Tambeh Tujoh Blaih

# Alih aksara atau transliterasi dari huruf Arab Jawi ke huruf Latin dilaksanakan oleh : T.A. Sakti

– 161 –

Neujak u Baq’ik sahbat sajan
Laen nibak nyan Muhajir Anshar
Troh bak teumpat jeurat lethat
neukheun bak sahbat meunoe kata

Na tadeungo wahe sahbat
Ta muhin ramhat keu syeedara
Talakee bekna ‘azueb kubu
Meunan laku Nabi meusabda

Ohtoe meughreb leumah asap
Dalam eurat nyan keulawa
Seurenta ‘azeub ji geumandu
‘Azeub kubu silangoi na

Nabi tanyong ubak sahbat
Seupo jeurat geuhoi nama
Seuot sahbat teuma sidroe
Ulonyeu tusoe he Maulana

Nyoekeu anshar aneuk sipulan
Bak janjongan jijak baroesa
nabi neudong teuntang ulee
Seureuta neulakee neubeuet do’a

Rabbighfirlahu Masalafa
Minzunubihi wa tajaawaz
‘Ansaiyi-aa tihi
Meunan Nabi baca do’a        – 162 –

Do’a pilheueh nabi neubeuet
Teuma dilanget tron suara
Di ateueh ulee Rasulullah
Hana leumah ta eue rupa

meunoe narit neudeungo tron
Kaku ampon deesya anshara
Gadoh asap hanle geumandu
Neuwoe laju Nabi neubungka

Nyankeu haba ureueng malang
Tinggai seumayang ngon jisaja
Nyoe saboh treuet aneuk meutuah
Calitra sahbat Saidinha Umar

Siuroe lon duek ngon Nabi
teuka baduwi bak Saidina
Dinanggroe Thaif teuka keunan
Jibot tangan ateueh jeumala

Ka jisujudle bak gaki
Ya habibi peubeuet hamba
Mise gata Tuhan peurunoe
meunan kamoe tabri aja

Nyobit gata sibeunar Nabi
Peue nyang tabri beuna gata
Ban Nabi ngo haba Baduwi
Teusinyom Nabi peugawe donya

– 163 –

Seureuta neukheuen uleh Nabi
Sibayek ‘Arabi nyobit gata
Ubak ‘Umar sabda Nabi
Nyan Baduwi jinoe ta aja

Umar peureunoe peurintah Seumayang
Laen sibarang zakeut puasa
peureudlee sunat neu peuturi
Tanyong Baduwi bak Saidina

Ya Rasulullah pakri untong
Nyangka Suemayang ngon puasa
Na ‘Umrah deungon Haji
Thawaf Sa’i geunap thon na

Teuma nyang hana meungbri zakeuet
Pakri najeuet ‘amal nyang na
Seuot Nabi tanyong Baduwi
Seureuta lagi sumpah neuba

Duemi sibeunar Tuhan bangket lon
Ateuh gata dum sigala donya
Beuthat Seumayang beuthat Haji
Meunghan tabri zakeuet areuta

Sumayang han geutueng Haji teuboih
‘Amal gadoh sia-sia
Lalu jiseuot uleh Baduwi
Ya Habibi sibeuna kata         – 164 –

Silama hudep meungna beukai
Hanku tinggai suroh gata
Peurtama Suemayang keudua Zakeuet
Suebeulum wafeuet na areuta

Teulheueh nyan Baduwi woe u Thaif
Jihoi habeh dum syeedara
Na tadeungo karong wali
Lon bak Nabi banlon gisa

Ulon teuka Nabi peubeuet
Seumayang ngon Zakeuet neuyue keureuja
Barangsoe Suemayang zakeuet han jibri
Mate kafe iman hana

Sajan munafek jih meusapat
Ureo kiamat di Padang masya
Khaba Baduwi ohnan tamat
Nyoe laen lom he aneuknda

Abi Hurairah cit riwayat
Nabu Muhammad cit calitra
Teuka sidroe ureueng lakoe
Jijak su-eue bak Saidina

Ji tanyong zakeuet padum bagi
Jaweueb Nabi neukheun lima
Bak ureueng agarien limong bagi
Nam bak ghani ureueng kaya
– 165 –

Kareuna gobnyan na mudahan
Nyankeu nam ngon zakeuet areuta
Limong peukara wajeb taboeh
Tuhan suroh ateue gata

‘Ajib sahbat sabda nabi
Lon jisudi peue-peue lima
Zakeuet areuta nyankan saboh
Nyan limong tog he Saidina

Bak ureueng gasien limong bagi
Neu peugah peue-pueu he Maulana
Mangat lon boeh barang kajan
he janjongan peu-peu lima

Sabda Nabi ‘alaihissalam
Nyang phon tua zakeuet mata
Zakeuet lidah ka dua peue
keulhee jinoe zakeuet teulinga

Zakeuet jaroe zakeuyet gaki
Han jeuet han tabri dum teurata
Ya Rasulullah ya Habibi
Pakri lonbri zakeuet mata

Zakeuet mata bek talihat
Ubak ‘aurat manusia
bek takalon nyang inginan
Dum peurbuatan nyang lam donya        – 166 –

Beutatem moe takot keu tuhan
Nyankeu lheeban zakeuet mata
…….. (hana leumah) ……………
…………………………………………

Zakeuet geuliyueng tadeungo bang
laen sibarang suroh Rabbana
Bekta deungo tuto nyang jeujeuet
Miseue meugupat ngon peusuna

Zakeuet lidah bek meugupat
Tuto jahat bek takata
bek ceumarot bek meusumpah
Bek tapuegah nyang sia-sia

Malenkan takheun Astagghfirullah
Zikirullah tabaca do’a
Laen nibak nyan beuet Quru’an
Zakeuet lisan nyangka nyata

Zakeuet jaroe bekta mat gob
Malenkan saket nyan syeedara
Areuta hareuem ngon syubat
Bekta mat-mat areuta riba

Buet hareuem bek keunong jaroe
Beuthat adoe ta peulara
Zakeuet gaki bekta teubiet
Jak bak maksiet darohaka

– 167 –

Bek tajak nak rumoh sidlalem
Ureueng nyang kayem meun-enanya
Bak rumoh ureueng kuat meureubot
Page geutot sajan ngon gata

Bak rumoh nyan banci Tuhan
Miseue nyan rumoh beurahla
Miseue jambo madat judi
jambo  gle ‘unsyor kuala

Jambo tahoe jambo geundrang
Dum sibarang nyang buet deesya
Nyang mei tajak u Baitullah
Mesjid Binasah teumpat Ulama

Soetem bri zakeuet nyan limong peue
Ateueh kamoe wajeb Syuruga
Syuruga keujih ulon angkee
Meunan panghulee neu meusabda

….. (hana terfotocopy) …..
Ohnoe kisah saboh tangga
Oh habeh nyan leumah laen
Maken masen nibak nyangka

Ho siuroe maken leubeh
Miseue bijeh lheueh geupula
Beungoh puteg seupot ijo
Leubeh laju kureueng hana        – 168 –

Meunggoh masak meu-ek sabe
Meunggoh mate mantong buet na
Tambeh nyang peuet blah wahe abang   14)
Pancuri seumbahyang jeuheuet raya

Sabda Nabi Tajul ‘Alam
Tango Polem nyang bahagia
Sijahat-jahat pancuri Suembahyang
Ji piwayang Allah Ta’ala

Tanyong sahbat ubak Nabi
Takheun pancuri pakri rupa
Ji pubuet rukon hana tamam
Sunggoh pihan sang-sang pura

Hana sampurna ruk’uk sujud
Miseue jigrob-grob cangguek sira
Pantah ruk’uk pantah sujud
Mata letlot miseue suwa

Jeuet sira duek ngon beurdiri
beurang kakri meung jutueng na
Sabda Nabi ‘ainun na’im
Deungo Polem khaba Saidina

Samatteungoh Nuraka Hawiyah
Nabi neupeugah alue Nuraka
Wadi Falaq nyan jimeunan
Sit bineh nyan gampong Nuraka
– 169 –

Tujohploh ribee nyan teurseubut
Maseng tabuet bilek Nuraka
Dalam bilek ‘azeueb le bagoe
Sahbat tanying soe keunan geuba

Nyonyan teumpat kafee Nasrani
Jaweueb Nabi nyan neukheun La
Teumpat nyan kon di Nasrani
Teumpat ummaty tujoh peukara

Teumpat umat lon tujoh bagoe
Jih ngon kamoe sitree raya
Soe-soe tujoh he panghulee
Beumeuteuntee neu calitra’

Seuot Nabi ureueng tujoh
Phon nyang tukaih gob meuzina
Keudua ireueng nyang na sumbahyang
Suereuta jipeugang deesya besar

Suemayang na maksiet han padoe
Nyankeu asoe alue Falaqa
Keulhee ureueng gob jibunoh
Ureueng jipoh hana deesya

Peuet ureueng jak bak raja dhalem
Keunan kayem jijak peutaka
Keulimong ureueng nyang ba fitnah
Ji peubantah manusia        – 170 –

Nibak zina ngon jipoh gob
Leubeh bacur nyang nyan deesya
Keunam ureueng pancuri Seumbahyang
Ji muwayang pura-pura

Hana samporna ru’uk sujud
Tuhan makbut ji peuseunda
Jeuet siranduek jeuet sirandong
Ji Seumbahyang meung jituengka

