Cempala Kuneng{ Burung yang sudah Punah di Aceh!

Cempala Kuneng

Oleh : T.A. Sakti

Nyangle Deideikhueng udep dalam gle

Jinoe hanale tango suwara

Saleh ka langka saleh cit tanle

Ka habeh mate punah lam donya

Thon tujoh limong(1975) mantong lon pike

Lon ula-ili Lammeulo-Banda

Toe Cinta Alam riyoh bukonle

Deideikhueng meusya-e dicong bak Sala

Deideikhueng gampong jinoe pih hanle

Jameun jimeusu cong Tufah raya

Ji peugah rab khueng ie krueng tho reule

Bek pula Campli ngon sibu hana

Cicem Keureunda cit binatang gle

Bak ulee lambeng lagee keureunda

Dum ureueng gampong geulisah hate

Meunyo teukeudi cicem nyan teuka

Jiba peunyaket le ureueng mate

Kheun Apa Tahe duek lampoh Poja

Jinoe cicem nyan leupah meuseuke

Meusiblet tanle u gampong teuka

Cempala Kuneng jameun ka tanle

Tinggai nan Bambi situs keu tanda

Heli Gubernur Aceh geubohnan tamse

Ngat mudah rabe duson ngon kuta

Bambi Cempala Kuneng nama geu-uke

Gampong toe Sigli Tijue seureuta

Helikopter Gubernur meunan cit sare

Cempala Kuneng geurasi nama

Po cicem Putput garang bukonle

Watee ji meusu peukeumang dada

Raya that taga ji meusu sabe

Badan jih keuce ube Tulo na

“Putput !!” ji meusu tanggoe trok ugle

Sang leukang hate soedong dilingka

Jidong lambong that dheun Bayu mate

Putput su singke jinoe ka langka

Di  cicem Nusok sibok ngon tangke

Bineh krueng sabe raseuki jimita

Eumpeuen jih eungkot lam krueng jirabe

Jisok lajule peuwoe ubak Ma

Nusok bak iku meugantung sabe

Badan rab ube Pocicempala

Jipo taloe krueng jingieng Gro Bace

Jinoe meuseuke sabab ka langka

Kireman : T.A. Sakti

Banda Aceh

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s