Haba Endatu

Haba Endatu

Oleh : T.A. Sakti

Assalamu’alaikom murid ngon Teungku

Bapak dan Ibu syeedara lingka

Nyoepat na kisah bak lon sigeutu

Dang-dang masak bu tanyoe meucakra

‘Oh jula malam Sareuek ji meusu

Nyankeuh hai Teungku sibagoe tanda

Katoe pancuri dilingka dapu

Alee nyang sulu kajeuet seudia

Singoh kheue uroe sunggoh ji meusu

Get dicong bak U bak Giri dara

Sareuek jeuet jipo bahthat sigeutu

Sayeuep kon bulu ban layeue behtra

Di cicem Ujeuen pih saboh laku

‘oh jipo brabru jan seupot ‘Asa

Ka jibri lageuem ujeuen hai Teungku

Nyang adee pliek U jeuet pinah sigra

Ladom peurcaya haba Endatu

Cicem nyang itu pusaka kaya

Pat jimeu umpung hansoe peukaru

Bahkan geurindu ngon geumeudo’a

Nibak toi rumoh ji tipek laju

Po rumoh bantu peh kayee sangga

Yoh masa dilee tansoe peukaru

Ban-ban nyoe Teungku lawan jih teuka

Trok burung Walet poguha hantu

Dijak peukaru Cem Ujeuen seutia

Ureueng porumoh hate ka ragu

Geupileh satu bahle  seunia

Cicem Murong duek bak tampong rumoh

Cem Subang seunoh jeuet pake duwa

Diminah saboh bak tampong Nek Ngoh

Sinan jitoh boh udep seunia

Cem Subang jiduek ruhung trieng teungoh

Hana that mehmoh rumoh jikira

Pocicem  Murong sabe lam ‘eh ‘oh

Ji peugot rumoh gantung bak bara

Saboh na pantang sampe ‘an singoh

Nyang ladom peu’oh ladom peucaya

Umpung Cem Murong bak tampong rumoh

Pantang tareuloh tarhom geulawa

Sigra duroh oek saket jen mamoh

Kupong ban mangoh ‘oh jiseurapa

Aneukmiet cut-cut kuyut ngon leumoh

Jitagu tanoh peukeunong hana

Geudhotle Mak Loet geugeudh’am tanoh :

“Kaweh hai kaweh bek jiseurapa!!”

Si Agam  jiplueng kengkeung lut jeumoh

Geukheunle Cut Ngoh : “ka teumeureuka!!”

Kireman : T.A. Sakti

Banda Aceh

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s