Ji peugah rukon nyang phon
Suembahyang nyan sia-sia
Keutujoh ureueng tinggai Suembahyang
Lale bimbang ngon buet donya

Geunap lhee uroe meuteu turot
Meuhat geutot dalam Nuraka
Jih keutempat alue bunoe
Ban droe keunan geuba

Nyankeu asoe Wadi Falaq
keunan geutiek page teuma
Laila haillallah
Ta peumeu’ah ya Rabbana

Nyangka salah ulon taubat
Lon salah that ya Rabbana
Jinoe han le beurang kajan
beurekat janjongan Nabi Mushthafa

– 171 –

Nyankeu aneuk pikee keudroe
Hudep teunyoe han meusampe
Nabi nyang leubeh nibak geutanyoe
Hana sidroe pi nyang nale

Beurang kapeu nyang meunyawongAgam Inong dum jisare
Hana sidroe nyang na silap
Malikul Mawot sit jirabe

Melk Mawot muka lethat
Sadum ngon rakyat sagai bube
Jaroe gaki le bak badan
Mata pi meunan han-ek kheunle

Oh ka mate sidroe indan
Buta mata nyan hansoe euele
Gaki hanle jaroe gadoh
Hana meutamah kureueng sabe

Meungka hudep hana peu kheun
Meuhat bandu sit tamate
Tuhan meujanji dilee ngon Intu
Duengo Teungku aneuk boh hate

Yoh neupeutron Adam u bumoe
Lafai sinoe pilon hadler
Wabni lilkharbi walid lilfana-i
makna lonbri sineo hase        – 172 –

Wahee Adam peugot jinoe
Page dusoe napeu reule
Wahe Adam meu-aneuk cuco
Dudoe hepo napeu mate

Nyankeu janji yoh sabohroe
He aneuk droe beuta pike
Hudep tanyoe sang-sang hana
Page teuma muroe mate

Dilee pitan dudoe pihan
Hudep teunyan sang hanale
Laila haillallah
Jineo lon kisah Jadid bin ‘Atha

Dalam tambeh nyang limong blah          15)
Ngonlon peugah he syeedara
Kareuna Jadid na dua droe
Tango jinoe linlon calitra

Sidroe kafe sidroe Islam
Meuteumeung meunan lam calitra
Geuyue teung nyawong Jadid bin Farek
Roh jitarek Jadid bin ‘Athaa

Jadid bin ‘Atha dua blet mate
Tadeungo he dum teurata
Laen mate sit siblet-blet
Malen Jadid deungon raja
– 173 –

Jadid deungon raja Jamjomah
Masa khlaifah Nabi ‘Isa
Jadid masa Rasulullah
Ureueng Madinah Ibnu ‘Atha

Cuco Jureh rahimullah
Riwayat anas sahbat mulia
Riwayat Anas aneuk Malek
Ngo he adek khaba Saidina

Siuroe lon duek ngon Nabi
Tron Jebra-I bak Saidina’
Oh lheueh saleum tahyeuet haluan
Jebra-I kheun bak Saidina

Ya Hanini saboh hikayat
Sit that mangat hana tara
Sidroe ureueng hudep lheueh mate
Sineu sit hadled umat gata

Jadid bin ‘Atha ibnu Jareh
Sinan shareh dum peukara
Nyawong jikatroh bak langet tujoh
Habeh ji eue deueh Syuruga Nuraka

Nekmat ‘azeueb habeh jitukri
Ya Habibi cuba Tanya
Supaya jideungo uleh sahbat
Jitueng  ‘ibarat dum jirata         – 174 –

Habeh haba neuwoe Jebra-i
Jinoe Nabi neu meusabda
Wahe Bilal tadeungo kamoe
Tatueng keunoe Jadid bin ‘Atha

Jakleh tahoi cuco Jareh
Kumeungsarehdumpeukara
Bileue jakle troh bak Jadid
Peugah narit sabda Saidina

Wahe Jadid teurpanggilan
Ubak janjongan jinboe beusigra
Jadid beudoih cok peukayan
Bajee Syeuruban Kawoh Mauza

Jadid pithoh ubak Nabi
Neu sujudle pantah sigra
Assalamu’laika Aiyuhan Nabi
Teuma neuduekle dinap Saidina

Ubak Jadid tanyong Nabi
Bitka mate siblet gata
Oh lheueh mate teuma hudep
Seuot Jadid neukheun bitna

Bitnyo meunan wahe Saidina
Oh lheueh mate hudep hamba
Bukirt meunan wahe Jadid
Le ‘ajib bit ta eue digata

– 175 –

Jinoe tapeugah ubak kamoe
Beurang peue nyang kalon gata
Nyan diphon kon beuta peugah
Jineo tapeugah hai bin ‘Atha

Seuot Jadid hai Habibi
Allah keutahwi deungon gata
Gata nyang thee ya Rasulullah
Jinoe lon peugah asai mula

Siuroe ulon duek dipeukan
Teukeudi Tuhan ateuh hamba
Watee dhudo reubah uroe
Tuboh lonnyoe bratnyum rasa

Asoe peudeh urat meutoto
Saket laju meugeu ganda
Teuma ulon plueng uyubmoh
Make leumoh hanle suara

Ulonteu marit hana jeuetle
Teuma geurande ateueh keuta
Teuma naz’antropologi apoh apah
Ya Rasulullah han-ek lon saba

Lheueh nyan teuka saboh kawom
Tamong baklon he maulana
Peunoh rumoh hanteurbileueng
Rupa miseue kleueng raya-raya        – 176 –

Saboh kawom teumalom troh
Rimueng buloh ulah rupa
Saboh kawom treuet miseue rimueng
Deueh lon pandang he Saidina

Nyang kawom nyan dong bak pinto
Han tajeuet eue hibat raya
Kukeumeuang marit kaklo lidah
teuma leumah lomka teuka

Bandum teudong nobak pinto
Nibak laku han sapeue sa
Teulheueh nyan jipeurap ubak kamoe
Geumat lonnyoe jimeueng cok nyawa

teuma jikheun uleh kawomdroe
Kon sijih nyoe nyag darohaka
Sinyoe na jikheuen Laila haillallah
Yakin jiminah laen teuka

Nyang mise kleueng he panggulee
Duek rap ulee toe ngon hamba
Jikheun bak kawom sang rimueng
Jak tariwang ban sineuna

Kareuna sijih nyoe na kalimah
Laila haillallah na ji baca
Keu Nabi na ji meuiman
Keu Tuhan na jipeucaya
– 177 –

Meunyum bak hate ya Rasulullah
Zabaniyah asoe Nuraka
Hibat sangat beungeh hansoe
Han jeuet sidroe teuntang mata

Teuma nyang duej geunireng lon
Meunoe geukheun he Maulana
Kacok rijang na tajak woe
Punca taloe jimat sigra

Suereuta jikheun ngon Bismillah
Jimat pantah taloe nyawa
Ohba leungo punca taloe
Hanle asoe bank nyum rasa

Saket kuthat hai panghulee
Sang jeuet keuabee tuleueng nyangna
Malaikat nyang mat punca taloe
Hana sidroe mei tapeusa

Laku hibat han teurpeugah
Nyang na leumahmeung aneuk mata
Nyawong teubiet ka halane
Trohle jime ija sutra

Lam ija nyan nyawong geubalot
Geupue-ek ulanget sigra-sigra
Troh bak langet tujoh lapeh
Zabaniayah sinan dumna        – 178 –

Lethat sinan Malaikat
Ceumeuti jimat raya-raya
Ban-ban gunong ceumeuti apui
Ji keumeung sual ateuh hamba

Pakri ngonlon ka geumarah
Jikeumeung poh bak keupala
Teupma jimarit sabe keudroe
Kon sijih nyoe darohaka

Sijih nyoe na tauhid keu Tuhan
Sitna iman dalam dada
Lheueh nyan jiba bak Malaikat
Peutua nyang mat bhah Nuraka

Nyang nyan leubeh nibak laen
Ulon teukalo hibat rupa
Pakri ngon raya hana bagoe
Hana sidroe banding rupa

Ateuh kurusi diteungoh Jahnam
Rupa nyan ban manusyia
Sinan ulon eue bajee lethat
Jeuneh alat asoe Nuraka

Lon eueu geuba ureueng keunan
Sidroe indan nyang darohaka
Ohtroh keunan geuboh alat
Geupeusok lethat bajee Nuraka

– 179 –

Peuetploh lapeh geupeusok bajee
Teuma dilee lom geuhila
Geuboh rante nibak takue
Lom geuhue-hue hana reuda

Lheueh nyan ulon geuba keunan
Keumeung bohnyan ‘azeueb syeksa
Ohtroh ulon teudong keunan
Geutanyong yohnyan ubak hamba

Geutanyong lon nama keusoe
Peue bunanggroe toh ayahanda
Ayah soenan cuba peugah
Nameung sareh ku peunyata

Na kukalon dalam surat
Na kulihat dalam daftar
Ulonteu Jadid nanggroe Madinah
Nama ayah geukheun ‘Atha

Ban geudeungo lon kheun meunan
Geungieng bak rakan ateueh tantra
Na tadeungo wahe rakan
Ajai gohlom Jadid ben ‘Atha

Jak peugah bah Malek Mawot
Beuttan karot roh meutuka
Geuyue tueng nyawong Jadid ben Farek
Ka meubalek roh ben ‘Atha        – 180 –

Jadid ben Farek yang hak mate
Hanle raseuki dalam donya
Raseuki hanle ajai sampoe
Lagi asoe ji Nuraka

