Hijeurah Nabi – Kasidah yang dilantunkan murid2 pengajian di Aceh tempo dulu pada malam 12 Rabiul Awal – sekarang nihil

Hijeurah  Nabi

 

Oleh: T.A. Sakti

 

Bismillahirrahmanirrahim

 

Ya Rasulullah ya Nabiyullah

Sayed Madinah ya Allah qalbin nurani

Nabi Muhammad ya Allah geunaseh Allah

Imum Madinah ya Alllah nyang that trang hate

 

Umu 53 thon ya Allah Nabi di Makkah

Han ek neuteugah ya Allah nyang larang Rabbi

Ureueng lam Makkah ya Allah nyang kukoh-kukoh

Bandum pi musoh ya Allah keumeung poh Nabi

 

Sabab neuminah ya Allah Nabi di Makkah

Nanggroe Madinah ya Allah beurangkat Nabi

Saidina Hamzah ya Allah beurangkat sajan

Saidina Usman ya Allah Abubakari

 

Saidina ‘Umar ya Allah Ibnu Khatab

Ban peuet droe sahbat ya Allah Saidina ‘Ali

Laen nibak nyan ya Allah nyang asoe rumoh

Nyang ikot suroh ya Allah jak sajan Nabi

 

Tujoh reutoh droe ya Allah ureueng jak sajan

Sahbat jimeunan ya Allah nyang muhajiri

Antara Makkah ya Allah deungon Madinah

Hana that jeuoh ya Allah duwa blaih hari

 

‘Oh sampoe Nabi ya Allah nanggroe Madinah

Sinan neupiyoh ya Allah diluwa wadi

Makanan pi tan ya Allah minoman pi han

Ureueng nanggroe  nyan ya Allah han sidroe meuri

 

Na tujoh uroe ya Allah Nabi troih keunan

Ka geudeungoran ya Allah ka datang Nabi

Ureueng Madinah ya Allah teubiet meuree-ree

Geujak peuteuntee ya Allah geujak tueng Nabi

 

Ureung nyang tuha ya Allah tanyong khabaran

Dimana tuwan ya Allah ya Allah datang keumari

Lon kalon ilok ya Allah khuluk peungaroe

Keumala nanggroe ya Allah peue sabab lari

 

Nabi neu jaweueb ya Allah lon Rasulullah

Dinanggroe Makkah ya Allah keunoe peureugi

Kawom diulon ya Allah dum ureueng Makkah

Han ek lon teugah ya Allah biek munafiqi

 

‘Ohban geudeungo ya Allah Nabi kheun meunan

Geucom ditangan ya Allah geupuwoe Nabi

Ureueng Madinah ya Allah sangat meu-untong

Geupuwoe tangglong ya Allah keumala nanggri

 

‘Oh tamong Nabi ya Allah nanggroe Madinah

Dumpeue pi mudah ya Allah karonya Rabbi

Ureueng Madinah ya Allah bandum ji ikot

Nyang hantem turot ya Allah kawom kafiri

 

Ureueng Madinah ya Allah leupah guransang

Geujak peungon prang ya Allah jak sajan Nabi

Lam umu sithon ya Allah Nabi disinan

Neujak guncang prang ya Allah nanggroe Qubeuti

 

Na umu sithon ya Allah Nabi dalam prang

Agama teudong ya Allah ka wafeuet Nabi

 

T.A. Sakti

#Peminat budaya dan sastra Aceh

Catatan : – Ca-e Hijeurah Nabi di atas dikutip dari “lampiran” hikayat Akhbarul Karim

karya Teungku Seumatang. Lampiran itu mungkin bukan bagian asli naskah itu,tetapi mungkin tambahan yang disisipkan para penyalin-ulang. Tahun 1993 kitab ini telah saya salin ke huruf Latin dan sudah dua kali dicetak/diterbitkan. Beberapa sekolah dan pustaka di kampus Darussalam dan Banda Aceh  pernah saya hadiahkan  naskah ini.

– kukoh-kukoh = kuat, perkasa

– khuluk = serupa, bagaikan, mirip

– pengaroe = pangeran

– tanglong = lampu, pelita

– keumala nanggroe = pemimpin negeri

Iklan

9 pemikiran pada “Hijeurah Nabi – Kasidah yang dilantunkan murid2 pengajian di Aceh tempo dulu pada malam 12 Rabiul Awal – sekarang nihil

  1. kiban cara ta download lagu nyan teungku?

  2. lon seureng lon dinge bak mak lon tuan sya’e lagunyoe watee geu ayon adek atau aneuk kumuen.. watee manyak lon pih sya’e nyoe seureng geu baca

  3. alhamdulillah bak lon pura pura seutot meureumpok disinoe.. katep lon deuk hafai lengkap dari sya’e hikayat nyoe..
    padahai jameun na kitab kumpulan hikayat-hikayat tapi hana meuhoe lee duem…

    • neuci pareksa hai, ho kitab endatu geutanyoe nyan!.

      • na lon seuteot tgk.. tapi sampoe jinoe hana meuhoe.. sebahagian ka diteot masa DI TII yang atra selamat nyan lee ka abeh dipajoh lee kamue geupeugah lee ureung chiek lon.. sisa jih hana meuhoe lee.. karena rumoh jameun hana soe tinggai lee ka paduem blah thon…

      • insyaallah lon seutot lom watee lon woe u gampong nyoe…

      • selamat menggali warisan endatu!.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s