakti

Banda Aceh

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s