Malaikat teuma jak peugah
Buettan salah roh meutuka
Tadeungo he Malek Mawot
Buat teukarot silangoina

Tan pareksa han tasidek
Kuyue ben Farek tacok ben ‘Atha
Kayue tueng nyawong Jadid kafe
Lom geusudi ubak hamba

Wahe Jadid pakri jinoe
Na takeumeung woe ulam donya
Sinoe hanjeuet taduek sajan
Beungeh rakan kee keu gata

Rezeuki mantong umumgoh sampoe
Gotkeu tawoe dilee u donya
Lagi Nabi neu keumeung marit
Kayue intat nyan u donya

Ta eue keujinoe ‘azeueb Allah
Mangat tapeugah troh u donya
Supaya najeuet ke ‘ibarat
Sigala rakyat umat lam donya
– 181 –

Lagi tabandeng ngon ‘amal droe
‘Amai teukeunoe nyangka taba
Siteungoh got situengoh jeuheuet
Pakri ku pubuet ateueh gata

‘Amal gata lhee reutoh namploh nam
Nyang keubajikan laen gata
Keujahatan pisit dumnan
Pakri balaihnyan ateueh gata

Badai ‘amai nyang keujahatan
Kupoh teunyan ku peusyeksa
Geumeung pohlon geupeu takot
Yokeu atot miseue geumpa

Teuma geukheuen bek katakot
Kahmeu ‘azeueb ateueh geunta
Jinoe kawoe kah u nanggroe
Jak eue jinoe asoe Nuraka

Banlo deungo geukheun meunan
Lonkheun na’am he Maulana
Zabaniyah teuma
Ji peukan asoe Nuraka

Phon lon tamong saboh pinto
Leumah beuleunggu rante ngon singkla
Geuboh rante jaroe gaki
Teuma geutadi dengan cokma        – 182 –

Geusakai ngon cokma bate
Beukah ulee kajeuet dua
Cokma hanco ulee beukah
Roh lam babah bate nyangna

Ji’eut bate jipeurreulan
Tutong badan hangoh dada
Dalam babah miseue geusinthong
Keudeh rot punggong dum keulawa

Malaikat deumpek hana bagoe
Rasa keunyoe hai ceulaka
Sangkira troh suara Malaikat
Mate rakyat sagai donya

Bak Malaikat ulon tanyong
‘Azeueb keuning peue kareuna
Peue peurbuatan yoh dibumoe
Takheun jinoe peue kareuna

Nyankeu sabab  tudoh mudoh
Nyankeu geuboh ‘azeueb syeksa
Leumah lom TEUMA SABOH KAWOM
Lidah bandum tesuet uluwa

Geugantung ngon lidah gantoe taloe
Lom ngon lidah hana reuda
Oh geusakai lidah puntong
Ka teupunggong lam Nuraka

– 183 –

Teuma teusuet lidah panyang
Lom geugantung miseue mise nyangka
Teulheueh nyan geupoh miseue bunoe
Hana laloe sikleb mata

Phon jinoe troh ankiamat
Hana siat nyang na reuda
Lon tanyong bak malaikat
Munafek that neukheuen kawomnya

Nyankeu kawom yang munafek
Murtad zandek yohlam donya
Bak Malaikat teungoh lon sidek
Jadid bin Farek katroh geuba

Teuma laju geupeusok bajee
Hana lagee geupeu syeksa
Malaikat kheun teuma baklon
Ka eue kiban hai ben ‘Atha

Sangkira konkah Islam
Bajee mujam yang karasa
Malaikat kheun hanpeue salah
Dumpeue dikah ka karasa

Jiyue bal on bak Zabaniyah
Jiyue peuleumah kalon syuruga
Kakheun saleum lon keu Malek Ridhwan
Keu sijihnya peuleumah Syuruga        – 184 –

Beuka peugah umat Muhammad
Saket mangat ka jirasa
Malek mawot pika tueng nyowong
Teupati han keunongroh meutuka

Peukalon Syuruaga keujih siat
Penyaket lethat ka jirasa
Asoe nuraja pika ramah
Ta peuleumah jinoe Syuruga

Troh jibalon bak Malek Ridhwan
Ban geuyue kheun ji peukhaba
Malek Ridhwan tanyong baklon
Pakri iman keu Allah Ta’ala

Cuba kakheun kalimah syahadat
Ngun Muhammad sinan dua
Ulon kheun Asyhaduallaa ilaha Illallah
Waanna Muhammadan Rasulullah
Pinto Jannah
Geuyue buka

Ulon tamong dalam Jannah
Nyang phon leumah Hudh Kalkausar
Lon eue cinu  dum meulo-lo
Lon eue bate dum meucahya

Dum meupseupeuek dibineh krueng
Mise bintang hu meunyala
Teuma lon tanyong bak Malaikat
Seupo teumpat indah hantara
– 185 –

Teuma seuot Malaikat
Nabi Muhammad nyang empunya
Ulon yanyong bak Malaikat
Dilon na teumpat dalam syuruga

Teuma seuot Malaikat
Mukmin meuhat asoe Syuruga
Meungnyo mukmin hanpeue tanyong
Agam inong keunan geuba

Keusoe laen sit han geubri
Sabab ka jangji keu ureueng taqwa
Nekmat Syuruga lethat ‘ajab
Han-ek hisab gadoh keukira

Muhammadur Rasulullah
Potallah thee sibeuna
Habeh lon eue syuruga ngon asoe
Kuyue puwoe lon bak nyangka

Ohtroh geupuwoe lon ubak sot
Malaikat tanyong ubak hamba
Asoe Nuraka ka talihat
Na tadapat nyang na reuda

Deumi Allah Tuhan qudrat
Malam Jum’at nyangna reuda
Tuhan yue piyoh dumna kamoe
Singoh siuroe troh ansinja        – 186 –

Siuroe simalam snyang han azeueb
Geunab thon jeueb beleuen Puasa
Buleuen puasa lhee ploh uroe
Beurang kasoe ‘azeueb hana

Teulhueh nyan lom he Habibi
Geutanyoengle ubak hamba
Wahee Jadid ngo kupeugah
Umu dikah padum treuet na

Padum na thon padum buleuen
Uroe padum cuba kata
Ulonteu jaweueb Laa ad-rii
Lom geusudi he Maulana

Na kakheundak beuka tudum
Lonkheun na’am he Saidina
Malek neukheun bak Malaikat
Jakleh intat saho treuet kaba

Jak kaba bak Malek Muwakkil
Nyang keurani kira-mira
Sigala umum makhluk allah
Bak jih meu’oh surat jina

Jak kapeugah umat Muhammad
Mate ghalath roh meutuka
Tayue peugah keu sijihnyoe
Padum uroe trueut umu na

– 187 –

Teuma jiba lon bak Zabaniyah
Ban nyang bak titah Malakul Kubraa
Troh jiba bak Malakul Ajal
Lon geusu-eue soe bunama

Aneuk seupo nanggroe keupat
Geucok suratle geubuka
Ulonteu Jadid nanggroe Madinah
Nama ayah geukheun ‘Atha

Teuma geubaca surat shahiifah
Dalam Madinah Jadid hana
Malaikat lom tanyong baklon
Dua peue nan saleh gata

Bit dua peue he ya Saidi
Yoh prang sabi ulonteu na
Leupah ayah neujak bak prang
Lon digampong uroe nyan na

Ma lonboh gla ‘Abdul Majid
Padum lawet neuwoe bapa
Ohwoe bapa neukheun Jadid
Nyan sabet dua nama

Ban geudeungo lon kheun meunan
Geukheun na’am nyoban kata
Nama dudoe hana lon boeh
Mantong jeuoh umu gata        – 188 –

Dua ploh thon lhee blah buleuen
Nyan mangat kheun dua plohsa
Lheueh nyan sibuleuen saboh saat
Ohnan keuhat umum gata

Nyankeu umur wahe Jadid
Taubat beukeubit yohna masa
Jak kawoe keudeh u bumoe
Jak keubah dhoe ba Mushalla

Teuma jipuwoe baksot kamoe
Meungo jimeuhoi Malakul Kubraa
Ya muwakkil Malek Mawot
Tajak intat nyawong sigra

Malakul Nasyar nyang mise kleueng
Nyawong jibaplueng sigra-sigra
Ladom jibaplueng ubak kubu
Ladomjak eue urumoh tangga

Jadid teungoh geuseumanoe
Rap geupasoe lam kheureunda
Teungoh geubalot dalam gafan
Teungoh geuligan mawo ngon ‘Atha

Teungoh geuboh ceundana gafo
Ladom ‘umbar ngon komkoma
Teuma geuboh nyawong lam babah
Teubietle naf’ah hudep hamba
– 189 –

Nyankeu hailon ya Habibi
Ka sikali mate hamba
Laila haillallah
Tamat kisah Jadid ben ‘Athaa

Nyankeu nyang na duablet mate
Laen beurangri siblet pahna
Sit hanale tateumeung taubat
Meunghan takarat yohgoh pahna

Teuma sidroe treuet raja Jamjommah
Kagob kisah dilee mula
Hana peuele sinoe seubut
Hana maksud sabab kanyata

Nyangka leumah ta isyarah
Nyantan leumah ta peunyata
Ta peungo bak nyangna geulinyueng
Tanyue pandang bakna mata

Tayue ji meucok nyangna jaroe
Tayue geumeubeue nyangna teuga
Tayue ceumeulho nyanggot gaki
Tayue pancuri nyangna biasa

