ACEH-MALAYSIA

Aceh-Malaysia

Oleh : T.A. Sakti

Aceh-Malaysia gaseh-meugaseh
Bak jameun jandeh konban baroesa
Iskandar Tsani Sultan peunileh
Nanggroe Phang sideh nyan asai mula

Nan Pulo Pinang asai lon peuceh
Yoh goh troh Inggreh nanggroe Malaya
Syeedaga Aceh ba pineueng keudeh
Tamon tindeh-peh citle lagoina

Biduen P.Ramli ben Teungku Puteh
Meunyanyi canggeh deungon Saloma
Aceh Utara asai hai wareh
Gampong Beurandeh saleh sang nama

Tengku Abdurrahman Putra, PM phon sideh
Syiktu geuh Aceh Blang Jruen asainya
Majid Ibrahim Gubernur Aceh
Awak nyan wareh mantong syeedara

Sanusi Juned Meuntroe  nanggroe jeh
Abusyik lon ureh di Aceh teuka
Kawen ngon cuco Tgk Dawod Beureueh
Ka meutindeh-peh Aceh-Malaysia

Ismail Husein pengarang areh
Keutuwa menceh badan GAPENA
Asai gampong Aree di Pidie sideh
Aduen  geuh wareh Abdullah nama

Titi Tok Pase Kuwala Keudeh
Ureung      nyan saheh sidroe Ulama
Nyang ba Islam u Keudah keudeh
Asai di Aceh : Pase-Samudra

Kubu Tok Habib Langkawi sideh
Teumpat lon peuceh Kesab namanya
Habib Husein Azzahir nama leubeh gleh
Cahcong meulapeh di Aceh mantong na

Nanggroe  Yan-Kedah na gampong Aceh
Di Jitra sideh ureueng gampong Langga
Meunyo takisah habeh han abeh
Sep ‘ohnoe rinteh ka lon peumada

T.A. Sakti
17-3-2009

Catatan : – jandeh = masa lalu. -peunileh = pilihan. Gmpg Langga =  di Kec.Sakti, Pidie
– Sebagian tokoh Malaysia di atas bergelar Dato’, Dato’Sri, Tansri, dan Tun.
Sumber : 1. Sms dari  Dr. Hasballah M.Saad, budayawan Aceh. 2.  Sms dari Ramli A.Dally, budayawan Aceh. 3. Sayed Ali, Da’i dan pelukis Aceh. 4. Catatan dan pengalaman pribadi saya.
– Agar bunyi pakhok cocok, maka Aceh diucapkan seperti kata pileh.
*Pernah saya dendangkan serta uraikan  pada pertemuan rombongan tamu dari Johor, Negeri Sembilan-Malaysia dengan para dosen-mahasiswa Pendidikan Sejarah  di Auditorium FKIP Unsyiah, 18 Maret 2009 sekitar pukul 11.00 Wib.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s