DODA IDI II

Doda Idi/WU

Allah haido doda idi

Taloe ayon jok sitali

Kaeh hai Nyak dalam ayon

Poma tron jakboeh bu Abi

Jakku ayon putik sukon

Boh dalam on han lon thee na

Gata hai Nyak miseue ie mbon

Angen peutron diantara

Allah haido doda idi

Keudidi di dalam bangka

Bek hai Nyakcut ta meujudi

Boh hate ‘oh rayek gata

Do doda idi

Mirahpati pataj teuot

Mate Ma bak ulee jingki

Mate Abi bak raga eungkot

Allah haido doda idang

Beulalang eumpeuen cempala

Beuna hai Nyak ta seumayang

Phon seudang sampe ‘oh tuha

Do doda idi

Boh gadongdi kafe pula

Dikafe  ka jiboih bijeh

Ditanyoe Aceh baro tapula

Pat dipula dilikot geudong

Habeh Tutong yoh prang Beulanda

Allah haido doda idi

Bak sawi dimieng kuwala

Beuna umu Nyak putehdi

He ya Rabbi Tuhan kaya

Do doda idang

Seulayang blang putoeh taloe

Adat putoeh hana jeuoh

‘Et Meulaboh angen tampoe

Allah haido jakku kheundo

Jeh boh tulo dicong ara

Simanyak cut hansoe dodo

Darabaro ayeuem mata Ma

Allah hai Po Ilahon hak

Gampong jarak hantroh lon woe

Adakna bulee lon teureubang

Mangat rijang troh u nanggroe

T.A. Sakti

Catatan :  Doda Idi di atas hasil wawancara saya dengan para orangtua ketika meu-Uroe Raya di gampong pada ‘Idulfitri 1429 H.

About these ads

Tinggalkan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s