Tayue teumeuroh bak nyang aman
Ta mubisan nyang sibangsa
Ta meukawen nyang sikufu
Ta ceumuru jalan agama         – 190 –

Ureueng beuhe tayue meutak
Ureueng nyang bijak tayue meukhaba
Ureueng nyang tayue beuta kalon
Ban idaran ala kada

Roh treuet tanyue bakkon teumpat
Mate saket srot suara
Meugroh tayue bak nyang patot
Adat tadhot hana khaba

Miseue tayue beuet bak ureueng ‘alem
Miseue tayue tem buet sibeuna
Miseue ta linteueng buet nyang katrot
Adapt tadhot hanjeuet dawa

Ta peuleumah nyangka ji eue
Bitpi tako  sia-sia
Miseue tasom nyangka jithee
Mise ta suebee nyaghan nyata

Miseue talakee nyangka jibri
Miseue tasudi nyangka nyata
Taba jikayat bak situloe
Miseue uroe pasang peulita

Miseue peukayan nyang that indah
Ta peuleumah bak sibuta
Miseue neujak jikheun na keunoe
Miseue ka neuwoe jikheun neuteuka

– 191 –

Ban lhee lafai geupeujeuet keu saleuem
Ohta peuyum sia-sia
Ohta pike dum peurbuattan
Lethat jalan sia-sia

Buet nyang kalheueh lhee peuet uroe
Teuma jinoe geumeukira
Buet nyang kalheueh keupeue tapeugah
Adapt salah pakri bicara

Miseue tajak bak khanduri
Roh bu basi geubri keugata
Kalheueh tapajoh ka ngon tawoe
Teuma jinoe gata kira

Keupeue jeuet takheuen meuntah basi
Geutem geulayi geujak maba
Adat gohlom na faidah
Mei tapeugah singoh lusa

Nyoe nyang hase dua meudlarat
Saboh upat desyaa besar
Nyang saboh treuet saket hate
Han jihoile beurangjan gata

Laila haillallah
Ka meutamah lhee peuet banja
Sabab meuteuoh raja Jamjommah
Gaseh Allah dua seun pahna        – 192 –

Adat meungkon dua blet mate
Han neuwehle lam Nuraka
Dalam Nuraka nyang jeuet geurhueng
Sabab meuteumeung ulee ngon ‘Isa

Muhammad Rasulullah
Tambeh namblah lon calitra                    16)
Alhamdulillah karap seuleusoe
Lheueh tambeh nyoe saboh treuet na

Beureukat mukjizat panghulee Nabi
Beu Allah brie k samporna
Namblah tambeh ‘azeueb kubu
Aneuk tangi kucalitra

‘azeueb kubu droesit wajeb
bukit hantreb siat ohna
calitra Ka’ab sahbat Nabi
Deungo sare dum teurata

Siuroe limong blet kubu meuhoi
Jikheun meunoe keu manusyia
Kadeungo he aneuk adam
Kajak jak dum ateueh hamba

Singoh kalob dalam pruetkee
Nyankeu dilee beuka kira
Sineoe bandum aneuek Adam
Keusukaan ateueh hamba
– 193 –

Dalam pruetkee dawok kamoe
Malam uroe ro ie mata
Nyoe deungo lom aneuk Adam
Ateuh rueng lon darohaka

Dalam pruet lon ‘azeueb sosah
Beuyum kaweh sikle mata
Ka deungo he aneuk Adam
Pajoh makanan ateueh hamba

Maleue haeuem ka peusaban
Keuinginan nafsu hawa
Dalam pruet lon ulat pajoh
Habeh runtoh tuleueng nyangna

Meunan jikheun geunap uroe
Sitlam jihoi hana reuda
Saidina ‘Usman ibnu ‘Affan
Deungo Kaman lon calitra

Bukit neuduek ateueh kubu
Neumoe meu’u’u hanatara
Hingga basah sunnah rasul
Dalam syuwoi duka cita

Teuma geutanyong bak tuan Usman
Pakon janjongan meunan gata
Geupeugah Nuraka hana neumoe
Ateueh kubu nyoe duka jina        – 194 –

Lalu neu jaweueb Saidina ‘Usman
Teuingat lon khabar Saidina
Neukheuen kubu nyan phon teumpat
Nanggroe akhirat nyang peurtama

Meung seulamat bak teumpat nyan
Bahya laen muda teuma
Meungken ek lheueh nibak kubu
Laen laju siribee ganda

Kata ‘Abdulah ibnu ‘Abbas
Rasulullah phon calitra
Miseue manyet dalam kubu
Deungo Teungku Nabi peukhaba

Na tames ban ureueng karam
Meung jipreh jan lham dalamnya
Nyankeu mise ureueng lam kubu
Jipreh Ma-Ku lakee do’a

Jipreh do’a rakan sahbat
Ji meuhajat do’a syeedara
Ohtroh do’a keu ureueng mate
Mangat hate jitan tara

Leubeh bak tabri langet bumoe
Mate jinyoe sangat suka
Do’a keujih Tuhan peutamong
Ban-ban gunong neubri pahla

– 195 –

Gaseh geutanyoe keu ureueng mate
Takhanduri talakee do’a
Talakee ampon ureueng lam kubu
Nyankeu Teungku tulong syeedara

NIseue calitra Abu Qalabah
Tuan nyan peugah saboh calitra
Lon bungka di Syam u Basrah
Ulonteu piyoh sikutika

Troh u Khandak keunan malam
Ulonteu dom nyan disana
Teuma lontueng ie seumayang
Bukon bubarang teunget mata

Neu Suemayang dua rakaat
Suemayang hajat neulakee do’a
Teuma meu-eh ateueh kubu
Hana laku teungeuet indra

Na sikeujab teungeuet pansan
Dudoe nibak nyan lalu jaga
Neungo ureueng meuhoi lam kubu
Meunoe laku geumeu khaba

Wahe Teungku peusaket kamoe
Bak malam nyoe he Maulana
Teungku hana neuthee kamoe
Adeueb menyoe hanatara        – 196 –

‘Amal Teungku kamoe tuban
Neu lakee ampon he Maulana
Lheueh nyan jikheun ureueng lam kubu
Tango Teungku ulon peukhaba

Dua rakaat Sumbahyang sunat
Teuleubeh got nibak donya
Nibak donya ngon asoe-asoe
Beurang kasoe Suembahyang jina

Jazallahu ahlud dun-ya ‘annaa khairan
Saleuem seukalian keu asoe donya
Pahla do’a ban-ban gunong
Keunoe jitamong ubak hamba

Nyoelom calkitra Abu Qalabah
Ulonteu leumah saboh rahsia
Bak simalam ulon meulumpoe
Hantom puroe dilee nyangka

Neu lumpoe kubu d bandum teuhah
Ureueng leumah dum diluwa
Ulonteu kalon dum teuduek-duek
Bak bineh uruek bandum rata

Rata dinap dumna tabak
Rupa nibak pirak safa
Dalam tabak peunoh asoe
Dum sibagoe makanan Syuruga
– 197 –

Ulon teu tanyong bak uereueng nyan
Pane tabak nyan dum meucahya
Teuma jipeugah ubak ulon
Pahla aneuk lon ji meudo’a

Pahla do’a rakan sahbat
Seudeukah lethat keulon pahla
Teuma ulon eue ureueng sidroe
Hana lagoe tabak digata

Dilon Teungkeu hana sapue
Hana sidroe tem meudo’a
Aneuk pina dilon bangsat
Han sapue jeuet jimeudo’a

Seudeukah keulon hantim jibri
Aneuk kikir kriet lagoina
Nyankeu dilon hana tabak
Malee lon bak ureueng nyangna

Habeh haba ka jipeugah
Abu Qalabah lalu jaga
Ureueng nyang mate pineu tusoe
Beungoh uroe neuhoi aneuknda

Wahe aneuk ulonteu lumpoe
Malam baroe ayah gata
Sigala ureueng asoe kubu
Leumah lon eue ban sineuna        – 198 –

Bandum dinap na hidangan
Lon eue nyangtan meung Du gata
Ulonteu tanyong ubak ayah
Pane hadiah digob rata

Digob na aneuk geudum ‘alem
Suentok kayem jilakee do’a
Lagi kayem ji khanduri
Jiyue fakir lakee do’a

Meunan pina aneuk bangsat
Lagi kriet that hanatara
Hantom jeulon jibri seudeukah
Hantom sipatah keulon do’a

Meunan neukheuenhe aneuk droe
Pakrie jinoe ayah digata
Ji deungo khaba Abu Qalabah
Peunoh limpah ngon ie mata

Jineo Teungku ulon taubat
Hanle lon kriet ke areuta
Lonbri seudeukah he panghulee
Beujeuep watee lon meudo’a

Meunan nyangkot aneuk Teungku
Saying that du han sapeue na
Digob rata pajoh makanan
Di Du teunyan lapar dahaga

– 199 –

Padum lawet teuma dudoe
Klon meulumpoe Abu Qalaba
Dua tungki dinab Du Sijihnyan
Saboh hidangan nyang that raya

Rayek nibak hidangan soelaen
Manyang pi meunan troh ohdada
Asoe idang hanpeu suebut
Ban nyang patot idang raya

Ban jikalon Abu Qalabah
Jazakallag ‘anny khaira
Meunan jikheuen simate nyan
Sabab janjongan meutuah hamba

