Ka Meutuka-ke

Ka Meutuka-ke

Oleh:  T.A Sakti

Assalamu’alaikom warahmatullah

Saleuem muhibbah nibak ulon nyoe

Bak AcehTV  lon ci beurakah

Keu makhluk Allah geutanyoe meuproe

Subhanallah pujoe Potallah

Tuhan seuleuah bandum ‘alam nyoe

Meutapi jinoe lethat meu-ubah

Teuntee Potallah nyang ato meunoe

Mangat seulamat dum makhluk Allah

Bek abeh punah di ateueh bumoe

Han jeuet lam guha dalam gle luwah

Yue woele Allah lam nanggroe keunoe

Kadang lam Guha iklem meu-ubah

Seu-uem sileupah wab panas bumoe

Atau ka riyoh Guha ka pacah

Ureueng that caprah jak keudeh-keunoe

Miseue di Walet cicem meutuwah

Nyang asaliyah Guha rumoh droe

Jinoe bak Toko u gampong langkah

Alhamdulillah raseuki katoe

Teuma na virus gob peugah-peugah

Beule seudeukah peunyaket han toe

Nibak toi rumoh Walet ji singgah

Jeuet meufarikah cem Ujeuen ragoe

Cunto saboh treuk nyang toe lon peugah

Cem Batee bilaih cem Subang soebroe

Umpung jih jameun jeuoh meusiblah

Jinoe meureupah bak rumoh tanyoe

Po cicem Batee raya beurakah

Rupa pih gagah gaya droe kaya

Jiduek bak Keude Toko nyang indah

Lam batee beukah eumpeuen jimita

Dicicem Subang pih saboh ulah

Bara trieng rumoh sinan meutangga

Turon-teumuron aneuk trok bak Cah

Tan minah-minah ban ureueng papa

Jinoe cem Batee udep seurakah

Katrok jak reupah teuka di kota

Cem Subang talo jiweh cok langkah

Saleh ho leupah kadang lam rimba

Keu cicem Batee bacut lon kisah

Ka ji peusosah po rumoh tangga

Ji pajoh pade pat-pat na teuhah

Lam eumpang beukah lam Krong nyang raya

Pade geuadee meulintee Pojah

Jitron jipajoh rab sikhan tika

Di cicem Subang hana meunjajah

Eumpeuen sep keumah ngon ulat saja

Meunan cit Pacat sifat ban Lintah

Dileekon meusiblah maseng teumpatnya

Pacat lam uteuen,  lam blang di Lintah

Jjinoe meu-ubah “Ka Meutoke Ka”

Pacat bak ateueng Ya Masya Allah!!

Hantom geupeugah Endatu Maja

Pacat ateueng blang  jilet-let lidah

Sang rhot areuwah ureueng seumula

Kireman : T.A. Sakti

Banda Aceh

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s