Bambang Jamei – kisah binatang langka

Bambang Jamei

Oleh:  T.A. Sakti

Assalamu’alaikom saleuem lon uke

Ranub lam bate sambot syeedara

Jinoe keu Bambang geutanyoe ca-e

Bulee jih bla-ble lethat wareuna

Bambang le macam han ek tapike

Po Rabbon Kade Maha Pencipta

Le Bambang rayek dum Bangbang keuce

Sayeuep dum bla-ble macam wareuna

Ji keupak-keupak lagak bukonle

Jipo sirungkhe jan-jan meuseunda

Jidong bak bungong sayeuep jile-le

Tadrop jipole jidong cong Luna

Puteh ngon kuneng hitam meuble-ble

Sayeuep meu-uke keulabee pihna

Nyang hijo biro cuklat ban pade

Han ek tasya-e lethat wareuna

Bak pinto rumoh Bambang jilele

Lheueh nyan tamongle jilila-lila

Tanda trok jamee peuhase bate

Saleh di Tangse saleh di Langsa

Nan Bambang jamee nama  geu-uke

Aneukmiet keuce galak ‘oh teuka

Sebab trok jeumee peuseunang hate

Bungkoh  meutangke haluwa geuba

Allah takeudi Tuhan nyang ade

Bah that meuseuke Bambang mantong na

Di cicem Pako mantong meusya-e

Pa’E meut’et t’e mantong suara

Jiduek dipa’E kon cong kayeele

Dilikot MarI lam rumoh tangga

Sunggoh jimeusu kheue uroe sabe

Jeuet adee pade bireh seumula

‘Oh watee meughreb dilee meut’e glang

Jemeusu gr’ang-gr’ang  i’i’ sang rune

Get dalam gampong get bak ateueng blang

Subra hai rakan su Glang that rame

Bak haba jameun meughreb meusu Glang

Lam keunyataan Surok-Surok meu’e’e

Jinoe jan meughreb sapat  tan su Glang

Tanoh habeh krang ka jiduek Sane

Keu aneuk Itek dilee geubri Glang

Na mangat rijang rayek Muge me

Nibak watee nyan  lethat Itek blang

Beulati yohnyan tan meune-sane

Jinoe Itek Ie gampong lontuan

Ureueng peulara hanale rame

Itek Beulati nyang ngeut-ngeut tungang

Nyang tem peulara maken that rame

Jameun Itek Ie, Meuruwa kuran

Meu’en lam kulam di Meunasah Me

Meuruwa kadit kulam pih katan

Itek toeh boh malam tinggai rammeune

Cicem Beureugom jidong cong Tufah

Ek jih bulat sah nyan boh Peulanggu

Aneukmiet pileh ngon gigoe jiplah

Cit leumak leupah bahthat mantong hu

Su jih meutaga tanggoe u Meulasah

Siulah-ulah dikheun “Meureudu!!!”

Cit hana lale aneukmiet tingkah

Ji tanyong bagah : Samalanga hoka?”

(Samalanga ho Teungku?)

Po Cangguek Ijo sang tinggai kisah

Meunan cit ulah cicem “Meureudu”

Jareueng jipopo Beureugom meutuwah

Kayem congTufah cit tadeungo su

Di pucok Kumbang jidong tan leumah

Cit hana mudah tanyoe teumeung eu

Ban Manok dara raya sang ulah

Bulee tan ubah ban burek batu

Kireman : T.A. Sakti

Banda Aceh

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s