Leupah ulon nibak adeueb
Gadoh ‘ayeb bak syeedara
Sabab aneuk ji khanduri
Sabab han lale ji meudo’a

Laila hailallah
Abu Qalabah ohnan calitra
Sabda Nabi tajul ‘alam
Deungo polem dum teurata

Proehai mate sidroe mukmin
Nyang na iman dalam dada
Peilukot donya hadap akhirat
Tron Malaikat han teurkira        – 200 –

Muka putehban mate uroe
Gafan dijaroe ngon ceundana
Gafan nibak kayen Sundusen
Ija geupeutren dilam syuruga

Ceundana geume dalam Jannat
Malaikat han teurkira
Teuma teuka Malek Mawot
Teuduek meuthat teuntang keupala

Malek Mawot meuhoi nyawong
Bukon bubarang leumoh suara
Wahe nyawong keuilokan
Geumar Tuhan ttat keugata

Jinoe tateubiet dengon mangat
Kamoe Hadlarat yuetueng gata
Nyawong teubiet teuma keudroe
Hana sapeue meuyum rasa

Na tamseban rhoh ie ujeuen
Miseue srot ie mbon di udara
Jisambotle Malaikat
Nyawong jimat dum jirata

Hingga troh bak nyang mat gafan
Ballot sajan ngon seuksama
Ka meuhambo bee kasturi
Sigala bube peunoh donya
– 201 –

Jipeu-uleh Malaikat
Ubak langet nyang peurtama
Malaikat laen dum teumanyong
Pane nyawong keunoe taba

Nyoekeu nyawong ureueng mukmin
Tabuka tuan pinto sigra
Lheueh nyan geubuka pinto langet
Peu-ek leugat nyawong geuba

Bak sipaleh ubak sipaleh
Hingga habeh langet nyangna
Tujoh lapeh langet leupah
Uyub ‘Arasy leugat jiba

Tron firuman nibak Tuhan
Amai jihnyan nyawong udonya
Jakleh puwoe nyawong bak tuboh
Jakleh kaboeh lam Syuruga

Malaikat keubah surat
Neuyue intat nyawong udonya
Jakle puwoe nyawong bak tuboh
Jakleh kaboeh lam keureunda

Ohtroh nyawong dalam jeurat
Malaikat teuka dua
Sidroe Mungkar sidroe Wa Nangkir
Jijak su-eulele man Rabbuka        – 202 –

Ji jaweub Allahu Rabbi
Jisudi man Nabiyuka
Ji seuotle Muhammad Nabi
Ji tanyongle Ma Dinuka

Agama lon agama Islam
Ji tanyong Ma Imamuka
Kawom muslimin syeedara lon
Malaikat kheun sabet beuna

Baitullah kiblat ulon
Teuma jikheun Man Ikhwanuka
Kawom muslimin syeedara lon
Malaikat kheun sabet beuna

Su-eue pilheueh jawueb hase
Sitka hadler dalam dada
Firman Tuhan bak Malaikat
Jakleh ka intat peukayan Syuruga

Kaba hamparan baitai suson
Tilam ka peutron deungon keuta
Jipot angen dalam Jannat
Dirui mangat lam kuburnya

Ngon beebeewan han teurpeugah
Kubu luah siteuntang mata
Teuka sidroe ureueng lakoe
Peukayan diasoe han-ek hareuga

– 203 –

Keureuncong meueh nibak gaki
Biramani euntuek di dada
Lom euntuek meuh siploh taloe
Glueng dijaroe ganceng bak dada

Peunoh incien duablah jaroe
Bajee diasoe meukasab ruma
Pakri ngon rupa that samlakoe
Cahya gugoe sang meutia

Peugeueh kubu kande meuriti
Lethat baghi peukaya Syuruga
Ban jikalon ureueng lakoe
Manyet tanyong soe pane gata

Ulon nyoe ‘amal nyang keubajikan
Lonjak sajan peungon gata
Phon jinoe troh ankiamat
Nyankeu nekmat dalam kuburnya

Bukit mate ureueng maksiet
Nyawong ji teubiet ngon seungsraa
Ji teubiet  nyawong sangat ‘azeub
Nanyum teulheuep tuboh nyang na

Malaikat nyang teung nyawong
Nadum arang hitam muka
Lagi beungeh bukon bubarang
Menjeuet tapandang saket keupala         – 204 –

Sajan ija jime sikhan
Jeuneh peukayab nibak Nuraka
Melek Mawot duek rap ulee
Meunoe lagee jiseuru nyawa

Ka duengo he nyawong nyang keuji
Amarah Rabbi teubit sigra
Jitarek yawong sangat adeueb
Rasa teusalop teueleueng nyangna

Na nyu putoh sigala urat
Malaikat beungeh raya
Jicok uleh Malaikat
Teuma jibalot dalam ruja

Bee jih pikh’ing nibak bangke
Sigala bubeateuh donya
Teuma geupeu-ek nyawong ulanget
Pantah sangat laju jiba

Malaikat alaen dum teumanyong
Pane nyawong keunoe taba
Nyoekeu nyawong nyang that khabeh
Nyawong sipaleh darohaka

Jiyue buka pinto langet
Malaikat dum ji meudawa
Bek kapeu-ek nyawong silaknat
Jak intat lam Nuraka
– 205 –

Teuma jitiek nyawong dijaroe
Keudeh teupipoe dalam Nuraka
Nyankeu teumpat keudiaman
Beurang kajan silama-lama

Firuman Tuhan puwoe siat
Jakleh intat dalam kuburnya
Troh lam kubu geusu-euele
Sitka hase Malaikat dua

Ji tanyong Tuhan jitanyong Nabi
Jitanyongle peue agama
Jitanyoeng Imum deungon Kiblat
Seupo umat toh syeedara

Teuma jiseuot La adri
Hana lon tukri dum peurkara
Lheueh nibak nyan na sikeujab
Tron dilanget saboh suara

Kadeungo he Malaikat
Kaba ‘azeueb nilam Nuraka
Teuntang ulee kabuki tingkap
Kamoe adeueb lam kuburnya

Kubu suepot lagi arat
‘Azeub leugat mengeu ganda
Bumoe apet hana bagoe
Tuleueng ngon asoe jeuet keusira        – 206 –

Lheueh nyan meuwoe lom miseue sot
Lom jiapet miseue nyangna
Phon jinoe troh ankiamat
Malam Jum’at nyang na reuda

Uroe Jum’at pisit meunan
Lae nibak nyan buleuen Puasa
Lheueh nyan teuka ureueng lakoe
Ceukok jaroe buta mata

Gaki capiek kh’ieng bee bangke
Ji tanyongle soenan gata
Keekeu ‘a,al nyang keujahatan
Kujak sajan peungon gata

Teuma jikheun uleh manyet
Bukon binget kee hantara
Kaweh keudeh bek dinoe
Adeueb kamoe sabab gata

Teuma seuotle sicapiek
Jinoe tatiek hanho taba
Dilee galak teukue kamoe
Bak uroe nyoe banci gata

Laila laillallah
Tambeh namblah ka sampoerna
Jioe tujoh blah keusudahan                     17
Ngon nyoe tamam Allah karonya

– 207 –

Allahumma shalli ‘ala Saiyidina Muhammad
Wa alihi washahbihi wa salam
Uroe Jum’at seulaweuet keu Nabi
Dumteu sare ta peulazem

Sabih seulaweuet ke Muhammad
Sploh rahmat wahe Polem
Sireuntoh rahmat balas ba siploh
Sit beusunggoh be khan tatem

Pahala seulaweuet neutueng meuhat
Nyanggot sahbat beuk meumusem
Sira taduek sira tadong
Pagi peutang sit beukayem

Bitpi meunan nyang leubeh that
Uroe Jeumeu’at ta peulazem
Uroe tujoh leubeh Jeumeu’at
Meunan riwayat ureueng ‘Alem

UroeJum’at uroe raya
Meuseu suka tapeu t’akdhim
Tabri seuduekah lethat pahla
Soena areuta hate salim

Laen nibak nyan ulonteu peugah
Uroe ‘Arafah nyang meumusem
Seumbahyang Ju’mat Haji sipapa
Manpeue beulanja wahee Polem        – 208 –

Manpeue siwa kapai ‘Arab
Toe nyoe cakap bukit tatem
Uroe Jeumeu’at neu peujeuet Adam
Nyan intu dum sidala Nabi

Sigala insane kafee Islam
Nabi Adam Datu Nini
Uroe Jeumeu’at neu tamong Syuruga
Neu keulawa neutren u bumi

Uroe Jum’at sitka meuhat
Keu Muhammad Tuhan neubri
Soe nyang hantem seumbahyang Jum’at
Kheun Muhammad kon ummaty

Jikheun jih nyp umat ulon
Nyang kusuron jimeu-ungki
Ban nyang kuyue han jiikot
Jihkon umat lon kon Nabi

Uroe Jeumeu’at leubeh fadhilat
Deungo sahbat sabda Nabi
Soe nyang ‘ibadat malam Jum’at
Ampon meuhat deesya beurangri

Uroe Jum’at pisit meunan
Farak jih han malam ngon hari
Nyoe calitra Abi Hurairah
Droeneu peugah Hadih Nabi
– 209 –

Ohsare thoh malam Jeumeu’at
Neukheun gotthat malam ini
Beurang kasoe ji ibadat
Pahla lethat Tuhan neubri

Deesya ampon jih meudeka
Tamong syuruga beurang kari
Soe nyang peubuet keujahatan
Nyanpi meunan lethat rugi

