Kawe Ukam

Kawe Ukam

Oleh :  T.A. Sakti

Assalamu’alaikom wareh ngon sampee

Neupiyoh dilee kadang na guna

Dang-dang tho reuoh lam ruweueng bulee

Binatang padee tanyoe calitra

Koh iku Tarum keu ubat puree

Bak jameun dilee puree geuthee na

Tot iku Tarum angoh ban abee

Ta cawo lam ie ta peujeb teuma

Tarum ngon Bukuem jinoe hai sampee

Payah lieh singkee watee tamita

Tarum le macam Ijo cong kayee

Keu ubat puree Tarum ie nama

Teuma di Bukuem batat ban batee

‘Oh keunong palee droe ji peuraya

Akai jih saban ngon Cangguek Puree

Kayem meusilee lam laot raya

‘Bangai ban Bukuem!!” geudhot jigeudee

Supaya malee ngat ubah sigra

Peuelom buet tuwan kheun keu meulintee

Do’a talakee : “na’u zubillah minha!!”

Jinoe keu Ukam kalam meusilee

Jiduek lam abee yub rumoh tuha

Ukam tan meuri iku ngon ulee

Dijak lam abee punggong ji peuba

Uleh aneukmiet yoh masa dilee

Phon jipruh abee Ukam jimita

Lheueh nyan diikat mita go kayee

Rupa ka lagee kawe meumata

Ukam ji surung umpung lam abee

Jisurot dilee musoh ji mita

Jikaple Ukam nyang  diyub batee

Tamon dua-lhee dalam bruek tuha

Meulele dikap Ukam lam abee

Aneukmiet dilee jeuet bahan lomba

Dang masak Ie Bu kanji mangat bee

Meulasah Jambee buleuen Puasa

Jinoe sang Ukam bandum ka padee

Teumpat meusilee sapat hanle na

Meunasah manyang di yub meu-abee

Geugantoe batee tanle geuboh pha

Di Rumoh Aceh bandum rab padee

Teumpet meusilee Ukam meudoda

Si undur-undur tanle  lam abee

Likot keu ulee surot u muka

Bak lon rame that jinoe nyang brithee

Ukam lam abee nyan ubat raya

Soe diabetes darah ka layee

Jak limeuh abee Ukam neumita

Kireman : T.A. Sakti

Banda Aceh

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s