Kareuna malam uroe raya
Tuboh anggeeta dum beusuci
Bek tangui nyang camarleuta
Ban nyang kada Tuhan neubri

Ngui beebeewan munyeuek ‘atha
Laen teuma peue nyang radhi
Ngui beebeewan bak uroe nyan
Sunat bukon jeuet keutari

Ngui beebeewan akai meutamah
Meunan neupeugah uleh Nabi
Bak siseun-seun uroe Keumeu’at
Meurdeka lethat umat Nabi

Sireuntoh ribee bak siuroe
Sigala nanggroe di ateueh bumi
Ureueng nbyang wajeb keunong Nuraka
Nyan merdeka nyang that ‘ashi        – 210 –

Nyangle istighfar malam Jeumeue’at
Nyanpi meuhat Syuruga neubri
Deesya hanle habeh ampon
Meunan neukheun oleh Nabi

Beurang kasoe peubuet sunat
Uroe Jum’at nyan jimandi
Teulheueh nyan jijak u Meuseujid
Samateungoh rot habeh raseuki

Jijak gohtroh deesya ampon
Sabab jiseuon suroh Rabbi
Beuragasoe jak u Mesjid
Ohban teubit matahari

Ji ‘iktiqaf sitji iem droe
Hana sapeue mumet bibi
Lheueh Suebahyang leugat jiwoe
Miseue bunoe toh peureugi

Yuhan yue surat pahla lethat
Dum syafa’at sua ploh Nabi
Meuligoe Syuruga nyang indah that
Zabrujad hijo han sakri

Meuvahya ban uroe
Page dudoe keujih neubri
Dilikot buket qaf saboh nanggroe
Puteh hansoe jroh han sakri

– 211 –

Puteh leubeh nibak pirak
Luah nibak tujohploh bumoe
Peuno disinn Malaikat
Intan jimat dum dijaroe

Intan raya meusurat kalimah
Nama Allah ngon nama Nabi
Ohsare troh malam Jeume’at
Ji meusapat pujoe Rabbi

Bak buket qaf dum meuhimpon
Lakee bak Tuhan leueng ngon  jaroe
Dum jilakee beuseulamat
Muhon rahmat keu umat Nabi

Bekta ‘azeueb umat Muhammad
Tuhanku rahmat keunan neubri
Hingga teubiet mata uroe
Jibeuet  do’a nyoe dum jisare

Allhummaghfir limanightasala
Yaumal Jum’ati wa hadlarahaa
Wa hadlaral khuthbati
Firman Allah tron u bumi

Ka deungo he Malaikat
Peue nyang hajat jinoe kubri
Ban simalam dawok kamoe
Peugah jinoe peue nyang radhi        – 212 –

Ya Tuhanku gata nyang thee
Ampon meulakee keu umat Nabi
Ta peuampon umat Muhammad
Beule rahmat keunan neubri

Lailaha hailallah
Jinoe lon peugah faidah mndi
Faidah mnoe Jeumeu’at
Buettan sunat ikot Nabi

Manoe wajeb kalon peugah
Bak ujong kisah adab suami
Ia nyang tijoh baktuboh droe
Saboh meuligoe sinan jadi

Deungon luah amat sangat
Lhee seun lipat nibak bumi
Uroe kiamat dinap teudong
Cahya bandrang ban matahari

Meuggohji euesyuruga nekmat
Umu meuhat hanlon mate
Meunanke sabda Rasulullah
Calitra Amamah bangsa Bahily

Barangsoe jak u Meseujid
Oh jiteubiet ji peureugi
Ji-ek syaksi kayee bate
Peue nyang meuteumei hana khali
– 213 –

uroe Jum’at Malaikat tron
Jak sagaidon bandum nanggri
Jak eue ureueng Seumbayang Jeumeu’at
Jeueb jeueb Mesjid ula-ili

Oh jingo bang dhuho uroe
Bandum jiwoele peureugi
U pinto Meuseujid  dum meuhimpon
Jijak kalon soena bakeuti

Soe nyang tamong yohgoh geubang Soe yang bombing bak meucakri
Oh jikalon ureueng ruk’uk
Teuma jidue k leueng ngon jari

Jibeut do’a leueng ngo jaroe
Lafai meunoe tango seundiri
Allahummaghfir ‘anhu
Wa taqabbal minhu ‘amaluhu
Ya Tuhanku ampon neubri

Lheueh nyan dipinto teuma teudong
Soe nyang tamong mumat jari
Neuduek khatib ateueh mimbar
Neuuek teuma dum meuriti

Antara shaf duej meusimpan
Jingieng bandum bak geutanyoe
Teuma beudoh Seumbahyang Jum’at
Banja teupat dong meuriti        – 214 –

Lheueh Seumayang mumat-mat jaroe
Teuma geuwoe geupwureugi
Meunan jeueb-jeueb seun Jeumeu’at
Mana silap meung sehari

Beurang kasoe jibadeungo bang
Hana rijang jipeureugi
Dawok lale meubeurakah
Dawok seumeugah ngon meucakri

Nam boh bala lhee disinoe
Teulhee dudoe jan uroe page
Bala didonya kayem deuek-troe
Dua adoe kureueng raseuki

Jeulhee ‘amal hana geutueng
Payah mantong malam hari
Lagi nakreueh raja dhalem
Heureubot kayem han meukri-kri

Do’a pihan na meubahui
Payah jimoe peutang pagi
Teuma bahya lhee diakgirat
Phon teusurat nyanubak dahi

Teusurat bak dhoe putoh asa
Page syuruga dijih han geubri
Nyankeu ureueng dijih han geubri
Nyan  keu ureueng gadoh tuah
Heuih ngon Allah jarak ngon Nabi

– 215 –

Di akhrat han tilek Tuhan
Sabab sijih nyan jeuheuet beugi
Nuraka jahannam page dudo
Jih keu asoe meuhat geubri

Lailaha haillallah
Aneuk meutuah ingat keudroe
Bekna tuwo Seumbahyang Jum’at
Beuta ingat geunap uroe

Bukit hanjeuet nyan takira
Bak ureueng tuha temeurunoe
Teuma tajak pi beusunggoh
Meuseuki musoh disinan toe

Hana peue hit Tuhan peulara
Tangi khaba ureueng sidroe
Abi Amamah bangsa Bahily
Tuhan teukeudi bak siuroe

Neu teubiet di Syam sipeurusah
Toe Madinah kacot uroe
Neungo ureuengbang uroe Jeumeu’at
Neuplueng leugat neujak sidroe

Troh neuteungoh saboh data
Neu eue teuka rimueng pindoe
Neu eue teudong dirot saya
Lahaula waa neujkheun tanggoe        – 216 –

Quwwata illa billahil ‘aliyil ‘adhiim
Seureuta neukheunle khaba n meunoe
Ya Rabbi ya Tuhanku
Peue beulaku bri keukamoe

Gata nyang thee ya Tuhanku
Ban nyang nafsu hajat kamoe
Lontiek ateuta lonbak namiet
Lon plueng meugriet lonjak keunoe

Peurbuatan nyang geumargata
Lagi geumar Nabi kamoe
Ta peureumpok dirot sitree
Lom neulakee do’a meunoe

Allahummakfiny iyyaahu
Ya Tuhanku Bantu kamoe
Do’a pihlheueh srot dibabah
Teulheueh nyan leumah ureueng sidroe

Rupa hibat hana sakri
Ureueng Farisi nyang sibagoe
Reugam tumbak sandang beude
Geupeuraple ubak kamoe

Teuma geukheun ya Bahily
Ulon peureugi sajan jinoe
Ulon poh sitree gata
Beudoih lanja tajak keunoe
– 217 –

Tajak keunoe rijang-rijang
Ulonteu cang rimueng pindoe
Meung rimueng nyan truet tatakot
Kuwiet atot kukoh jaroe

Syekh Bahily beudoh laju
Teuma jimeusu rimueng pindoe
Rimueng marit miseue insane
Jhroh that lisan paseh hansoe

Tadeungo he Aba Amamah
Ulonteu peugah tango jinoe
Ureueng nyang jak jalan Tuhan
Hana ulo kukheun sapeue

Raseuki ulon sitna bahgi
Soenyang peureugi loncok sidroe
Deungon beureukat uroe Jum’at
Hana hajat keu beurangsoe

Han ulon bri meudlarat
Jak leugat bek reubah uroe
Yohgoh lom lheueh Seumayang Jum’at
Neuplueng leugat baklon hanpeue

Ulon pitroh Mesjid Madinah
Nyang beuet Khutbah panghulee geutanyoe
Nabi neuduek ateueh mimbar
Teusibyom teuma leumah gigoe          - 218 –

teulheueh Khuthbah Nabi Seumayang
kamoe teudong dilikot dudoe
Lheueh Seumbahyang deungon teuseubeh
Ulonteu beudoih lon com jaroe

Teuma teusinyom Rasulullah
Ya Aba Amamah ‘ajib hansoe
‘Ajab ulon teuka Farisi
Seureuta lagi rimueng pindoe

Na tatusoe ureueng Farisi
Nyang peureugi sajan bunoe
Wallahu ‘aklam wa Rasulihi
Khuen Bahily gata nyang tusoe

Na tadoeungo ya Bahily
Nyankeu Jebra-I sajan bunoe
Suroh Tuhan ngon sikeujab
Neuyue peurap gata sidroe

Sabab neuthee niet teubeuna
Rimueng piteuma jimarit keudroe
Hana tathee Aba Amamah
Makhluk Allah nyang dibumoe

Sigala binatang hiyawanat
Uroe Jeumeu’at mumat-mat jaroe
Jilake meu’ah bandum kawom
Lakee ampon deesya beurang peue

– 219 –

tadeungo he Aba Amamah
ulonteu peugah nyoe nyang seungkoe
oh jingo bang han jipeurap
Gadoh beureukat pusaka rugoe

Areuta habeh papa ngin siat
Keujih pithat adueub dudoe
Calitra ahsan deungo lon peugah
Rasulullah cit hareutoe

Meungna ureueng peuerploh sapat
Jiduek teutap sboh nanggroe
Hana sinan jipeudong Jeumeu’at
Bala meuhat keujih lhee peue

Peurtama phon gadoh bereukat
Sunggoh hareukat jih lam deuek-troe
Keudua neukreueh raja dhalem
Geureuboet kayem aneuk bisoe

Keulhee do’a han faidah
Kuwut lidah keuboih jaroe
Teuma di Malek saoh riwayat
Nabi Muhammad cit hareutoe

Beurangri gampong beutangri teumpat
Oh meusapat peuetploh ureueng
Meunghan jitem Suembahyang Jum’at
Nanggroe meuhat teukale khueng         - 220 –

Keudua bala lethat fitnah
Jeuet meubantah meupake ureueng
Laku jigot lahe takalon
Buet ji macam aneuk bajeueng

Nyankeu ureueng nyangba fiteunah
Page lam babah jih geucukung
Ureueng got-got ji pupake
Pihak hate mise kareueng

Hana jisyen jeu hamba Allah
Suroh teugah dum jilinteueng
Kheun ulama han jipateh
Bukon paleh aneuk bajeueng

Han jipateh nyang mustahak
Nyum tasipak beuteu linteueng   *Nyum
Asoe nanggroe kayem runtoh     dari phon
Sabab fiteuhah lettah ureueng     hingga
tamat
lam Pidie nyoe nyang that riyoh
Di Aceh na jareueng-jareueng
Nanggroe Aceh kureueng fiteunah
Nanggroe meutua hanthat kengkueung

Keulhee bala kayem geureubot
Ji peutakot areuta jitueng
Hana sapeue laen teukeulid
U mesjih hantom teusareueng
– 221 –

Hamtom jijak u Meuseujid
Hana siblet rohlam bileueng
Nyan bala lhee fiteunah reubot
Nyang that tatkot sit bala khueng

Peue tapula mate habeh
Tanoh puteh meseue kareueng
Hana sapue jeuet tapula
Ujeuen teuka jareueng-jareueng

Lagi hanjeuet nyan ta meugoe
Bandum naggroe jadi kareueng
Agam saho inong saho
Lam-lam rabo jak mita kreueng

Cut ngon raya dum beulisah
Lam-lam nipah jakkoeb udeueng
Ureueng tunong jiplueng ugle
Jakcok awe dum jirayueng

Di ureueng pasi plueng u laot
Mita eungkot peue meuteumeung
Di ureueng teungoh teukukoko
Jakkoeb abo paya peue krueng

Asoe nanggroe habeh jibungka
Sigala data panting panteueng
Ladom jijak ulam teuba
Ladom ba guda keudeh u Reueng-reueng         - 222 –

Han ek mupakat rakyat peutua
Han ek jimaba jak peugot lueng
Sabab salah jithat raya
Dum peutua jhanjeuet keu ureueng

Seumbahyang Jum’at bah jih rigan
‘Akal jihtan miseue banteueng
keupeue akai meungtan pike
Soe peurame meungtan ureueng

Ureueng leu[pah sigala bube
Ladom ugle ladom u Laweueng
Nanggroe laen dum jeuet pade
Phon digle tanggoe u Reueng-reueng

Di Keumala troh u Busu
Pade ijo hana naleueng
Taloe lueng Busu Bintang Keujuran
Pade santan ta eue meureuleueng

Mukim Pidie Meudeujid Raya
Beurang jan masa geunap ureueng
Pade sinan hanpeue peugah
Ie mudah jiteungoh dikrueng

Mukim Rabo kayem jeuet pade
Di Pangki troh u Beureuleueng
Bukit hantroh ie nyang geuba
Ujeuen teuka hana leu-eueng

Catatan : halaman 222-228 sengaja dibuang, karena banyak kritik yang crah beukah (TA).
– 223 –

Mukim kayem malang
Kayem that blang timoh  naleueng
Sabab beu-o Suemayang Jeumeu’at
Han ek mupakat jak peugot lueng

Nyang that kayem pade layee

Ureueng Mukim kayem meugriet
Sabab Meuseujid habeh kengkeueng

Bitpi meunan hana gundah
Mita ilah jaktot kareueng
Meungdua pat tatot gapu
Tulong Tuhanku pruet kacateueng

Mukim pithat hiheueng
Tueng ie ujeueng jiboih ie krueng
Tujoh ploh tujoh mukim lam Pidie
Ladom meu-ie nyang ladom khueng

Sabab ureueng han mupakat
Meuseujid geunap jareueng-jareueng
Teungoh Duaploh Dua
Meuseujid mitna geunap ureueng

Patna geunap dum jroh pade
Han mate timoh naleueng
Pat han geuenap pade hanjeuet
Beuthat jiseuet keunan ie lueng          - 224 –

Beuthat taseuet ta peuamak
Meungbu Manyak hanpat tatueng
Beuthat na ie pade layee
Si alee-alee geunantoe khueng

Bukit han nyan jitron gusong
Pade sunggong han jeuet tatueng
Bukit han meunan jimupake
Hanjeuet pade ka jadi lueng

Prang baro jeuet lueng kahanle
Blang sagaibe timoh naleueng
Nyankeu sabab tinggai Jeumeu’at
Nabi Muhammad han neutem tueng

Nanggroe “Arab hana pade
Hancit mate handeuek ureueng
Tuhan peutron keunan beurangkat
Seumbahyang Jum’at hantom leu-eueng

Makkah Madinah hantom geumeugoe
Troe cit nanggroe tumbon ureueng
Sinoe meung sithon hanjeuet pade
Deuek sagaibe pijeuet pade

Bak nanggroe nyoe hana beureukat
Le nyang bangsat taat keureueng
ACEH pikayem keunong bala
Hana reuda lam teuka khueng
– 225 –

Laila hailallah
Habeh kisah janji dilee
Janji tujoh blah lam khueteubah
Bekta gundah le muenglagee

Asai hase ban lon peugah
Saboh kisah lheeban lagee
Seupeurti ban sya-e Aceh
Nyang peusareh ureueng dilee

Teungoh ugle takoh awe
Tahilale dipeureude
Beuthat meusingklet sigala bube
Muwoe hase keunoe tathee

Deungo lon peugah saboh ‘ibarat
Lon lihat ngon mata ulee
Siuroe ulon ka jak u barat
Jak bak sahbay kamoe sit lhee

Muduek di Peukan sit taloe krueng
Troh u gampong  uroe ka padee
Troh u Binasah soeh
Hanasaboh ureueng meungbulee

Ulonteu jak bacut-bacut
Blang pade layee
Watee meugreb troh u
Binasah soh lam meutume         - 226 –

Teubit ninan u Blang
Pade rata dumka layee
Pade katho on meugulong
Di               tanggoe u

Di               troh u
Layee rata troh u
Di blang               troh u
Tanoh pireueng miseue abee

Thoh u                meujakSeumbahyang
Tamong rijang katoej watee
Binasah nyan pitan tima
Allah hai Ma pakri lagee

Beudoih ninan meujak pantah
Meureumpok zawiyah lom meuteumei
Binasah reuloh pageue hanle
Bak srah gaki hana bate

Peurap bak Mon tima pitan
Susah hanban skamoe banlhee
Beudoh ninan meuplueng sabe
Binasah lom meuteumei

Lonngo sungap hana ureueng
Leugat meuplueng ureueng
Sinan pina saboh binasah
Hanpeue peugah miseue dilee

– 227-

Bekta tamong tan meukeusud
meugreb bacut hanle watee
teuma ili seutot taloe krueng
hana meuteumeung ureueng meungbulee

Ngon Binasah han tatupat
kakeu sisat kamoe banlhee
Ta keumeung tanyong hana ureueng
Hantom teuseureueng keunan dilee

Teuma meudeungo ureueng kiroh
Keunan meupeurap kamoe banlhee
Nyoe leupeue nyoe saleh Binasah
Cuba seuleuah jak peuteuntee

Kamoe dua dong bak jurong
Tamong peu-ujong sidro dilee
Meureraba teupeh beuteueng
Teumanyong ureueng peue meukeutee

Teuma jiseuot ulon Teungku
Ji tamong laju troh bak bate
Troh bak bate
Gaki riyeuen
Teuma jikheun meunoe lagee

Wahee Teungku meuteumanyong
Seuot beukeunong tapeuteuntee
Pat Binasah nyang jeuet meudom
Kamoe hantom meujak dilee         - 228 –

Pat Binasah na ureueng beuet
Peugah beteuepat he panghulee
Binasah nyang na ureueng Suemayang
Binasah na dua lhee

Aneukmiety beuet ureueng Suembahyang
Jurong seunang  han meusingkee
Ohsare troh u Binasah
Habeh meupeugah buettan dilee

Asoe Binasah teuma sueot
Kamoe meudlarat he panghulee
Peuet buleuen khueng ahana ujeuen
Blang tho siseun miseue abee

Pade amate lheueh mupula
Teungoh dara nyang phon layee
Jinoe katho miseue jumping
Atatot tutong he panghulee

Lalu meulintas dalam peu-eued
Meudlarat jeuet ureueng Mukim
Nyokeu sabab han ‘ibarat
Suembahyang Jum’at kayem padee

Binasah soh hansoe Seumayang
Hantom soe-bang meungsi watee
Nyankeu sabab jeuet teuka khueng

– 229 –

Laila hailallah
Habeh kisah janji dilee
Janji dilee tujoh blah tambeh
Ohnoe habeh hanle lagee

Muhammadur Rasulullah
Beuta ubah nibak dilee
Saboh banja sanga meutamah
Siulah-ulah miseue dilee

Blah timu Doaploh Dua
Blang dum rata geudoh meutamah
Sit jeueb-jeueb blang dum habeh tho
Ta eue tahe tagaro ulee

Ureueng lakoe uereueng binoe
Jak jeueb nanggroe seuon diulee
Allah Allah Astagfirullah
Ampon meu’ah nyang lon lakee

Neu peutron bala uleh Tuhan
Peuringatan nameung tathee
Na limong nameung hanjeuet pade
Blang hanale soe peulage

Tamat hikayat Tujoh Blah Tambeh
Uroe khamis ulon brithee
Jamadul Akhir peuetblah uroe
Allah bri sampoe beureukat penghulee         - 230 –

Hijrah Siribee Lhee Reutoh Nam (1306 H)
Ulonteu bri pham na meuteuntee
Ohnan tamat ulon meuteuntee
Keukal biddawam do’a lon lakee

Amin ya Allah
Amin Ya Rasulullah

Intahu
“Tamin”

– 231-

Lethat cuco Nabi Adam
Peurintah Tuhan peunoh donya
Ladom skafee ladom mukmin
Nyang shiddiqin pangkat ambiya

Sigala ‘alam dum seukalian
Leubeh insane diateueh donya
Leubeh insane nibak laen
Dum seukalian ‘alam nyangna

Kisah nyang phon kakeu tamam
Peue jinoe lom takeukira
Janji dilee peuet boh kisah
Teuma jinoe bah saboh sahja

Nyang yue surat Sinyak ‘Ali
Han Allah bri jeuet lon dawa
Teungku surat nama Abi
Sinyak Ali nyan aneuknda

Nyankeu ureueng posurat nyoe
Bahle ohnoe bekle khaba
Ureueng surat hanlon peugah
Tan faidah sabab hina

Kheueth pihan got karang marot
Bahlon sugot bek le khaba
Lon sit teuboih nibak rakan
Keuhinaan dum peurkara         - 232 –

Tarah kham jok ngon top ateueng
Taboh beuneung beuteu janka
Lon lam dawok ek seulinteueng
Jeuheuet ureueng beu-o raya

Beuet pinalaih harekat pitan
Lam hinaan bak syeedara
Lam Blang Mantak putroe balee
Pade layee kayem rata

Sabab jeuheuet hana malee
Sabab dungee eleumee hana
Areuta pitan eleumee pihan
Lam sosahan rok-rok masa

Cicem Pungguk  buleuen reudee
Dicong kayee meusuara
Lon lam asawok jak meuguree
Mita eleumee ubak Saudina

Ngon breueh gapiet sabe lon pangkee
Seuon bak ulee hana reuda
Hate lon kreueh miseue bate
Bacut eleumee tamong hana

Dibineh blang hasan ramphak
Rakyat galak keunan teuka
Meungna areuta meueh ngon pirak
Beurangho tajak pimulia
– 233 –

peue nyangtakheun bandum reumbang
Hansoe sagang sabab areuta
Waliyullah Teungku di Pasi
Kubu hamper rab kuala

Soe nyang ‘alem eleumee jitukri
Beurangho peureugi pimulia
Beuthat lamgle nasoe kunjong
Adat lam gampong hampeue kira

Gle manyang gunong Seulawah
Tanda Ka’bah siblah donya
Khaba seunang narit pi jeulah
Gaseh Allah keupadanya

Babah mameh narit cangklak
Beurangho tajak pi meuguna
Gle siblah bate meukaceueng
Gle Meulinteueng teumpat aulia

Meung jeuet marit dinap ureueng
Beurangho geutuanggeujak mita
Mulia pithat jakpi dilee
Adatna eluemee babul aula

Bahkeu dumnan lon beurakah
Beue meu’ah bak syeedara
Lingka rumoh boh pupalang
Pula pisang ngon bak kala          - 234 –

Jampang meurampok dirot diblang
Beule syen sayang keulon syeedara
Adat janmpang ta eue surat
Keulon teingat beuna lam dada

Krueng Baro luah pante
Digaki gle rab Keumala
Akhe donyua agama hanle
Raja kacre lam istana

Kuta reuloh Meuseujid apak
Hana soejak keunan teuka
Rakyat keudroe raja keudroe
Hankeu nasoe boeh bicara

Maseng-maseng mat droe rayek
Bandum dawok suetot donya
Leugat kureueng nibak leubeh
Raja Aceh hanle mulia

Rakyat keuraja table horeumat
Hanle ‘Izzat miseue nyangka
Nyankeu saboh tanda kiamat
Raja ngon rakyat hana bida

Ulee Balang tan jitakot
Beuthat jidhot hiro hana
Keujruen Panglima Imum Mautroe
Jeueb-jeueb naggroe kureueng mulia

– 235-

Ureueng ‘Alem hana horeumat
Dum bak rakyat hana guna
Dinap Teungku dilikot Leube
Lethat mure ache donya

Jeueb-jeueb gampong ji peudong prang
Ulee Balang dum meudawa
Nyanba laku saboh kafilah
Di Leube Binasah saboh rupa

Cong-cong jeurtat dimeudawa

Meunan laku Leube Binasah
Aneuk ngon mbah saboh rupa
Di aneuk keunang han jitakot
Jilawan carot sabe padra

Ngon kawon ji mupake
Ladom crebre ngon syeedara
Teuma laen saboh lagee
Murid keu guree hana mulia

Meunan teukeudi nibak Allah
Kureueng tuah ache donya
Nyoe lom teuma di ureueng binoe
Deungon lakoe kayem meudawa         - 236 –

Beungoh seupot sabe meukuekkuek
Oh lheueh taleuek lom jigisa
Oh dudoe karaya teulah
Buet han keumah dilee kira

Inong lam nanggroe malee hanle
Kayem pake geunap sinja
Geunap seupot meukoh ulee
Kureueng malee sibagoinya

Kakeu meunan takdir Tuhan
Le manyenan ache donya
Deungki ku’eh amarah khianat
Gaseh han thatle lam dada

Nyankeu sabab kureueng gaseh
Konban jandeh awai donya
Peukeu sabab nyang jeuet meunan
Meuroe raja han tapeumulia

Meungnyo mulia raja nanggroe
Du
Boh kayee jeuet
“Yaba”

Uroe nyoe tanggai 25 buleuen Puasa 1421
Bertepatan Kamis, 21 Desember 2000
Adalah uroe GEUNAP 15 thon ulon dipok le
Muto. Sebab uroe jipok nyan adalah uroe
Sabtu, 25 Ramadhan 1985 (15 Juni 1985).
Dipok di sekitar Kalasan ± 8 km di timu
Kota Yogyakarta, saat pulang terakhir
Dari lokasi tugas KKN-UGM. Alhamdulillah……

Iklan

2 pemikiran pada “Tambeh Tujoh Blaih

  1. Assalamualaiku wr wb.

    Peu haba yang terhormat Pak TA Sakti, semoga bapak selalu dalam lidungan dan rahmat Allah SWT, jangan pernah berhenti berkarya ya Pak… langkah sekecil apapun yang telah Bapak Lakukan pada akhirnya akan membawa sebuah keberhasilan yang sangat besar bagi generasi ke depan, terutama bagi generasi yang memiliki integritas dan berbudaya tinggi akan keluhuran budaya sendir/lokal.

    Salam hormat
    Dari Murid Bapak

    Zamroni Mashuda

    • ‘Alaikom salam!. Alhamdulillah, masih sehat dalam lindungan Allah Swt!.Pat jinoe Zamroni, sebab pernah ada kabar; berada di Jakarta sebagai wartawan. Kalau benar demikian, Anda dapat pula membaca Hr.Kompas kemarin Ahad, 7 April 2013 yang memuat kegiatan Sastra Aceh saya di hlm. 23. Saya terkenang pada para mahasiswa tempoe dulu yang rajin dan pintar-pintar- termasuk masa Anda seperti M. Nasir, Sardin,Mawardi dan lain-lain termasuk Zamroni sendiri. Saat itu, kalau kita sedang diskusi bahan kuliah, sungguh semarak dan mengasyikkan!. Memang ada yang mengecewakan, semangat menulis/mengarang yang terus saya ‘pompakan’ kepada mahasiswa sepanjang 22 tahun belakangan,nyaris tak ada yang tumbuh secuil pun. Ini mungkin karena Pemerintah R.I dan lingkungan sekitar tidak menghargai “Dunia Mengarang”. Oh ya, buku India – sejarah politik dan pergerakan kebangsaan karya Dr.Mulia- yang atas bantuan Anda membelinya- tahun 1993- di pasar loak Banda Aceh, masih saya pakai sampai sekarang!. Akhirul kalam: Selamat berkarya di bidang apa saja!. T.A. Sakti.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s